கவனச்சிதறல் ஏற்படாமல் இருக்க..‘இந்த’ 7 யோகாசனங்களை செய்யுங்கள்!

Yoga Asanas For Concentration: நமக்கு தேவையான வேலைகளை செய்து கொள்ள அமரும் போது கூட, ஏதாவது ஒரு வகையில் கவனத்தை சிதற வைக்கும் வகையிலான பல விஷயங்கள் நடக்கும். இப்படி கவனத்தை திசை திருப்பும் வகையில் இருக்கும் நிகழ்வுகள், நமக்குள்ளாகவும் நடக்கலாம் அல்லது வெளியில் இருந்து வரலாம். இதை தவிர்க்க, நாம் மனதளவில் உறுதியுடன் இருக்க வேண்டும் என்று பலர் கூறுவர். அதற்கு, பல விதமான உடற்பயிற்சிகளும் யோகாசனங்களும் இருக்கின்றன. அவை என்னென்ன என்று பார்ப்போம். 

1.தடாசனா:

அடிப்படையாக, சிம்பிளாக இருக்கும் யோகாசனங்களுள் ஒன்று, தடாசனா. இதனை யோகாசனங்களின் தாய் என்றும் கூறுவர். இதனை ஆங்கிலத்தில் Mountain Pose என்று கூறுவர். இந்த யோகாசனம், உங்களது மனதை ஒருநிலைப்படுத்த உதவும். இந்த ஆசனம், உங்களின் நரம்பு மண்டலங்களை சாந்தப்படுத்த உதவும். உடல் தோரணையை மாற்றவும், மூச்சுப்பயிற்சியை அதிகப்படுத்தவும் உதவும். அது மட்டுமன்றி கணுக்கால், தொடை மற்றும் முட்டிப்பகுதிகளை இந்த ஆசனம் சீர்ப்படுத்த உதவும். 

2.ஃப்ளாங்காசனா:

ஃப்ளாங்காசனா எனும் இந்த ஆசனத்தை ஆங்கிலத்தில் Plank என கூறப்படுகிறது. இது, உங்கள் உடலின் மையப்பகுதியை வலிமையாக்க உதவும். கைகள், தோள்பட்டை, வயிற்றுப்பகுதி ஆகியவை நேராகும், சீராகும். இது, யோகாசனம் செய்ய ஆரம்பிப்பவர்கள் இதனை செய்யலாம். இது உடலுக்கு நன்மை பயப்பது மட்டுமன்றி, மனநலனையும் மேம்படுத்தும். மேலும், கவனச்சிதறலையும் கட்டுப்படுத்தும். 

3.உத்காடாசனம்:

இந்த ஆசனத்தை காற்றில் அமர்ந்தபடி செய்ய வேண்டும். இதனை, சூர்ய நமஸ்காரத்துடன் ஆரம்பிக்க வேண்டும். தொடையை வலிமைப்படுத்த, தோள்பட்டைகளை விரிவாக்க, இந்த ஆசனம் உதவும். கை தசைகளை குறைக்கவும் இந்த ஆசனத்தை பலர் பயன்படுத்துகின்றனர். இதை செய்வதால் உடலின் பின் பகுதியும் வலிமையாகும். 

4.கருடாசனா:

கருடாசனா ஆசனத்தை நின்றபடி செய்ய வேண்டும். கணுக்கால், தொடை, உள் தசைகள், இடுப்பு, இடுப்பின் பின்பகுதி ஆகியவை இந்த ஆசனத்தால் பயன்பெறும். இது, உங்களின் கவனத்தை சிதற விடாமல் பாதுகாக்கும். இது, உங்கள் உடலின் நேர்பகுதியையும் மேம்படுத்த உதவும். 

5.வீரபத்ராசனா:

வீரபத்ராசனா ஆசனத்தை ஆங்கிலத்தில் Warrior போஸ் என்று கூறுவர். இந்த ஆசனம் தோள்பட்டை, கைகள், கால்கள் ஆகியவற்றை வலிமைப்படுத்தும். கால்கள், மார்பு பகுதி மற்றும் தோள்பட்டையை விரிவுப்படுத்தவும் வீரபத்ராசனா உதவும். இந்த ஆசனத்தை தினசரி செய்வதால் சகிப்புத்தன்மை அதிகரிக்கும், நோய் எதிர்ப்பு சக்தியை தாக்குப்பிடிப்பது ஆகியவற்றை இந்த ஆசனம் உதவும். இது, உடலை சமநிலை படுத்தவும் உதவும் . இதனால் கவனச்சிதறல் ஏற்படாமல் தடுக்கலாம். 

6.உஸ்த்ராசச்னா:

இந்த ஆசனத்தை மண்டி போட்ட நிலையில் செய்ய வேண்டும். பின்புறமாக சாய்ந்து, இந்த ஆசனத்தை செய்யலாம். இதனால் உங்கள் கவனம் மேம்படும். உங்கள் உடலின் தோரணையை மாற்ற உதவும். இதனால் உங்களின் பின்புற பகுதி வலுவாகும். கைகள் மற்றும் இடுப்பு பகுதி வலிமை பெறும். 

7.பத்மாசனா:

பத்மாசனா ஆசனத்தை குத்தங்கால் போட்டு அமர்ந்து செய்ய வேண்டும். இது, ஒரு ஆழ்ந்த தியான நிலை ஆகும். இதனை தாமரை போஸ் என்றும் கூறுவர். முட்டி, கணுக்கால், இடுப்பு பகுதி ஆகியவற்றை வலுப்படுத்தும். இந்த பயிற்சியினால் உங்கள் கவனத்தை ஒரே இடத்தில் செலுத்துவதற்கு உதவும். இது, எந்த தடை வந்தாலும், ஒரே விஷயத்தில் உங்கள் கவனத்தை செலுத்த உதவும். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!