ஜெகன் மோகன் ரெட்டி திருப்பதியில் சாமி தரிசனம்

ஜெகன்மோகன் ரெட்டி இன்று திருப்பதியில் சாமி தரிசனம் செய்தார்.

ஆந்திராவில் நடந்த பாராளுமன்றம், சட்டமன்ற தேர்தலில் ஒய்.எஸ்.ஆர். காங்கிரஸ் கட்சி அமோக வெற்றி பெற்றுள்ளது. இதையொட்டி ஜெகன்மோகன் ரெட்டி நாளை ஆந்திர முதல்வராக பொறுப்பேற்கிறார். 

இந்நிலையில் இவர் இன்று திருப்பதியில் சாமி தரிசனம் செய்தார். விஜயவாடாவில் இருந்து சிறப்பு விமானம் மூலம் ரேணிகுண்டா விமான நிலையம் வந்த ஜெகன்மோகன் ரெட்டியை சித்தூர் கலெக்டர் பிரத்யும்னா, திருமலை - திருப்பதி தேவஸ்தான தலைமை செயல் அலுவலர் அனில்குமார் சிங்கால், ஒய்.எஸ்.ஆர். காங்கிரஸ் கட்சியின் எம்.எல்.ஏ மற்றும் எம்.பிக்கள் கட்சி தொண்டர்கள் உற்சாகமாக வரவேற்றனர்.

நேற்று இரவு 7 மணியளவில் திருமலைக்கு வந்த ஜெகன்மோகன் ரெட்டியை தேவஸ்தான அதிகாரிகள் வரவேற்றனர். 

இந்நிலையில் முதல்வராக பதவியேற்க உள்ள நிலையில் ஏழுமலையானை தரிசனம் செய்துள்ளார்.