விடுதி அறையில் கல்லூரி மாணவர் தூக்கிட்டு மர்ம முறையில் மரணம்..!

முதலாம் ஆண்டு கல்லூரி மாணவி விடுதி அறையில் தற்கொலை செய்து கொண்டதால் பரபரப்பு..!

கிருஷ்ணா மாவட்டத்தில் உள்ள ஒரு ஜூனியர் கல்லூரியில் செவ்வாய்க்கிழமை முதலாம் ஆண்டு இடைநிலை மாணவர் தனது விடுதி அறையில் தற்கொலை செய்து கொண்டதாக காவல்துறையினருக்கு தகவல் வெளியாகியுள்ளது. இவர் குண்டூர் மாவட்டம் ததேபள்ளி (Tadepalli) கிராமத்தைச் சேர்ந்த ஆட்டோ டிரைவர் சிவகோட்டை ரெட்டியின் மகன் கட்லா ராமஞ்சநேய ரெட்டி என மாணவர் அடையாளம் காணப்பட்டுள்ளதாக பவானிபுரம் காவல்துறையினர் தெரிவித்துள்ளனர். 

செவ்வாய் கிழமை, கட்லா தனது வகுப்புக்கு வரவில்லை, அவரது நண்பர்கள் மற்றும் விடுதி ஊழியர்கள் அவரை தொடர்பு கொள்ள முயன்ற போது அவரது அறை பூட்டப்பட்டிருந்தது தெரியவந்துள்ளது. இதையடுத்து, ஊழியர்கள் கதவை உடைத்த பின்னர் அவர் மின் விசிறியில் இருந்து தூக்கில் தொங்கிய நிலையில் காணப்பட்டார் என்று காவல்துறையினர் தெரிவித்தனர். இதையடுத்து, விடுதி ஊழியர்கள் காட்லாவை கோலாபுடியில் உள்ள ஆந்திர மருத்துவமனைக்கு சிகிச்சைக்கு அழைத்து சென்றுள்ளனர். ஆனால், அவர் இறந்துவிட்டதாக மருத்துவர்கள் தெரிவித்துள்ளனர். பின்னர், கல்லூரி நிர்வாகம் பெற்றோர்களுக்கும் போலீசாருக்கும் தகவல் கொடுத்துள்ளது.

இது குறித்த முதற்கட்ட விசாரணையின் போது, சிறுவன் நீண்ட காலமாக ஏதோவொரு நோயால் பாதிக்கப்பட்டுள்ளதாகவும், இதனால், மன அழுத்தத்தில் இருந்ததாகவும் இறந்தவரின் தந்தை தெரிவித்துள்ளார் என்று போலீசார் கூறினார். இதை அடுத்து அவரது உடல் பிரேத பரிசோதனைக்காக அனுப்பப்பட்டது மற்றும் குற்றவியல் நடைமுறைச் சட்டத்தின் 174 வது பிரிவின் கீழ் (சந்தேகத்திற்கிடமான மரணம்) வழக்கு பதிவு செய்யப்பட்டுள்ளது. இந்த வழக்கை பவானிபுரம் காவல் நிலைய வட்ட வட்ட ஆய்வாளர் மோகன் ரெட்டி விசாரித்து வருகிறார்.