நீரிழிவுக்கும் பிபிக்கும் மாமருந்தாகும் அரசமர பட்டை... பயன்படுத்தும் சரியான முறை!

இன்றைய வாழ்க்கை முறை காரணமாக நமது உடல் பல வித நோய்கலீன் கூடாரமாகி விட்டது. ஆரோக்கியமாக இருக்க மருந்துகளை நம்பியிருக்க வேண்டிய நிலை உள்ளது. உடல் செயல்பாடுகள் மிகவும் குறைந்துவிட்டன. உடல் பருமனுடன் பல நோய்கள் தொடர்ந்து அதிகரிக்கத் தொடங்கின. அதே சமயம், உணவு உட்கொள்வதும் அவ்வளவு ஆரோக்கியமானதாக இல்லை. அதன் மூலம் போதுமான ஊட்டச்சத்துக்கள் கிடைக்காத நிலை உள்ளது. உடலுக்குத் தேவையான ஊட்டச்சத்துக்களை வழங்க, தனித்தனியான சப்ளிமெண்ட்ஸ் எடுக்க வேண்டும் என்ற நிலை உள்ளது. இதனால்தான் பல்வேறு வகையான தீவிரமான மற்றும் நாள்பட்ட நோய்கள் உடலில் ஏற்படத் தொடங்கியுள்ளன. சில நோய்களுக்கு தீர்வு இல்லை. ஆனால் மருந்துகளின் உதவியுடன் அவை கட்டுக்குள் வைக்கப்படுகின்றன. இருப்பினும், மருந்துகள் மட்டுமல்ல, ஒரே நேரத்தில் பல நோய்களைக் கட்டுப்படுத்தக்கூடிய பல இயற்கை பொருட்கள் நமது ஆயுர்வேதத்தில் உள்ளன. இதில் ஒன்று அரச மரப் பட்டை.  இதன் உதவியுடன் நீரிழிவு போன்ற பல நோய்களைக் கட்டுப்படுத்தலாம். அரச மரப் பட்டையின் பயன்கள் மற்றும் பயன்படுத்தும் முறையை தெரிந்து கொள்வோம்.

நீரிழிவு நோய்க்கான அரச மரப் பட்டை  (Peepal bark for diabetes)

அரச மரப் பட்டையின் உதவியுடன், நீரிழிவு நோயைக் (Diabetes) சிறப்பாக கட்டுப்படுத்தலாம். இதில் உள்ள பல நீரிழிவு எதிர்ப்பு கூறுகள் உடலில் இரத்த சர்க்கரை அளவை அதிகரிக்காமல் தடுக்கிறது. அரசமரப் பட்டையை தண்ணீரில் கொதிக்க வைத்து உட்கொள்ளலாம். அதே நேரத்தில், உலர்ந்த பட்டையை பொடி செய்து வைத்துக் கொண்டு, அதன் தூளை, நீங்கள் வெதுவெதுப்பான நீரில் கலந்து எடுத்துக் கொள்ளலாம்.

அரச மரப் மூலம் உயர் இரத்த அழுத்த கட்டுப்பாடு (Peepal bark for hypertension)

உயர் இரத்த அழுத்தத்தைக் கட்டுப்படுத்த, மருந்துகள் மட்டுமின்றி, அரச மரப் பட்டையையும் பயன்படுத்தலாம்.அரச மரப் பட்டை உயர் இரத்த அழுத்தம் போன்ற நோய்களுக்கான வீட்டு மருந்தாக கருதப்படுகிறது. அரச மரப் பட்டையை சரியாகப் பயன்படுத்துவதன் மூலம், தமனிகளின் அடைப்பைத் திறக்க உதவுகிறது என்று பல ஆய்வுகளில் கண்டறியப்பட்டுள்ளது.

யூரிக் அமிலத்திற்கான அரச மரப்  பட்டை (Peepal bark for uric acid)

உடலில் அதிகரித்த யூரிக் அமிலத்தைக் குறைக்கவும் அரச மரப் பட்டையை பயன்படுத்தலாம். வேப்பம்பூவைப் போலவே, அரச மரமும் யூரிக் அமிலத்தைக் குறைக்கும் பல பண்புகளைக் கொண்டுள்ளது. அரச மரப் பட்டையை தண்ணீரில் நன்கு கொதிக்க வைத்து கஷாயம் செய்து, காலை மற்றும் மாலையில் அரை கப் சாப்பிடவும். தொடர்ந்து மூன்று நாட்கள் உட்கொண்ட பிறகு கண்கூடாக பலனைக் காணலாம்.

பயன்படுத்துவதற்கான சரியான வழி (How to use peepal bark)

அரச மரப் பட்டை பல்வேறு வழிகளில் பயன்படுத்தப்படுகிறது. சில சமயங்களில் தேவையைப் பொறுத்து. உயர் இரத்த சர்க்கரை நோயால் பாதிக்கப்பட்டவர்கள் அரச மரப் பட்டையை ஒரு கிளாஸ் தண்ணீரில் இரவு முழுவதும் ஊறவைத்து, காலையில் வெறும் வயிற்றில் சாப்பிடலாம். மேலும், உயர் ரத்த அழுத்த பிரச்சனை உள்ளவர்கள், அரச மரப் பட்டையை பொடி செய்து, வெதுவெதுப்பான நீரில் கலந்து குடிக்கலாம்.

மருத்துவருடன் தொடர்பு கொள்வது அவசியம் 

இருப்பினும், மேற்கூறிய ஏதேனும் உடல்நலப் பிரச்சனைகள் இருந்தால், மருத்துவரின் ஆலோசனைக்குப் பிறகு அரச மர பட்டையை பயன்படுத்துவது சிறந்தது. சிலருக்கு அரச மரப் பட்டைகளைப் பயன்படுத்துவது குமட்டல், வயிற்று வலி அல்லது வாந்தி போன்ற வயிறு தொடர்பான பிரச்சனைகளையும் ஏற்படுத்தும். சிலருக்கு அரச மரப்பட்டையில் உள்ள கூறுகளால் ஒவ்வாமை ஏற்படலாம்.
 எனவே மருத்துவரை அணுகுவது அவசியம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ