உடல் எடையை குறைக்க இயற்கையான டிப்ஸ்: உடல் எடையை குறைக்க நாம் பல வழிகளில் முயற்சி செய்கிறோம். குறிப்பாக தொப்பை வந்துவிட்டால், அதை சரி செய்வது மிக கடினமாகிவிடுகிறது. உடல் எடையை குறைக்க நமது வாழ்க்கை முறையில் மாற்றங்களை கொண்டு வர வேண்டியது மிக அவசியமாகும். எடை அதிகரிப்பதற்கு உங்கள் உணவே முக்கிய காரணமாகும். அன்றாட வாழ்க்கையில் தேவை இல்லாத, ஆரோக்கியமற்ற உணவை சாப்பிடுவது உங்கள் உடலில் தவறான விளைவை ஏற்படுத்துகிறது. எடை அதிகரிப்பால் பல நேரங்களில் பலர் பல சங்கடங்களுக்கு ஆளாவது உண்டு. 


COMMERCIAL BREAK
SCROLL TO CONTINUE READING

பல வித இயற்கையான வழிகளில் உடல் எடையை நாம் குறைக்கலாம். அப்படி ஒரு ஆரோக்கியமான இயற்கையான வழிகளை பற்றி இந்த பதிவில் காணலாம். 


பச்சைப்பயறு: பச்சைப்பயறு எடை இழப்புக்கு பல நன்மைகளை வழங்கும் அதிக சத்தான பருப்பு வகையாகும். இந்த பருப்பை உணவில் சேர்த்துக் கொள்வது உடல் எடையை குறைக்கவும், ஒட்டுமொத்த ஆரோக்கியத்தை மேம்படுத்தவும் ஒரு சிறந்த வழியாகும். எடை இழப்பில் பச்சைப்பயறின் முக்கிய சில நன்மைகளை பற்றி இந்த பதிவில் காணலாம். 


குறைந்த கலோரிகள்: பச்சைப்பயறில் கலோரிகள் குறைவாக உள்ளன. இது எடையை குறைக்க விரும்பும் நபர்களுக்கு ஒரு சிறந்த தேர்வாக அமைகிறது. இது உங்கள் உணவில் அதிக கலோரிகளை சேர்க்காமல் அத்தியாவசிய ஊட்டச்சத்துக்களை வழங்குகிறது.


அதிக புரதச்சத்து: பச்சைப்பயறில் தாவர அடிப்படையிலான புரதம் நிறைந்துள்ளது. இது உடல் எடையை குறைப்பதற்கும் தசைகளை பராமரிப்பதற்கும் அவசியம். புரதம் பசியைக் கட்டுப்படுத்த உதவுகிறது. மேலும் வயிறு நிரம்பிய உணர்வை இது ஏற்படுத்துகின்றது. இதன் மூலம் இந்த பருப்பு ஒட்டுமொத்த கலோரி உட்கொள்ளலைக் குறைக்கிறது.


அதிக நார்ச்சத்து: பருப்பில் உள்ள அதிக நார்ச்சத்து செரிமானத்திற்கு உதவுகிறது மற்றும் குடல் இயக்கத்தை சீராக்க உதவுகிறது. அதிக நேரம் சாப்பிடுவதையும் தேவையற்ற சிற்றுண்டிகளை சாப்பிடுவதையும் இது தடுக்கிறது. இது உங்களை நீண்ட நேரம் நிரம்பிய உணர்வுடன் வைத்திருக்கும்.


குறைந்த கிளைசெமிக் இண்டெக்ஸ்: பச்சைப்பயறில் குறைந்த கிளைசெமிக் இண்டெக்ஸ் உள்ளது. அதாவது இது சர்க்கரையை மெதுவாக இரத்த ஓட்டத்தில் வெளியிடுகிறது. இது இரத்த சர்க்கரை அளவை உறுதிப்படுத்துகிறது, பசியைக் குறைக்கிறது மற்றும் பசியைக் கட்டுப்படுத்துகிறது. இது எடை இழப்புக்கு நன்மை பயக்கும்.


மேலும் படிக்க | 10 நாளில் தொப்பையை குறைக்க இந்த ஒரு ஜூஸ் மட்டும் போதும்


வைட்டமின்கள் மற்றும் தாதுக்கள் நிறைந்தவை: பச்சைப்பயறில் இரும்பு, மெக்னீசியம், பொட்டாசியம் மற்றும் வைட்டமின் பி6 போன்ற பல்வேறு வைட்டமின்கள் மற்றும் தாதுக்கள் உள்ளன. இந்த ஊட்டச்சத்துக்கள் எடை இழப்பு முயற்சிகளின் போது ஒட்டுமொத்த ஆரோக்கியம் மற்றும் ஆற்றல் நிலைகளை ஆதரிக்கின்றன.


உடலில் உள்ள நச்சுகளை நீக்க உதவுகிறது: பச்சைப்பயறில் நச்சு நீக்கும் பண்புகள் உள்ளன. இது உடலில் இருந்து நச்சுகளை அகற்ற உதவுகிறது. ஒரு சுத்தமான அமைப்பு வளர்சிதை மாற்றத்தை அதிகரிக்கும் மற்றும் எடை இழப்பு முயற்சிகளை ஆதரிக்கும்.


சமையலில் பன்முகத்தன்மை: பச்சைப்பயறு கொண்டு பல வித உணவு வகைகளை செய்யலாம். கூட்டு, கறி, சூ, சாலட், சுண்டல் என பல்வேறு உணவுகளில் இதை பயன்படுத்தப்படலாம். எடை இழப்பு இலக்குகளை மனதில் கொண்டு ஆக்கப்பூர்வமான உணவு திட்டமிடலுக்கு இது உதவுகிறது. 


திருப்திகரமான உணர்வு: உணவில் பச்சைப்பயறை சேர்ப்பது அதை திருப்திகரமாகவும் சுவையாகவும் மாற்றும். இது எடை இழப்பு முயற்சியில் உங்களுக்கு திருப்தியான உணவை உண்பதற்கான வாய்ப்பை அளிக்கும். 


கொலஸ்ட்ரால் அளவைக் கட்டுப்படுத்துவதில் உதவிகரமாக இருக்கும்: பச்சைப்பறுப்பை அதிகமாக உட்கொள்வது லிப்பிட் ப்ரொஃபைலை மேம்படுத்துகிறது. இதில் எல்டிஎல் கொழுப்பின் அளவும் குறைகிறது. ஆரோக்கியமான கொலஸ்ட்ரால் அளவை பராமரிப்பது ஒட்டுமொத்த இதய ஆரோக்கியத்திற்கு அவசியமாகும்.


சமச்சீர் உணவை ஆதரிக்கிறது: பச்சைப்பயறு அத்தியாவசிய ஊட்டச்சத்துக்களை வழங்குவதால், சமச்சீர் உணவுக்கான தேவையை பூர்த்தி செய்கிறது. இது கலோரிகளை குறைத்து ஊட்டச்சத்து குறைபாடுகளைத் தவிர்க்க உதவுகிறது.


(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)


மேலும் படிக்க | தினமும் காலையில் இந்த 7 பானங்களை குடியுங்கள்... கெட்ட கொழுப்புகள் சேராது


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ