இரத்த அழுத்தம் கட்டுக்குள் இருக்க... துத்தநாக சத்து நிறைந்த சில உணவுகள்

இந்தியாவில் அதிக இரத்த அழுத்த நோயாளிகளின் எண்ணிக்கை மிக அதிகமாக உள்ளது. இதற்கு மோசமான வாழ்க்கை முறை மற்றும் உணவு முறை முக்கிய காரணம். அதோடு, நமது உணவில் சோடியம் நிறைந்த உப்பு அதிகம் பயன்படுத்தப்படுகிறது. இந்நிலையில், இந்தியாவின் பிரபல ஊட்டச்சத்து நிபுணர் நிகில் வாட்ஸ் கூறுகையில், துத்தநாகம் நிறைந்த உணவுகளை தொடர்ந்து சாப்பிட்டு வந்தால் பிபியை எளிதில் கட்டுப்படுத்தலாம் என கூறினார்.

துத்தநாகம் நிறைந்த உணவுகள்

முட்டை

புரதத் தேவைகளைப் பூர்த்தி செய்வதற்காக முட்டைகள் முக்கியமாக உண்ணப்பட்டாலும், அதில் துத்தநாகம் மற்றும் வைட்டமின்கள் மற்றும் செலினியம் ஆகியவை ஏராளமாக உள்ளன. குறிப்பாக மஞ்சள் கருவில் துத்தநாகம் நிறைந்துள்ளது. இது தவிர வைட்டமின் பி12, தயாமின், வைட்டமின் பி6, ஃபோலேட், பாந்தெனோனிக் அமிலம், கால்சியம், இரும்பு மற்றும் பாஸ்பரஸ் ஆகியவையும் இதில் காணப்படுகின்றன. துத்தநாகக் குறைபாட்டைத் தவிர்க்க, தினமும் 2 முட்டைகளைச் சாப்பிடுவது பலன் தரும் என்கிறார் உணவியல் நிபுணர்.

நட்ஸ் வகைகள்

நட்ஸ் வகைகளில், துத்தநாகம் தவிர பிற ஏராளமான அத்தியாவசிய ஊட்டச்சத்துக்களும் உள்ளன. துத்தநாகத்தைப் பெற வேர்க்கடலை, முந்திரி, பாதாம் போன்ற உலர் பழங்களை உட்கொள்ளலாம். உயர் இரத்த அழுத்தம் (Health Tips) ஏற்படும் அபாயமும் பெருமளவில் குறையும்.

பால் பொருட்கள்

பால் மற்றும் சீஸ் வெண்ணெய் போன்ற பால் பொருட்கள் துத்தநாகத்தின் நல்ல ஆதாரமாகக் கருதப்படுகின்றன, குறிப்பாக சைவ உணவு உண்பவர்களின் துத்தநாக தேவையை பூர்த்தி செய்ய இது ஒரு சரியான உணவாகும். பால் தவிர, நீங்கள் பாலாடைக்கட்டி மற்றும் தயிர் சாப்பிடலாம், இவற்றை சாப்பிடுவது துத்தநாக சத்தை உடல் உறிஞ்சும் திறனும் மேம்படுகிறது.

ஓட்ஸ்

நம்மில் பலர் ஓட்ஸ் உணவைச் சாப்பிட்டு நம் நாளைத் தொடங்குகிறோம். இது மிகவும் ஆரோக்கியமான உணவாகும், இதில் ஜிங்க், புரதம் மற்றும் நார்ச்சத்து நிறைந்துள்ளது. இதை சாப்பிடுவதன் மூலம் உயர் இரத்த அழுத்தம், அஜீரணம் மற்றும் உடல் பருமனில் இருந்து நிவாரணம் பெறலாம்.

டார்க் சாக்லேட்

நம்மில் பெரும்பாலோர் சாக்லேட் பிடிக்கும். பொதுவாக சாக்லேட் ஆரோக்கியமான உணவாக கருதப்படுவதில்லை. ஆனால், டார்க் சாக்லேட் பல வகைகளில் ஆரோக்கியத்திற்கு நன்மை பயக்கும். , இது துத்தநாகத்தின் வளமான ஆதாரமாகக் கருதப்படுகிறது, மேலும் இதில் இரும்பு மற்றும் மெக்னீசியம் நிறைய உள்ளது. டார்க் சாக்லேட் இரத்த அழுத்தத்தை பராமரிக்கிறது மற்றும் சரியாக செயல்பட உதவுகிறது.

துத்தநாக சத்து

உடலுக்குத் தேவையான முக்கியமான கனிமச்சத்து துத்தநாகம். பெண்கள் ஆரோக்கியத்தைப் பாதுகாக்க போதுமான துத்தநாகம் நிறைந்த உணவுகளை டயட்டில் சேர்த்துக் கொள்ள வேண்டும். துத்தநாக சத்து நமக்கு சிறிதளவு மட்டுமே தேவைப்பட்டாலும், அது நமது ஆரோக்கியத்திற்கு அவசியமானது. அதிலும் பெண்களின் உடலில் ஏற்படும் ஹார்மோன் மாற்றங்கள் சரியாக நடைபெற துத்தநாகம் மிகவும் அவசியம் ஆகும்.

துத்தநாக குறைபாடு

துத்தநாக குறைபாடு என்பது மரபணு கோளாறுகள், மன ஆரோக்கிய பாதிப்பு, பார்வை குறைபாடு, ஆண்கள் மற்றும் பெண்கள் இரு பாலினருக்கும் கருவுறுதல் பிரச்சனைகள், கண் போன்ற பல பிரச்சனைகளை ஏற்படுத்தும்.

பெண்ணின் உடல் பருவமடைதல், கர்ப்பம், தாய்ப்பால் சுரப்பு மற்றும் மாதவிடாய் உட்பட பல மாற்றங்களுக்கு உட்படுகிறது. பல்வேறு உடல் நிலை மாற்றங்களில், பாதிப்புகள் ஏற்படுவதை தவிர்க்க உதவும் கனிம சத்துக்களில் ஒன்று துத்தநாகம் ஆகும்.

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!