காலை உணவில் முளை கட்டிய தானியங்கள்... வயிற்று பிரச்சனைகளே இருக்காது..!!

காலை உணவுக்கான முளைகட்டிய தானிய உணவுகள்: குளிர்காலம் வரும்போதெல்லாம், பெரும்பாலான மக்களுக்கு சளி, இருமல் மற்றும் காய்ச்சல் போன்ற உடல்நலப் பிரச்சினைகளும் கூடவே தொடங்கும்.  ஆனால் குளிர்காலத்தில் அனைவருக்கும் நோய்வாய்ப்படுவதில்லை. குறைவான நோய் எதிர்ப்பு சக்தில், உடல் பலவீனமானவர்கள் மட்டுமே நோய்வாய்படுகிறார்கள். தங்கள் வாழ்க்கை முறையை ஆரோக்கியமாக பராமரிக்க முயற்சிப்பவர்கள் மற்றும் பருவத்திற்கு ஏற்ப தங்கள் உணவில் தேவையான மாற்றங்களைச் செய்துகொள்பவர்கள் பாதிப்பில் இருந்து தப்பி விடுகின்றனர். 

குளிர் காலத்தில் அடிக்கடி சனி இருமல் பாதிப்பை சந்திப்பவர்கள், மலச்சிக்கல் அல்லது வயிறு தொடர்பான பிற பிரச்சனைகளை சந்திப்பவர்கள், தங்கள் உணவு பழக்கத்தை ஆரோக்கியமாக வைத்துக் கொள்ளுங்கள். இந்த கட்டுரையில், சில முளை கட்டிய தானிய உணவுகளைப் பற்றி அறிந்து கொள்ளலாம். முளை கட்டும் போது, அதன் ஊட்டசத்து மதிப்பு இரட்டிப்பாகிறது என்பதால், அதிகபட்ச ஆரோக்கிய நலனைப் பெறலாம். இது உங்கள் காலை உணவை ஆரோக்கியமாக்குவதோடு, நோய் எதிர்ப்பு சக்தி உட்பட பல ஆரோக்கிய நன்மைகளையும் தருகிறது. எந்த முளைத்த பொருட்களை காலை உணவில் உட்கொள்ள வேண்டும் என்பதை தெரிந்து கொள்வோம்.

1. முளைகட்டிய பயறு

குளிர்கால காலையில் உங்கள் உணவை ஆரோக்கியமானதாக மாற்ற, நீங்கள் அதில் முளைகட்டிய பயறு உணவை சேர்க்கலாம். இது ஒரு சிறந்த தேர்வாக இருக்கும். முளை கட்டிய பயறில் நார்ச்சத்து மற்றும் ஏ, சி, டி, ஈ மற்றும் கே போன்ற பல்வேறு வகையான வைட்டமின்கள் நிறைந்துள்ளன. இதனுடன், பொட்டாசியம், ஃபோலேட், தாமிரம் மற்றும் துத்தநாகம் போன்ற தாதுக்களும் இதில் ஏராளமாகக் காணப்படுகின்றன. இவை நோய் எதிர்ப்பு சக்தியை அதிகரித்து நோய்களை அண்ட விடாமல் செய்கின்றன

2. முளை கட்டிய கொண்டைக்கடலை

முளைத்த பருப்பை காலை உணவில் உட்கொள்வது மிகவும் நன்மை பயக்கும். அதிக எண்ணெய் சேர்த்த பராட்டா அல்லது வேறு ஏதேனும் வறுத்த உணவை காலையில் உண்ணும் பழக்கம் உள்ளவர்களுக்கு முளை கட்டிய கொண்டைக்கடலை சிறந்த தேர்வாக இருக்கும். ஆரோக்கியத்திற்கு பெரிதும் நன்மை பயக்கும். புரதம் மற்றும் இரும்புச்சத்துக்கான நல்ல ஆதாரமாக இருப்பதைத் தவிர, முளை கட்டிய கொண்டைகடலை உங்கள் ஆரோக்கியத்திற்கு பல நன்மைகளையும் வழங்குகிறது. இதன் மூலம், தொற்று நோய்களில் இருந்து உடல் பாதுகாக்கபடுவதோடு, மலச்சிக்கல் மற்றும் பிற வயிறு தொடர்பான நோய்களில் இருந்து நிவாரணம் கிடைக்கும்.

3. முளை கட்டிய ராஜ்மா

அதிக ஊட்டச்சத்து மிக்க  உணவுகள் எப்போதும் காலை உணவில் சேர்க்கப்பட வேண்டும், ஏனெனில் இது நாளின் மிக முக்கியமான உணவாக கருதப்படுகிறது. எனவே, முளைத்த சிறுநீரக பீன்ஸ் என்னும் ராஜ்மா உங்கள் காலை உணவில் சேர்க்கப்படலாம். இது ஏராளமான புரதத்தை வழங்குவதோடு, பல நன்மைகளையும் உங்களுக்கு வழங்கும். முளை கட்டிய சிறுநீரக பீன்ஸ், குறிப்பாக மலச்சிக்கல் மற்றும் வயிறு தொடர்பான பிரச்சனைகளை சமாளிக்க ஒரு நல்ல வழி.

4. முளை கட்டிய மசூர் பருப்பு

முளை கட்டிய பயறு  பற்றி பலர் கேள்விப்பட்டிருப்பார்கள், ஆனால் முளை கட்டிய மசூர் பருப்பு பற்றி வெகு சிலருக்கே தெரியும். அதேசமயம் முளை கட்டிய மசூர் பருப்பு மிகவும் ஆரோக்கியமான முளை கட்டிய உணவுகளில் ஒன்றாக கருதப்படுகிறது. இதை காலை உணவில் உட்கொள்வதால் வயிறு தொடர்பான பிரச்சனைகள் பெருமளவில் நீங்குவதுடன், மலச்சிக்கல் போன்றவற்றில் இருந்தும் விடுபடலாம்.

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!