பாஜக தலைவர் அமித் ஷா அகமதாபாத்தில் வாக்களித்தார்!

பாஜக தலைவர் அமித் ஷா, அகமதாபாத்தில் உள்ள  வாக்குச்சாவடியில் தனது வாக்கினை பதிவு செய்தார்.

மக்களவை தேர்தல் 7 கட்டங்களாக நடைபெறும் என அறிவிக்கப்பட்டிருந்த நிலையில், இதுவரை 2 கட்டங்களாக 186 தொகுதிகளில் வாக்குப்பதிவு நடைபெற்றுள்ளது. இந்நிலையில் 3-ஆவது கட்டமாக 13 மாநிலங்கள் மற்றும் 2 யூனியன் பிரதேசங்களில் உள்ள 116 தொகுதிகளில் இன்று காலை 7 மணிக்கு வாக்குப்பதிவு தொடங்கி நடைபெற்று வருகிறது.

இந்நிலையை குஜராத் மாநிலம், அகமதாபாத் மக்களவைத் தொகுதிக்கு உட்பட்ட, நரன்புரா துணை மண்டல அலுவலகத்தில் அமைக்கப்பட்டுள்ள வாக்குச்சாவடியில், பாஜக தேசிய தலைவர் அமித் ஷா, தனது மனைவி சோனல் ஷாவுடன் சென்று இன்று காலை வாக்களித்தார்.