டெல்லியில் கடும் பனிமூட்டம்: 28 ரயில்கள் தாமதம்; 18 ரத்து

டெல்லியில் கடும் பனிமூட்டம் காரணமாக ரயில்களின் வருகை தாமதமாகி உள்ளது.

டெல்லியில் கடந்த சில நாட்களாக காலை வேளையில் பனிமூட்டம் நிலவி வருகிறது. இதனால் ரயில், விமான சேவையில் பாதிப்பு ஏற்பட்டுள்ளது. இந்நிலையில் டெல்லியில் குறைந்த காண்புதிறன், பனிமூட்டம் ஆகியவற்றின் காரணமாக ரயில்களின் வருகை மற்றும் புறப்பாட்டில் தாமதம் ஏற்பட்டுள்ளது.

டெல்லியில் நிலவி வரும் கடும் பனிமூட்டம் காரணமாக 28 ரயில்கள் தாமதமாகி உள்ளது. மேலும் 18 ரயில்கள் ரத்து செய்யப்பட்டுள்ளது. அதேவேளையில் 3 ரயிலின் நேரம் மாற்றி அமைக்கப்பட்டுள்ளது.