COVID Impact: இந்த மாநிலத்தில் தீபாவளி பட்டாசு விற்பனைக்குத் தடை!!

ஜெய்ப்பூர்: COVID-19 தொற்றுநோயை அடுத்து, வரவிருக்கும் பண்டிகை காலங்களில் மாநிலத்தில் பட்டாசு விற்பனைக்கு தடை விதிக்க ராஜஸ்தான் அரசு முடிவு செய்துள்ளது.

ஞாயிற்றுக்கிழமை கொரோனா வைரஸ் நிலைமையை மறுபரிசீலனை செய்தபோது, ​​ராஜஸ்தான் (Rajasthan) முதல்வர் அசோக் கெஹ்லோட் இந்த சவால் மிகுந்த நேரத்தில் மக்களின் உயிர்களைப் பாதுகாப்பது அரசாங்கத்திற்கு மிக முக்கியமானது என்றார்.

மாநிலத்தில் பட்டாசுகளை விற்பனை செய்வதற்கும், முறையான சான்றிதழ் இல்லாமல் இயங்கும், சுற்றுச்சூழலை மாசுபடுத்தும் வாகனங்களுக்கு எதிராக கடுமையான நடவடிக்கை எடுக்குமாறும் கெஹ்லோட் அதிகாரிகளுக்கு உத்தரவிட்டார்.

இது போன்ற சூழ்நிலையில் மக்கள் தீபாவளிக்கு பட்டாசுகளை (Firecrackers) வெடிப்பதைத் தவிர்க்க வேண்டும் என்று முதல்வர் கூறினார்.

கூட்டத்தில் அன்லாக் -6 இன் வழிகாட்டுதல்கள் குறித்து முதல்வர் விவாதித்ததாக ஒரு அறிக்கையில் தெரிவிக்கப்பட்டுள்ளது.

மாநிலத்தில் 2,000 மருத்துவர்களின் ஆட்சேர்ப்பு செயல்முறை விரைவில் முடிக்கப்பட வேண்டும் என்று கெஹ்லாட் கூறினார். தேர்ந்தெடுக்கப்பட்ட மருத்துவர்களுக்கு 10 நாட்களுக்குள் நியமனங்கள் வழங்கப்பட வேண்டும், என்றார் அவர்.

‘அன்லாக் -6’ வழிகாட்டுதல்கள் குறித்த கலந்துரையாடலின் போது, ​​முதன்மைச் செயலாளர் (உள்துறை) அபய் குமார், மாநிலத்தில் உள்ள பள்ளி-கல்லூரிகள் உள்ளிட்ட கல்வி நிறுவனங்கள் மற்றும் பயிற்சி மையங்கள் நவம்பர் 16 ஆம் தேதி வரை வழக்கமான கல்வி நடவடிக்கைகளுக்காக மூடப்பட்டிருக்கும் என்று கூறினார் என்று அந்த அறிக்கையில் தெரிவிக்கப்பட்டுள்ளது.

நீச்சல் குளங்கள், சினிமா அரங்குகள், தியேட்டர்கள், மல்டிபிளெக்ஸ், பொழுதுபோக்கு பூங்காக்கள் போன்றவை நவம்பர் 30 வரை மூடப்பட்டிருக்கும் என்றும் அதில் தெரிவிக்கப்பட்டுள்ளது.

திருமணங்களில் விருந்தினர்களின் அதிகபட்ச வரம்பு 100 ஆக இருக்க வேண்டும் என்றும் அந்த அறிக்கையில் கூறப்பட்டுள்ளது.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR