கொரோனா வைரஸ் தாக்கத்தால் பிற நோய்களுக்கான தடுப்பூசிகள் தற்காலிகமாக நிறுத்திவைக்கப்பட்டுள்ள நிலையில், போலியோ போன்ற பிற கொடிய நோய்களால் உலகெங்கிலும் உள்ள குழந்தைகள் உயிர் அபாயத்தில் உள்ளது என உலக சுகாதார அமைப்பு திங்களன்று எச்சரித்தது.


COMMERCIAL BREAK
SCROLL TO CONTINUE READING

கோவிட் -19 தொற்றுநோய் பரவுவதைத் தடுப்பதற்கான பயணக் கட்டுப்பாடுகளின் விளைவாக, குறைந்தது 21 நாடுகள் தடுப்பூசி பற்றாக்குறையைப் புகாரளிக்கின்றன என்று WHO இயக்குநர் ஜெனரல் டெட்ரோஸ் அதானோம் கெப்ரேயஸ் ஏஜென்சியின் ஜெனீவா தலைமையகத்தில் செய்தியாளர் சந்திப்பில் தெரிவித்தார். "இதன் விளைவாக குழந்தைகள் இறந்துவிடுவார்கள் என்பது துன்பகரமான உண்மை." எனவும் அவர் வலியுறுத்தினார்.


சில நாடுகளில் நோய்த்தடுப்பு மருந்துகள் ஒத்திவைக்கப்பட்டதைப் போலவே, மலேரியா போன்ற பிற நோய்களுக்கான ஹீத்-கேர் சேவைகளும் சீர்குலைந்துள்ளன. துணை-சஹாரா ஆப்பிரிக்காவில் மலேரியா நோயாளிகளின் எண்ணிக்கை இரட்டிப்பாகும் என்பதை இது காட்டுகிறது எனவும் டெட்ரோஸ் குறிப்பிட்டுள்ளார்.


மேலும், தடுப்பூசி திட்டங்கள் முழுமையாக நிதியளிக்கப்படுவதை உறுதிப்படுத்த உதவுமாறு டெட்ரோஸ் உறுப்பு நாடுகளை கேட்டுக்கொண்டார், 2025-ஆம் ஆண்டளவில் 18 தடுப்பூசிகளுடன் 300 மில்லியன் குழந்தைகளுக்கு நோய்த்தடுப்பு ஊசி மற்றும் தடுப்பூசிக்கான உலகளாவிய கூட்டணி 7.4 பில்லியன் டாலர் தேவைப்படும் என்று அவர் கூறினார்.


"தடுப்பூசி பாதுகாப்பு குறையும் போது, ​​மேலும் பாதிப்புகள் ஏற்படும்" என்று டெட்ரோஸ் கூறினார்.


டிசம்பர் பிற்பகுதியில் சீனாவின் வுஹானில் தொடங்கிய கொரோனா வைரஸ் பாதிப்பை கட்டுப்படுத்துவதற்கான பாதை வெகு தொலைவாக உள்ளது என்று டெட்ரோஸ் கூறினார். ஆப்பிரிக்கா, கிழக்கு ஐரோப்பா, லத்தீன் அமெரிக்கா மற்றும் சில ஆசிய நாடுகளில் புதிய வழக்குகள் வளர்ந்து வருவது குறித்தும் அவர் வருத்தம் தெரிவித்தார்.


"எங்கள் பிராந்திய மற்றும் நாட்டு அலுவலகங்கள் மூலமாகவும், ஒற்றுமை விமானங்கள் மூலமாகவும் இந்த நாடுகளுக்கு தொழில்நுட்ப உதவியுடன் நாங்கள் தொடர்ந்து ஆதரவளித்து வருகிறோம்," என்று அவர் கூறினார்.


கொரோனா வைரஸின் பரவலை மட்டுப்படுத்த பல நாடுகளில் சமூக விலக்கு நடவடிக்கைகள் வெற்றிகரமாக இருந்தபோதிலும், வைரஸ் "மிகவும் ஆபத்தானது" என்பதை அனைவரும் உணர வேண்டும் என்றும் டெட்ரோஸ் கூறினார்.