தொப்பையை குறைப்பது எப்படி: தற்போது பலர் தொப்பை கொழுப்பால் அவதிப்படுகின்றனர். உடல் எடையை குறைக்க விரும்பும் ஒவ்வொருவரும் பல வகையான முயற்ச்சிகளையும், முறைகளையும் பின்பற்றுகிறார்கள். இருப்பினம் பலன் கிடைப்பதில்லை. இதில் பலருக்கு ஜிம்மிற்கு சென்று வியர்வை சிந்தி வொர்க் அவுட் செய்ய நேரம் கிடைப்பதில்லை. எனவே உங்களின் அதிக எடையைக் குறைக்க காலையில் சில நல்ல பழக்கங்களைப் பின்பற்றலாம். இந்தப் பயிற்சிகள் உடல் கொழுப்பைக் குறைக்க உதவும். அவை என்ன என்பதை இங்கே தெரிந்துக்கொள்வோம்.


COMMERCIAL BREAK
SCROLL TO CONTINUE READING

தொப்பை கொழுப்பை சுலபமாக குறைப்பது எப்படி என்பதை தெரிந்துக்கொள்ளுங்கள்.


வெதுவெதுப்பான தண்ணீர்
காலையில் வெதுவெதுப்பான நீரைக் குடிப்பது தொப்பையைக் குறைக்க மிகவும் பயனுள்ளதாக இருக்கும். அதேபோல் தொப்பையை மட்டுமல்ல உடல் பருமனையும் குறைக்க எளிதான மற்றும் பிரபலமான செய்முறை எலுமிச்சை சாற்றுடன் தேன் மற்றும் வெந்நீர் கலந்து பருகுவது ஆகும். எலுமிச்சையில் பல வகையான ஆக்ஸிஜனேற்றங்கள் உள்ளன, அவை உடலை உள்ளே இருந்து வலிமையாக்குகின்றன. இதைத்தவிர எலுமிச்சையில் உள்ள பெக்டின் எனப்படும் நார்ச்சத்து, கொழுப்பை எரிக்கும் செயல்முறையை துரிதப்படுத்துகிறது. காலையில் வெதுவெதுப்பான நீரில் அரை எலுமிச்சை சாறு பிழிந்து அதனுடன் தேன் கலந்து குடிக்கவும். இதை வெறும் வயிற்றில் குடித்தால் நல்ல பலன் கிடைக்கும். 


மேலும் படிக்க | கொழுப்பை குறைக்கணுமா? இந்த பழக்கத்தை எல்லாம் விட்டுடுங்க 


காலை உணவில் புரதம் மற்றும் நார்ச்சத்து சேர்க்கவும்
புரதம் மற்றும் நார்ச்சத்து நிறைந்த காலை உணவை உட்கொள்வது நாள் முழுவதும் பசியைக் குறைக்க உதவும். அத்தகைய காலை உணவு நாள் முழுவதும் உடலுக்கு ஆற்றலை அளிக்கிறது. அடிக்கடி ஏற்படும் பசியை விலக்கி வைக்கிறது. இதன் விளைவாக, உணவு உட்கொள்ளல் குறைகிறது. அதனால் முட்டை, தயிர் மற்றும் பருப்பு வகைகள் போன்றவற்றை காலை உணவில் சேர்த்துக்கொள்ளலாம்.


குறைந்தது நாளுக்கு 2 லிட்டர் தண்ணீர் குடிக்கவும்
காலையில் தண்ணீர் குடிப்பதைத் தவிர, ஒரு நாளைக்கு குறைந்தது 2 லிட்டர் தண்ணீரைக் குடிக்க முயற்சிக்க வேண்டும். இது தொப்பை கொழுப்பைக் கரைக்க உதவுகிறது.


சீரகத் தண்ணீர்
குளிர்ச்சியான பண்புகளைக் கொண்ட சீரகம் வயிற்றை குளிர்விக்கிறது, நோய் எதிர்ப்பு சக்தியை அதிகரிக்கிறது, எடை இழப்புக்கு உதவுகிறது. சீரகத்தில் இயற்கையான நச்சு நீக்கும் கூறுகள் நிறைந்துள்ளன.சீரகம் உடலில் இரத்த சர்க்கரை அளவைக் கட்டுப்படுத்தவும் செயல்படுகிறது. வெறும் வயிற்றில், சீரகத்தை தண்ணீருடன் கொதிக்க வைத்து குடிக்கலாம். வெறும் வயிற்றில் குடிப்பதோடு, சீரகத் தண்ணீரை எப்போது வேண்டுமானாலும் குடிக்கலாம்.


(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர், கண்டிப்பாக மருத்துவ ஆலோசனையைப் பெறவும். ஜீ மீடியா இந்த தகவல்களை உறுதிப்படுத்தவில்லை.)


மேலும் படிக்க | Cervical Pain: கழுத்து வலியில் இருந்து விடுபட சில எளிய பயிற்சிகள்! 


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ