Monkeypox: இவைதான் குரங்கு அம்மையின் முக்கிய அறிகுறிகள்

குரங்கு அம்மையைக் கண்காணிப்பது, அடையாளம் காண்பது மற்றும் நிர்வகிப்பது குறித்த வழிகாட்டுதல்களை மத்திய சுகாதார அமைச்சகம் செவ்வாய்கிழமை வெளியிட்டது. இதுவரை, 300 சந்தேகத்திற்கிடமான அல்லது உறுதிப்படுத்தப்பட்ட குரங்கு அம்மை தொற்று சில நாடுகளில் கண்டறியப்பட்டுள்ளன. நோயின் அறிகுறிகள் என்ன, சிகிச்சை என்ன? விரிவாக இந்த பதிவில் காணலாம்.

குரங்கு அம்மை காய்ச்சலின் முக்கிய அறிகுறிகள் என்ன?

நோய் கட்டுப்பாடு மற்றும் தடுப்புக்கான அமெரிக்க மையங்களின் (CDC) கூற்றுப்படி, குரங்கு அம்மை  காய்ச்சல், தலைவலி, தசைவலி, முதுகுவலி மற்றும் சோர்வுடன் தொடங்குகிறது. இது நிணநீர் கணுக்களை வீங்கச் செய்கிறது (லிம்பேடனோபதி). இது பெரியம்மையால் ஏற்படாது.

சின்னம்மை, தட்டம்மை, பாக்டீரியா தோல் நோய்த்தொற்றுகள், சிரங்கு, சிபிலிஸ் மற்றும் மருந்துகளுடன் தொடர்புடைய ஒவ்வாமைகளுடன் குரங்கு அம்மை தொற்றை குழப்பாமல் இருப்பது முக்கியம் என்று உலக சுகாதார நிறுவனம் அடிக்கோடிட்டுக் காட்டுகிறது.

நோய்த்தொற்றுக்குப் பிறகு அறிகுறிகள் தோன்ற எவ்வளவு நேரம் ஆகும்?

குரங்கு அம்மை பொதுவாக இரண்டு முதல் நான்கு வாரங்கள் வரை நீடிக்கும் அறிகுறிகளுடன் தன்னைத்தானே கட்டுப்படுத்தும் நோயாகும். குரங்கு அம்மையின் உருவாக்க காலம் (தொற்று முதல் அறிகுறிகள் வரை) பொதுவாக 7-14 நாட்கள் ஆகும். எனினும், இது 5-21 நாட்கள் வரையும் இருக்கலாம்.

தொற்றுநோய்க்கான காலம் "அனைத்து சொறி சிரங்குகளும் தொடங்குவதற்கு 1-2 நாட்கள் முன்னிருந்து அவை அனைத்தும் விழும் / குறையும் வரை இருக்கலாம்” என்று சுகாதார அமைச்சகம் குறிப்பிடுகிறது.

நோய் எவ்வாறு அதிகரிக்கிறது?

குரங்கு அம்மை நோய் நான்கு வெவ்வேறு கட்டங்களில் முன்னோக்கி செல்கிறது. முதல் கட்டம், நோய் உருவாக்க காலமாகும். இது 0-5 நாட்களுக்கு இடையில் இருக்கும். இதில் காய்ச்சல், தலைவலி மற்றும் நிணநீர் முனை வீக்கம் ஆகியவை இருக்கும். 

நிணநீர் கணுக்களின் வீக்கம் குரங்கு அம்மையின் சிறப்பியல்பு அம்சங்களில் ஒன்றாகும். மேலும் இது தட்டம்மை மற்றும் சிக்கன் பாக்ஸ் போன்ற நோய்களை ஏற்படுத்தும் ஒத்த சொறிகளில் காணப்படுவதில்லை. நோயாளிகள் பொதுவான பலவீனம் அல்லது ஆற்றல் பற்றாக்குறையையும் காட்டுகிறார்கள்.

தோல் வெடிப்புகள் பொதுவாக காய்ச்சலுக்கு இரண்டு நாட்களுக்குள் தோன்றும். தொற்றால் பாதிக்கப்பட்ட 95 சதவீத பேரில் சொறி முகத்தில் அதிகமாகக் குவிந்திருப்பது  தெரியும். 75 சதவீத நோயாளிகளில் இது உள்ளங்கை மற்றும் உள்ளங்கால்களில் அதிகமாக காணப்படுகிறது. 70 சதவீத நோயாளிகளில் வாய்வழி சளி சவ்வை பாதிக்கிறது. கான்ஜுன்டிவா, கண்ணின் கார்னியா மற்றும் பிறப்புறுப்பு பகுதியும் பாதிக்கப்படலாம்.

தோல் வெடிப்பு நிலை 2 முதல் 4 வாரங்கள் வரை நீடிக்கும். இந்த காலத்தில், புண்கள் கடினமாகி வலி ஏற்படும். இந்த புண்களில் முதலில் ஒரு தெளிவான திரவமும் பின்னர் சீழும் நிரப்பப்படும். பின்னர் ஸ்கேப்கள் அல்லது மேலோடு உருவாகின்றன.

அறிகுறிகள் காணப்படும் நோயாளிகள் தங்களை தனிமைப்படுத்திக்கொண்டு, கண் வலி அல்லது பார்வை மங்குதல், மூச்சுத் திணறல், சிறுநீரின் அளவு குறைதல் போன்றவற்றை கவனிக்க வேண்டும் என்று மத்திய சுகாதார அமைச்சகம் கூறுகிறது.

குரங்கு அம்மை: சிகிச்சை என்ன?

குரங்கு அம்மை காய்ச்சலுக்கு இன்னும் நிரூபிக்கப்பட்ட சிகிச்சை இல்லை. அறிகுறிகளைப் பொறுத்து அதற்கேற்ற சிகிச்சையை உலக சுகாதார அமைப்பு பரிந்துரைக்கிறது. பாதிக்கப்பட்டவர்கள் உடனடியாக தனிமைப்படுத்த அறிவுறுத்தப்படுகிறார்கள்.

குரங்கு அம்மையை ஆதரிக்கும் மேலாண்மை குறித்த சுகாதார அமைச்சகத்தின் வழிகாட்டுதல்களின்படி, தோல் வெடிப்புகளை எளிய கிருமி நாசினிகளால் சுத்தம் செய்ய வேண்டும். மேலும் விரிவான காயங்கள் ஏற்பட்டால் லேசான ஆடைகளால் அவை மூடப்பட்டிருக்க வேண்டும். வாய் புண்களை வெதுவெதுப்பான உப்பு வாய் கொப்பளிப்பு மூலம் நிர்வகிக்க வேண்டும்

குரங்கு அம்மை என்பது நன்கு புரிந்து கொள்ளப்பட்ட ஒரு நிலை என்று மருத்துவர்கள் கூறுகின்றனர். இதை முறையான மருத்துவ சிகிச்சைகள் மூலம் திறமையாக கையாளலாம் என்று அவர்கள் தெரிவிக்கின்றனர். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR