அசந்து போக வைக்கும் விராட் கோலியின் சொத்து மதிப்பு: எவ்வளவு தெரியுமா?

Virat Kohli Net Worth: இந்திய கிரிக்கெட் அணியின் அதிரடி ஆட்டக்காரர் விராட் கோலி, கிரிக்கெட் மைதானத்தில் தனது அசாத்திய திறமையால் ரசிகர்களை பல ஆண்டுகளாக மகிழ்ச்சியில் ஆழ்த்தியுள்ளார், திகைக்க வைத்துள்ளார். ஆனால், இது மட்டுமின்றி அவர் சேர்த்துள்ள சொத்தின் மதிப்பும் நம்மை திகைக்கத்தான் வைக்கின்றது. கிரிக்கெட் களத்திலும் அதற்கு வெளியிலும் கோஹ்லியின் வெற்றியை வெளிப்படுத்தும் அவரது நிகர மதிப்பைப் பற்றி அறிய ரசிகர்கள் ஆர்வமாக உள்ளனர். விளையாட்டு மைதானத்திலும், மைதானத்தின் எல்லைக் கோடுகளைத் தாண்டியும் ஒரு உண்மையான, திறமை வாய்ந்த விளையாட்டு வீரரின் சாதனைகளை பிரதிபலிக்கும் வகையில் அவரது சம்பாத்தியமும் சொத்து மதிப்பும் உள்ளது. 

2024 -இல் விராட் கோலியின் சொத்து மதிப்பு எவ்வளவு?

விராட் கோலியின் நிகர மதிப்பு 126 மில்லியன் டாலர்கள் என மதிப்பிடப்பட்டுள்ளது. கோலி தனது அதிரடி பேட்டிங் மற்றும் தலைமைத்துவ திறன்களுக்காக அறியப்படுகிறார். இந்திய தேசிய அணிக்கும் ஐபிஎல் போட்டிகளில் ராயல் சேலஞ்சர்ஸ் பெங்களூரு அணிக்கும் அவர் ஒரு முக்கியமான வீரராக இருக்கிறார். விராட் கோலி, சர்வதேச ஒரு நாள் போட்டிகளில் அதிக சதம் அடித்த வீரர் என்ற சாதனையை படைத்துள்ளார். கிரிக்கெட்டைத் தாண்டி, கோலி விளம்பரங்கள் மூலமாகவும் சமூக ஊடகங்கள் மூலமாகவும் மிகவும் பிரபலமாக உள்ளார். 

விராட் கோலியின் வருமானத்திற்கான முதன்மை ஆதாரங்கள் என்ன?

விராட் கோலி பல்வேறு வழிகளில் பணம் ஈட்டுகிறார். இந்திய கிரிக்கெட் அணி மற்றும் ஐபிஎல் -இல் ராயல் சேலஞ்சர்ஸ் பெங்களூரில் இருந்து அவர் பெற்ற சம்பளம் தவிர, Puma மற்றும் Audi போன்ற நன்கு அறியப்பட்ட பிராண்டுகளுடன் அவர் விளம்பர ஒப்பந்தங்களைக் கொண்டுள்ளார். இவை தவிர சமூக ஊடகங்களில் ஸ்பான்சர் செய்யப்பட்ட இடுகைகள் மூலமும் கோஹ்லி தனது வருமானத்தை அதிகரிக்கிறார். மேலும், அவர் தனது க்ளோதிங் லைனான One8 மற்றும் ஸ்டார்ட்அப்களில் முதலீடுகள் போன்ற வணிக வென்சர்கள் மூலமும் தனது போர்ட்ஃபோலியோவை பன்முகப்படுத்தியுள்ளார்.

விராட் கோலியின் வருமான விவரங்கள் என்ன?

இந்திய அணியில் சம்பளம்:

இந்திய கிரிக்கெட் கட்டுப்பாட்டு வாரியத்துடனான (BCCI) ஒப்பந்தத்தின் மூலம் விராட் கோலி குறிப்பிடத்தக்க தொகையை சம்பாதிக்கிறார். A+ பிரிவு வீரர்களில் இவர் இருப்பதால், இவர் ஆண்டு சம்பளமாக தோராயமாக $850,000 (INR 7 கோடி) பெறுகிறார் என yahoo இன் அறிக்கைகளில் கூறப்பட்ட்டுள்ளது.

பிசினஸ் வென்ச்சர்ஸ்:

விராட் கோலி ஒரு பிரபலமான கிரிக்கெட் வீரராக இருப்பதோடு ஆர்வமுள்ள ஒரு தொழிலதிபராகவும் உள்ளார். பூமாவுடன் இணைந்து உருவாக்கப்பட்ட அவரது க்ளோதிங் லைன் One8 கணிசமான பிரபலத்தைப் பெற்றுள்ளது. கூடுதலாக, அவர் கேலக்டஸ் ஃபன்வேர் டெக்னாலஜி பிரைவேட் லிமிடெட் (Galactus Funware Technology Pvt. Ltd) போன்ற ஸ்டார்ட்அப்களிலும் இறங்கியுள்ளார். இது பரவலாகப் பயன்படுத்தப்படும் மொபைல் பிரீமியர் லீக்கை (MPL) இயக்குகிறது.

ஐபிஎல் சம்பளம்:

அவர் தனது ஐபிஎல் அணியான ராயல் சேலஞ்சர்ஸ் பெங்களூரில் இருந்து குறிப்பிடத்தக்க வருமானத்தைப் பெறுகிறார். அவர் ஒரு சீசனுக்கு சுமார் 2 மில்லியன் டாலர்களை சம்பாதிக்கிறார். இதன் மூலம் IPL -இல் அதிக சம்பளம் வாங்கும் வீரர்களில் அவரும் ஒருவராக உள்ளார். 

சமூக ஊடகம்:

இன்ஸ்டாகிராம், ட்விட்டர் மற்றும் ஃபேஸ்புக் உள்ளிட்ட அவரது பிரபலமான சமூக ஊடக கணக்குகளில் ஸ்பான்சர் செய்யப்பட்ட இடுகைகள் மூலம் கோஹ்லி கணிசமான வருமானத்தைப் பெறுகிறார். இன்ஸ்டாகிராமில் மட்டும் விராட் கோலி, ஸ்பான்சர் செய்யப்பட்ட ஒரு இடுகைக்கு சுமார் 1 மில்லியன் டாலர்கள் சம்பாதிப்பதாக மதிப்பிடப்பட்டுள்ளது.

விராட் கோலி சமீபத்தில் சர்வதேச டி20 கிரிக்கெட்டில் இருந்து ஓய்வு பெற்றார். 2024 டி20 உலகக் கோப்பையில் நேற்று இந்தியா வெற்றி பெற்றதைத் தொடர்ந்து அவர் தன்னுடைய இந்த முடிவை அறிவித்தார். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!