தேன்: நன்மைகள் மற்றும் ஊட்டச்சத்து உண்மைகளைப் பற்றி அறிந்து கொள்ளுங்கள்

பண்டைய காலங்களில் கண்டுபிடிக்கப்பட்ட தேன் ஒரு திரவம் அதன் வளமான மருத்துவ பண்புகள் மற்றும் சுகாதார நன்மைகள் காரணமாக இன்றும் அதன் முக்கியத்துவத்தைத் தொடர்கிறது. பூக்களிலிருந்து தேனீரைப் பயன்படுத்தி தேனீக்கள் தயாரிக்கும் இனிப்பு திரவம் அதற்குள் பல ஊட்டச்சத்து மதிப்புகளை மறைத்து வைத்துள்ளது. இது பல கட்டங்களில் மிகவும் நீண்ட செயல்முறைக்குப் பிறகு தேனீக்களால் தயாரிக்கப்படுகிறது.

தேனின் நன்மைகள் ஆயுர்வேதத்தில் முக்கியமாகக் குறிப்பிடப்படுகின்றன, அங்கு இது மருத்துவ நோக்கத்திற்காக பயன்படுத்தப்படுகிறது. மனிதர்கள் இன்று தேனை பல வடிவத்தில் பயன்படுத்துகின்றனர். சுத்திகரிக்கப்பட்ட சர்க்கரையை தேன் ஆரோக்கியமான மாற்றாக மாற்றுகிறது. 

தேன் அத்தியாவசிய ஊட்டச்சத்துக்கள், தாதுக்கள் மற்றும் வைட்டமின்கள் நிறைந்த ஒரு மூலமாகும். பிரக்டோஸ், கார்போஹைட்ரேட், ரைபோஃப்ளேவின், நியாசின், வைட்டமின் பி 6, வைட்டமின் சி மற்றும் அமினோ அமிலங்கள் தேனின் முக்கிய ஊட்டச்சத்து ஆகும்.

தேனின் சில முக்கிய ஆரோக்கிய நன்மைகள் இங்கே:

1: உடல் எடை குறைத்தல்
தேனில் இருக்கும் இயற்கையான, தனித்துவமான இனிப்பு, உடல் எடையை குறைக்க உதவும் ஒரு சரியான உணவு ஆகும்; உணவு மற்றும் பானங்களில் சர்க்கரைக்கு பதிலாக தேனை பயன்படுத்தினால், உடலில் பல நன்மைகள் ஏற்படும். காலை மற்றும் இரவு உறங்க செல்லும் முன் ஆகிய இரு நேரங்களிலும் சூடான பாலில், ஒரு தேக்கரண்டி தேனை கலந்து சில காலத்திற்கு பருகி வந்தால், மூளையின் கட்டளையால் நமக்குள் ஏற்படும் இனிப்பு உணவுகள் மீதான ஆசையை எளிதில் போக்கி விடலாம். தேனில் இருக்கும் இனிப்பு, செயற்கை சர்க்கரையில் இருக்கும் இனிப்புகளை காட்டிலும் வித்தியாசமாக, நல்ல – ஆரோக்கியமான முறையில் செயல்படுவதாக பல ஆய்வுகள் கருத்து தெரிவித்துள்ளன. 

2: இருமல் மற்றும் சளி
இருமலுக்கு தேன் ஒரு மிகச்சிறந்த, பயனுள்ள மருந்து என பல ஆராய்ச்சிகள் பரிந்துரைக்கின்றன. ஒரு ஆராய்ச்சியில், இரவில் தேனை அளிப்பது இருமலால் அவதிப்படும் குழந்தைகள் நிம்மதியாக உறங்க உதவும் என்பதை நிரூபித்துள்ளது; மேலும் இந்த ஆய்வில், தேன் ஒரு டெக்ஸ்ரோம்த்ரோபனாக அதாவது இருமல் மருந்துகளில் காணப்படும் ஓர் முக்கிய பொருளாக செயல்படுகிறது என்று கண்டறியப்பட்டுள்ளது. எது எப்படி இருந்தாலும், 1 வயதிற்கு உட்பட்ட குழந்தைகளில் மிகவும் அரிதாக ஏற்படும் கிளாஸ்டிரீயம் பாக்டீரியாவால் உண்டாகும் ஃபுட் பாய்சன் அதாவது உணவு விஷம் குறித்து மிகவும் கவனமாக இருக்க வேண்டியது அவசியம்(4). குழந்தைகளுக்கு இருமல் மற்றும் சளி தொந்தரவுகளுக்கு மருந்தாக, தேனை அளிக்கும் முன் மருத்துவரிடம் ஒருமுறை கலந்தாலோசிப்பது நல்லது.

READ | கொரோனா காலத்தில் உடலுறவு கொள்ளும் போது முகமூடி அணிய பரிந்துரை..!

3: நீரிழிவு நோய்/ இரத்த சர்க்கரை
நீரிழிவு அல்லது சர்க்கரை நோய் உள்ளவர்கள் தேனினை எடுத்துக் கொள்ளலாமா என்ற சந்தேகம் உங்கள் மனதில் உள்ளதா? – இதோ அதற்கான விடை. தேனில் இருக்கும் குளுக்கோஸ் அளவு 45 முதல் 64 வரை மாறுபடுகிறது; இது சராசரியான அளவு தான். தேனை உட்கொள்வதால், உடலில் இன்சுலின் அளவு அதிகரித்து, இரத்த சர்க்கரையின் அளவு குறையும் என்று பல ஆய்வறிக்கைகள் கருத்து தெரிவிக்கின்றன. தேன், உடலின் திரவத்தில் இருக்கும் குளுக்கோஸ் அளவை (குறைந்தது 8 மணி நேரங்களுக்குள்ளாக) குறைக்க உதவும்; உடலில் இன்சுலின் அளவை சமநிலைப்படுத்த உதவும் C-பெப்டைடு சத்தினை அதிகரிக்க தேன் பயன்படுகிறது. ஆகையால், சர்க்கரை நோய் உள்ளவர்கள், ஒரு அரைக்கரண்டி தேனினை தேநீர், ஓட்ஸ் உணவு அல்லது யோகார்ட்டில் கலந்து உட்கொள்ளலாம்.

4: காயங்கள்/ புண்கள்/ தீக்காயங்கள்
காயங்கள் மற்றும் குறிப்பாக தீக்காயங்கள் ஆகியவற்றின் மீது தேனை தடவுவது, அவற்றில் காணப்படும் இறந்த, தேவையற்ற செல்களை நீக்கி, தழும்புகள் மற்றும் சுருக்கங்கள் (மூட்டுக்களில் ஏற்படும் குறைபாடு அல்லது இறுக்கம்) ஏற்படாமல் தடுக்க உதவும் (7). இலேசான தீக்காயங்களை முதலில் தண்ணீரால் கழுவிய பிறகு, அதன் மீது நீங்கள் தேனை தடவலாம். மற்றொரு ஆய்வில், காயங்களை குணப்படுத்த உதவும் சிறந்த மருந்து தேன் என்று கண்டறியப்பட்டுள்ளது; நோய்க்கிருமிகளுக்கு எதிரான பண்புகளை வெளிப்படுத்தும் தன்மை கொண்டது. பிற சிகிச்சை முறைகள் காயங்களை குணப்படுத்துவதில் தோல்வி அடைகையில், தேன் காயங்களை குணப்படுத்தும் ஒரு சிறந்த மருந்தாக விளங்குகிறது; தேனின் காயங்களை குணப்படுத்தும் விகிதம் அதிகமாகவும் காணப்படுகிறது (8). காயங்கள் மீது தேனை தடவிய சிறிது நேரத்தில், நல்ல மாற்றங்கள் ஏற்படும்.

5: உயர் இரத்த அழுத்தம்

2011 ஆம் ஆண்டில் வெளியான ஒரு ஆய்வு படிப்பினையில், தேன் உயர் இரத்த அழுத்தத்தை குறைக்க உதவுகிறது என்று பரிந்துரைக்கப்படுகிறது; இந்த ஆய்வில் கூறப்பட்டிருக்கும் விஷயங்கள், எலிகளில் அதிக கலோரிகளை நடத்தப்பட்ட சோதனையில் சரியான பலன்களை அளித்ததன் மூலம் சரிப்பார்க்கப்பட்டது. மற்றொரு மலேசியன் ஆய்வறிக்கையும் இதே போன்ற கருத்தை வெளியிட்டுள்ளது.

7: ஆற்றலை அதிகரிக்கும்
தூய்மையான தேனில், என்சைம்கள், புரதங்கள், தாதுக்கள், அமினோ அமிலங்கள் ஆகியவை குறைந்த அளவே காணப்படும்; இது ஒருவரின் உடலுக்கு தேவையான ஆற்றல் அளவை சரிவர பங்களிக்க உதவுகிறது. செயற்கையான இனிப்பூட்டிகளை காட்டிலும், இயற்கையான தேன் மிகவும் ஆரோக்கியமானது மற்றும் அதிக ஆற்றலை அளிக்ககூடியது. ஒரு ஆய்வு படிப்பினை, உடற்பயிற்சி அல்லது உடல் உழைப்பு நேரிடும் சமயங்களில், குளுகோஸிற்கு பதிலாக தேனை பயன்படுத்தலாம் என்று பரிந்துரைக்கிறது

8: எலும்புகளை பலப்படுத்தும்
தேன் மற்றும் கால்சியம் சத்துக்கள் எலும்புகளின் அடர்த்தியை அதிகரிக்க உதவுகின்றன; தேனை தேவையான அளவு எடுத்துக் கொள்பவர்களின் உடலில் கால்சியத்தை உறிஞ்சும் திறன் அதிகரித்து காணப்படுவதாக ஆராய்ச்சியாளர்கள் கருத்து தெரிவித்துள்ளனர். உணவு முறை சார்ந்த காரணிகளில், கால்சியம் மற்றும் வைட்டமின் டி சத்துக்களை அதிகம் உறிஞ்சும் திறன் தேனில் தான் காணப்படுகிறது.

9: நோயெதிர்ப்பு சக்தியை அதிகரிக்கும்
தேனில், அதாவது குறிப்பாக மனுகா தேனில் ஆன்டி பாக்டீரியா செயல்திறன் கொண்ட மெத்தில் கிளையோக்சல் அதிகளவு காணப்படுகிறது. இந்த மெத்தில் கிளையோக்சல் உடலின் நோயெதிர்ப்பு சக்தியை அதிகரிக்கும் என்றும் கண்டறியப்பட்டுள்ளது. உடலின் நோயெதிர்ப்பு செல்கள், நோயெதிர்ப்பு செயல்பாடுகளுக்கு அனுப்பும் இரகசிய தகவல்களான சைடோக்கின்களின் உற்பத்திக்கு மெத்தில் கிளையோக்சல் உதவுகிறது.

10: இதய நோய்கள்
தேனில் இருக்கும் ஆன்டி ஆக்சிடென்ட்டுகள் இதயத்தை பாதுகாக்க உதவும்; இரத்தத்தில் கெட்ட கொழுப்பை ஏற்படுத்த காரணமான காரணிகள் மற்றும் ஆக்சிஜனேற்றத்தை உண்டு செய்யும் இணைந்த டயன் காரணிகள் போன்றவை உருவாவதை தடுக்க தேன் உதவுகிறது. இதன் மூலமாக இதய ஆரோக்கியம் தானாக மேம்படுகிறது. தமனி இரத்தக்குழாய்களில் மெட்டல் அடைப்புகள் மற்றும் மாரடைப்பு ஆகியவை ஏற்படுவதை தடுக்க தேன் உதவுகிறது.