Low Hemoglobin Remedies: போதுமான தூக்கம் இருந்தாலும், நல்ல உணவு சாப்பிட்டாலும் சோர்வாகவும் அலுப்பாகவும் இருப்பதாக நீங்கள் அடிக்கடி உணர்கிறீர்களா? இது இரத்தத்தில் குறைந்த அளவு ஹீமோகுளோபின் இருப்பதற்கான எச்சரிக்கை அறிகுறியாக இருக்கலாம். இரத்த சிவப்பணுக்களில் காணப்படும் இரும்புச்சத்து நிறைந்த புரதமான ஹீமோகுளோபின், உடல் முழுவதும் ஆக்ஸிஜனைக் கொண்டு செல்லும் பணியை செய்கிறது. மூச்சுத் திணறல், தலைவலி மற்றும் பலவீனம் அடிக்கடி ஏற்பட்டால் அது ஹீமோகுளோபின் அளவு குறைவதால் நம் உடல் காட்டும் அறிகுறிகளாக இருக்கலாம்.
ஹீமோகுளோபின் அளவை அதிகரிக்க உணவுகள்
உண்ணும் உணவே நமது உடலை இயக்கவும், ஆற்றலைக் கொடுக்கவும் எரிபொருளாக செயல்படுகிறது. சீரான உணவை உண்ணும்போது, சரியான முறையில், உடலுக்கு தேவையான அளவு எரிபொருள் கிடைக்கும். ஆனால் தொடர்ந்து உடலின் ஆற்றலுக்குத் தேவையான எரிபொருள் பற்றாக்குறை ஏற்பட்டால், உடல்நல சிக்கல்கள் தொடங்கும்.
மேலும் படிக்க | உடல் வலியை அலட்சியம் செய்ய வேண்டாம்; தசைநார் வலி நோய் காரணமாக இருக்கலாம்
இரும்புச்சத்து நிறைந்த பச்சைக் கீரை வகைகள் அதிலும் குறிப்பாக பசலைக் கீரை ரத்தத்தின் ஹீமோகுளோபின் அளவை அதிகரிக்கும். ஹீமோகுளோபின் உள்ளடக்கம் மற்றும் இரத்த சிவப்பணுக்களின் எண்ணிக்கையை கீரைகள் அதிகரிக்கின்றன.
பேரிட்சை
இயற்கையான இனிப்பு கொண்ட பேரிச்சம்பழம் அனைவருக்கும் பிடித்த தின்பண்டமாகும். ஹீமோகுளோபின் அளவைக் கட்டுக்குள் வைத்திருக்க உதவும் உணவுகளில் பேரிச்சம்பழம் ஒன்றாகும். பேரீச்சம்பழம் இரும்பின் இயற்கையான ஆதாரங்கள் கொண்டது.
பேரிச்சம்பழத்தில் இரும்புச் சத்து (Fe) உள்ளது, இது இரத்த சிவப்பணுக்களை உருவாக்கத் தேவையான வைட்டமின் சி, வைட்டமின் பி காம்ப்ளக்ஸ் மற்றும் ஃபோலிக் அமிலம் ஆகியவற்றின் தேவைகளை பூர்த்தி செய்ய போதுமானது.
மேலும் படிக்க | மூளையை பாதிக்கும் ஆபத்தான பழக்கங்களுக்கு ‘NO’ சொல்லுங்க
உலர் திராட்சை
இந்திய இனிப்பு உணவுகலில் மிகவும் அத்தியாவசியமான பொருட்களில் ஒன்று உலர் திராட்சை. இதுவொரு இயற்கை இனிப்பு மட்டுமல்ல, இரும்பு மற்றும் தாமிரத்தின் சிறந்த மூலம் என்பது குறிப்பிடத்தக்கது. இரத்த சிவப்பணுக்கள் உருவாகவும், ஹீமோகுளோபின் அளவை அதிகரிக்கவும் உலர் திராட்சை உறுதுணையாக இருக்கிறது.
மேலும் படிக்க | Health Tips: மூளை வளர்ச்சிக்கு உதவும் 'Vitamin B12' நிறைந்த சில உணவுகள்
தினை
உடலின் ஹீமோகுளோபின் மற்றும் சீரம் ஃபெரிட்டின் அளவை திறம்பட மேம்படுத்த தினை பலனளிக்கும் என்று நிபுணர்கள் கூறுகின்றனர். இரும்புச்சத்து குறைபாடு மற்றும் இரத்த சோகையைக் குறைக்கவும் தினை நல்லது.
எள்
ஹீமோகுளோபின் அளவைக் கட்டுக்குள் வைத்திருக்கும் சக்தி எள்ளுக்கு உண்டு. எள் மற்றும் எள்ளெண்ணெய் இந்தியாவில் அதிகம் பயன்படுத்தப்படுகிறது. இதில், இரும்புச்சத்து, ஃபோலேட், ஃபிளாவனாய்டுகள், தாமிரம் மற்றும் ஹீமோகுளோபின் அளவை அதிகரிப்பதில் முக்கிய பங்கு வகிக்கும் பல அத்தியாவசிய ஊட்டச்சத்துக்கள் உள்ளன.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன், கண்டிப்பாக மருத்துவ ஆலோசனையைப் பெறவும். ZEE NEWS இதற்கு பொறுப்பேற்காது.)
மேலும் படிக்க | Liver Detox: கல்லீரலில் உள்ள நச்சுக்களை நீக்கும் மேஜிக் ட்ரிங்க்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
