பலாப்பழத்தின் பலே நன்மைகள்: கோடை காலத்தை கூலாக கழிக்க!!

கோடை காலம் பலாப்பழங்களின் காலம். பலாப்பழத்தின் அருமையான சுவை காரணமாக பலர் இதை விரும்பி சாப்பிடுகிறார்கள். எனினும், பலாப்பழத்தின் சுவை பிடிக்காத சிலரும் உள்ளனர். 

சிலர் பலாப்பழத்தின் ரெசிபியை ஆட்டிறைச்சிக்கு ஒத்ததாகக் காண்கிறார்கள். இதன் காரணமாக சைவ உணவு உண்பவர்கள் அதை சாப்பிட தயங்குகிறார்கள். பலாப்பழம் சுவையனதாக மட்டுமல்லாமல், இதில் பல ஊட்டச்சத்துக்களும் நிறைந்துள்ளன. பலாப்பழத்திலிருந்து பல்வேறு வகையான உணவுகளை செய்யலாம். 

உடல் ஆரோக்கியத்துக்கு ஊட்டச்சத்துக்கள் மிக அவசியம். ஆகையால், அனைவரும் பல ஊட்டச்சத்துக்கள் நிறைந்த பலாப்பழத்தை உண்பது மிக அவசியமாகும். கோடை காலமே பலாப்பழத்தை உட்கொள்ள ஏற்ற காலமாகும். குறிப்பாக நீரிழிவு நோயால் பாதிக்கப்பட்டவர்கள் கோடையில் பலாப்பழத்தை சாப்பிட வேண்டும். ஏனெனில் அது அவர்களுக்கு அதிகப்படியான நன்மைகளை அளிக்கின்றது. பலாப்பழத்தை உட்கொள்வது எவ்வாறு நன்மை பயக்கிறது என்பதையும் நீரிழிவு நோயை எவ்வாறு கட்டுப்படுத்துகிறது என்பதை இந்த பதிவில் காணலாம். 

நோய் எதிர்ப்பு சக்தியை அதிகரிக்க உதவும்

கோடை காலத்தில் பல பருவ நோய்கள் வர வாய்ப்புள்ளன. இந்த சூழ்நிலையில், பலாப்பழத்தை உட்கொண்டால், கோடை காலத்தில் வரும் பல பிரச்சனைகளை சமாளிக்க முடியும். ஏனெனில் வைட்டமின்-ஏ, வைட்டமின்-சி, இரும்பு, நார்ச்சத்து, பொட்டாசியம் போன்ற பல வகையான ஊட்டச்சத்துக்கள் பலாப்பழத்தில் உள்ளன. இது நோய்களை எதிர்த்துப் போராடுகிறது. மேலும் இது நோய் எதிர்ப்பு சக்தியை அதிகரிக்கிறது. அத்தகைய சூழ்நிலையில், கோடை காலத்தில் அதிகமாக பலாப்பழத்தை உட்கொள்வது உடல் ஆரோக்கியத்துக்கு நன்மை பயக்கும். 

எலும்புகளை வலுவாக்கும்:

எலும்புகளை வலுவாக வைத்திருக்க கால்சியம் மிகவும் முக்கியமானது. பலாப்பழத்தில் கால்சியம், வைட்டமின் சி மற்றும் மெக்னீசியம் ஆகியவை உள்ளன. இது எலும்புகளை வலிமையாக்குகிறது, உடலை ஆரோக்கியமாக வைக்கிறது. எலும்புகள் வலுவாக இருக்க, பலாப்பழத்தை உட்கொள்வது நல்லது.

நீரிழிவு நோயைக் கட்டுப்படுத்துகிறது:

உயர் இரத்த சர்க்கரையால் ஏற்படும் நீரிழிவு நோயில் பலாப்பழம் நுகர்வு மிகவும் பயனுள்ளதாக கருதப்படுகிறது. உண்மையில், இதில் உள்ள நார்ச்சத்து உடலில் குளுக்கோஸ் மற்றும் இன்சுலின் வெளியீட்டு வேகத்தை குறைக்கிறது மற்றும் பசியைக் கட்டுப்படுத்த உதவுகிறது. இதன் மூலம், சர்க்கரையின் அளவு கட்டுக்குள் இருக்கும். நீரிழிவு நோயால் பாதிக்கப்பட்ட ஒருவருக்கு அதிக சிரமம் இருக்காது.

உடல் எடையை குறைக்க உதவுகிறது:

பலாப்பழத்தில் கலோரிகள் குறைவாக உள்ளன. இது எடை இழப்புக்கு பயனுள்ளதாக இருக்கும். அதுமட்டுமின்றி இதில் உள்ள நார்ச்சத்தும் மிக அதிகம். பலாப்பழத்தை உட்கொள்வதன் மூலம் நீண்ட நேரம் பசி எடுக்காமல் இருப்பதுடன் உடல் எடையும் குறையும். பலாப்பழம் சாப்பிடுவது வளர்சிதை மாற்ற விகிதத்தையும் அதிகரிக்கிறது. இது எடை இழப்பு மேலாண்மைக்கு மிகவும் பயனுள்ளதாக இருக்கும்.

தூக்கத்திற்கு மிகவும் நன்மை பயக்கும்:

தூக்கமின்மை போன்ற தூக்கக் கோளாறுகளிலும் பலாப்பழம் மிகவும் பயனுள்ளதாக இருக்கும். பலாப்பழத்தில் மெக்னீசியம் உள்ளது. இது உடலில் உள்ள நரம்பியக்கடத்திகளின் அளவைக் கட்டுப்படுத்தும். இது உங்கள் நரம்புகளை தளர்த்தி நன்றாக தூங்க அனுமதிக்கிறது. பலாப்பழத்தை அதிகமாக உட்கொள்வதன் மூலம் ஒருவருடைய சீரற்ற தூங்கும் பழக்கத்தை சரிசெய்ய முடியும்.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G
Apple Link - https://apple.co/3loQYeR