கால அட்டவணைப்படி பொதுத்துறை வங்கிகளை இணைக்கும் பணி நடைப்பெற்று வருகிறது -நிர்மலா!

கொரோனா வைரஸ் பாதிப்பால் இந்திய பொருளாதாரத்தில் கொரோனா வைரஸ் ஏற்படுத்திய தாக்கம் குறித்து அரசாங்கம் உன்னிப்பாக கவனித்து வருவதாக நிதியமைச்சர் நிர்மலா சீத்தாராமன் தெரிவித்துள்ளார்.

முன்னதாக நாட்டின் நான்கு பெரிய கடன் வழங்குநர்களை உருவாக்க அரசு நடத்தும் 10 பொதுத்துறை வங்கிகளை ஒன்றிணைக்க அரசாங்கம் அறிவிப்பு வெளியிட்டிருந்த நிலையில்., கால அட்டவணைப்படி பொதுத்துறை வங்கிகளை இணைக்கும் பணி நடந்து வருவதாகவும் அமைச்சர் தெரிவித்தார். 

இந்திய வங்கிகள் சங்க நிகழ்வில் உரையாற்றிய நிதியமைச்சர், இந்த அறிவிப்புகளை வெளியிட்டார். மேலும் நிகழ்ச்சியில் அவர் குறிப்பிடுகையில்., நாவல் கொரோனா வைரஸ் 2019 (COVID-19) காரணமாக 2,700 க்கும் மேற்பட்டோர் இறந்துள்ளனர், அதே நேரத்தில் பாதிக்கப்பட்டவர்களின் எண்ணிக்கை 80,000-ஆக எட்டியுள்ளது. வைரஸ் பாதிப்பினை அடுத்து, அதன் மையப்பகுதி சீனா, இந்திய விமான நிறுவனங்கள் உட்பட பல விமான நிறுவனங்கள் தங்களது சில வெளிநாட்டு விமானங்களை ரத்து செய்துள்ளன. வங்கி இணைப்புகள் குறித்து, சீத்தாராமன் "வங்கி இணைப்பு குறித்து எந்த நிச்சயமற்ற தன்மையும் இல்லை" என்றும், அட்டவணைப்படி செயல்முறை நடந்து கொண்டிருக்கிறது என்றும் கூறினார்.

கடந்த ஆண்டு ஆகஸ்டில், 10 பொதுத்துறை வங்கிகளை நான்காக இணைப்பதாக அரசாங்கம் அறிவித்தது. அந்த அறிவிப்பின் படி யுனெய்டன் பாங்க் ஆப் இந்தியா மற்றும் ஓரியண்டல் பாங்க் ஆஃப் காமர்ஸ் ஆகியவை பஞ்சாப் நேஷனல் வங்கியுடன் இணைக்கப்பட உள்ளன, இந்த ஆண்டு ஏப்ரல் 1 முதல் முன்மொழியப்பட்ட நிறுவனத்தை இரண்டாவது பெரிய பொதுத்துறை வங்கியாக (PSB) மாற்றும்.

சிண்டிகேட் வங்கியை கனரா வங்கியுடன், அலகாபாத் வங்கியை இந்தியன் வங்கியுடன் இணைக்கவும் முடிவு செய்யப்பட்டது. இதேபோல், ஆந்திர வங்கி மற்றும் கார்ப்பரேஷன் வங்கி ஆகியவை யூனியன் பாங்க் ஆப் இந்தியாவுடன் ஒருங்கிணைக்கப்பட உள்ளன.

ஏப்ரல் 2019-ல், பாங்க் ஆப் பரோடா, முதல் மூன்று வழி இணைப்புப் பயிற்சியில், விஜயா வங்கி மற்றும் தேனா வங்கியை தன்னுடன் இணைத்தது.

முன்னதாக, SBI தனது இணை வங்கிகளில் ஐந்து (ஸ்டேட் பாங்க் ஆப் பாட்டியாலா, ஸ்டேட் பாங்க் ஆஃப் பிகானேர் மற்றும் ஜெய்ப்பூர், ஸ்டேட் பாங்க் ஆஃப் மைசூர், ஸ்டேட் பாங்க் ஆப் திருவிதாங்கூர், ஸ்டேட் பாங்க் ஆஃப் ஹைதராபாத் மற்றும் பாரதிய மகிளா வங்கி) ஆகியவற்றை ஏப்ரல் 2017 முதல் அமல்படுத்தியது குறிப்பிடத்தக்கது.