உயர் இரத்த அழுத்தத்தை இயற்கையாக குறைக்க இந்த பொருட்கள் அவசியம்!

உயர் இரத்த அழுத்தத்தால் உலகளவில் மில்லியன் கணக்கான மக்கள் பாதிக்கப்பட்டுள்ளனர்.  இது கடுமையான உடல்நல பிரச்சனைகளை ஏற்படுத்துகிறது. உயர் இரத்த அழுத்தம் மாரடைப்பு, பக்கவாதம் மற்றும் சிறுநீரக பாதிப்பு ஆகியவற்றை ஏற்படுத்தும் அபாயத்தை அதிகரிக்கிறது. இந்த நிலையை சரிசெய்ய பல மருத்துவர்கள் உணவில் சில இயற்கையான மூலிகைகள் மற்றும் மசாலாப் பொருட்களைச் சேர்க்க சொல்கின்றனர். உணவு முறைகளின் மூலம் உயர் இரத்த அழுத்தத்தை குறைக்க முடியும். இதன் மூலம் உயர் ரத்த அழுத்தம் இயற்கையாகவே குறைகிறது. மேலும் இதய ஆரோக்கியத்தையும் மேம்படுத்தலாம். 

உடல் பருமன், மது அருந்துதல், புகைபிடித்தல், சொகுசான வாழ்க்கை முறை ஆகியவை உயர் இரத்த அழுத்தத்திற்கு அடிப்படை காரணமாக அமைக்கின்றன. உயர் இரத்த அழுத்தத்தைக் குறைப்பது இயற்கையாகவே பல்வேறு வாழ்க்கை முறை மாற்றங்களை உள்ளடக்கியது. எந்தவொரு உணவு மாற்றங்களையும் கவனமாக அணுகுவது உங்கள் ஆரோக்கியத்தில் குறிப்பிடத்தக்க மாற்றங்களை ஏற்படுத்தும். மேலும் உங்கள் உணவுமுறையில் மாற்றங்களைச் செய்வதற்கு முன் ஒரு முறை சுகாதார நிபுணருடன் கலந்தாலோசிக்கவும்.

உயர் இரத்த அழுத்தத்தை குறைக்கும் மசாலா பொருட்கள்:

பூண்டு: பூண்டு உணவுக்கு சுவையை அதிகரிக்கிறது மற்றும் உயர் இரத்த அழுத்தத்தை நிர்வகிக்கும் திறனையும் கொண்டுள்ளது. மேலும் கடுமையான இரத்த அழுத்தத்தைக் குறைக்கும் பண்புகளை கொண்டுள்ளது. பூண்டில் அலிசின் உள்ளது, இது இரத்த நாளங்களை தளர்த்த உதவுகிறது. மேலும் உடலில் சிறந்த இரத்த ஓட்டத்தை ஊக்குவிக்கிறது மற்றும் தமனி சுவர்களில் அழுத்தத்தை குறைக்கிறது. பூண்டு உயர் இரத்த அழுத்தத்தைக் குறைத்து, அதைக் கட்டுப்படுத்த உதவுகிறது.

இஞ்சி: இஞ்சியில் ஆன்டிஆக்ஸிடன்ட்கள் மற்றும் அழற்சி எதிர்ப்பு பண்புகள் நிறைந்துள்ளது. இவை இரத்த அழுத்தத்தை குறைக்கும் பண்புகளை கொண்டுள்ளது கண்டறியப்பட்டுள்ளது. இரத்த நாளங்களைச் சுற்றியுள்ள தசைகளை தளர்த்த இஞ்சி உதவுகிறது.  பலர் இஞ்சி டீ கீல்வாதம் வலி மற்றும் தசை வலிகளை குறைக்கிறது என்று கூறுகின்றனர்.  இஞ்சியை போன்று மஞ்சள் சக்தி வாய்ந்த அழற்சி எதிர்ப்பு பண்புகளைக் கொண்டுள்ளது. இவை இரத்த நாளங்களின் செயல்பாட்டை மேம்படுத்தி, உயர் இரத்த அழுத்தத்தைக் குறைக்க பங்களிக்கும்.

இலவங்கப்பட்டை மற்றும் துளசி: இலவங்கப்பட்டை இரத்த நாளங்களின் விரிவாக்கத்தை மேம்படுத்தி வீக்கத்தைக் குறைக்கிறது. துளசி அழற்சி எதிர்ப்பு மற்றும் இரத்த அழுத்தத்தைக் குறைக்கும் பண்புகளை வெளிப்படுத்துகிறது. இவை இரத்த அழுத்தத்தைக் கட்டுப்படுத்த உதவும். இவற்றை உணவில் சேர்த்துக்கொள்வது பயனுள்ள விளைவுகளை அளிக்கும்.  

செம்பருத்தி: செம்பருத்தி டீ உயர் இரத்த அழுத்தத்தைக் குறைப்பதில் முக்கிய பங்கு வகிக்கிறது. அதன் கலவைகள் இரத்த நாளங்களை தளர்த்தி சில மருந்துகளைப் போலவே செயல்படும்.  அதே போல உணவுகள் அல்லது பானங்களில் ஏலக்காயைச் சேர்ப்பது உடலுக்கு நன்மைகளை தருகிறது.  மேலும் உயர் இரத்த அழுத்தத்தை போக்க வாழைப்பழங்கள் உதவுகிறது.  

பொறுப்புத் துறப்பு: எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!