பிரிட்டிஷ் (United Kingdom) பிரதமர் ரிஷி சுனக் G-20 உச்சி மாநாட்டில் பங்கேற்பதற்காக இந்தியா வந்டைந்தார். வெள்ளிக்கிழமை மாலை ANI செய்தி நிறுவனத்திடம் பேசிய அவர், காலிஸ்தானி (Khalistan) தீவிரவாதம் குறித்து பெரிய அறிக்கை ஒன்றை அளித்தார். எந்தவொரு வன்முறையையும் பிரிட்டன் ஏற்றுக்கொள்ளாது என்று சுனக் கூறினார். காலிஸ்தான் தீவிரவாதத்தை சமாளிக்க இந்தியாவும் பிரிட்டனும் இணைந்து செயல்படுகின்றன. தீவிரவாதத்தை வேரோடு அழிக்கும் பணியில் ஈடுபட்டுள்ளோம் என்றார்.


COMMERCIAL BREAK
SCROLL TO CONTINUE READING

ரஷ்யா-உக்ரைன் போர் குறித்த முக்கிய கருத்து


ரஷ்யா மற்றும் உக்ரைன் இடையேயான போரில் இந்தியாவின் நிலைப்பாடு குறித்து ரிஷி சுனக் கூறுகையில், சர்வதேச விவகாரங்களில் இந்தியா என்ன நிலைப்பாட்டை எடுக்க வேண்டும் என்பதை நான் கூற வேண்டும் என்று நான் நினைக்கவில்லை. ஆனால் சர்வதேச சட்டத்தின் ஆட்சி, ஐ.நா. சாசனம் மற்றும் பிராந்திய ஒருமைப்பாடு ஆகியவற்றில் இந்தியா அக்கறை கொண்டுள்ளது என்பதை நான் அறிவேன். இந்தியா-இங்கிலாந்து சுதந்திர வர்த்தக ஒப்பந்தம் குறித்தும் சுனக் பேசினார். கடந்த அக்டோபர் மாதம் பிரிட்டனில் சுனக் ஆட்சியைப் பிடித்தார். தன்னை ஒரு பெருமைமிக்க இந்து என்று சொல்லிக்கொண்டார் என்பது குறிப்பிடத்தக்கது.


இந்தியாவை பாராட்டி முக்கிய அறிக்கை 


ரிஷி சுனக் இந்தியாவின் ஜி-20 தலைமை பதவியை பாராட்டினார். உச்சிமாநாட்டை நடத்த சரியான நேரத்தில் இந்தியா சரியான நாடு என்று கூறினார். ஜி20 போட்டி இந்தியாவுக்கு பெரும் வெற்றியை அளித்துள்ளது. சில நாட்களுக்கு நாங்கள் மிகவும் நல்ல விவாதங்கள் மற்றும் முடிவுகளை எடுப்போம் என்று நினைக்கிறேன்.


மேலும் படிக்க | G-20: வெளிநாடு விருந்தினர்களுக்கு ₹ 18 கோடி வாடகையில் 20 லிமோசின் கார்கள்!


இங்கிலாந்துக்கும் இந்தியாவுக்கும் இடையிலான வர்த்தகம் முக்கியமானது


பிரதமர் மோடியும் நானும் ஒரு லட்சிய வர்த்தக ஒப்பந்தத்தை முடிக்க விரும்புகிறோம். இன்னும் சிறந்த உடன்பாடு எட்டப்படும் என்று இரு தலைவர்களும் நம்புகிறோம். ஆனால் வர்த்தக ஒப்பந்தங்கள் முடிக்கப்பட எப்பொழுதும் சிறிது காலம் எடுக்கும். இரு நாடுகளுக்கும் பலன் தரும் வகையில் நடவடிக்கை எடுக்கப்படும். இன்னும் நிறைய பணி பாக்கி இருக்கிறது என்றார்.


விருந்தினர்களை வரவேற்க அலங்கரிக்கப்பட்டுள்ள டெல்லி 


ஜி-20 மாநாடு செப்டம்பர் 9 மற்றும் 10 ஆகிய தேதிகளில் டெல்லியில் உள்ள பிரகதி மைதானத்தில் உள்ள பாரத் மண்டபத்தில் நடைபெறுகிறது. இந்த முழு நிகழ்ச்சியும் இந்தியாவின் தலைமையில் நடைபெறுகிறது. விருந்தினர்களை வரவேற்க டெல்லி அலங்கரிக்கப்பட்டுள்ளது. ஜி20 உச்சிமாநாட்டிற்கு அமெரிக்கா, பிரிட்டன், கனடா மற்றும் ஐரோப்பிய ஒன்றியம் உள்ளிட்ட பல்வேறு நாடுகளின் உயர்மட்ட தலைவர்களை வரவேற்க டெல்லி தயாராக உள்ளது .. பிரகதி மைதானத்தில் உள்ள பாரத் மண்டபத்தில் வெளிநாட்டுப் பிரதிநிதிகளை வரவேற்கும் வகையில் அலங்கரிக்கப்பட்ட உச்சி மாநாடு நடைபெறும்.


G-20 உச்சிமாநாடு


செப்.9 மற்றும் 10 ம் தேதி டெல்லியில் நடைபெற உள்ள 2023 G20 உச்சிமாநாடு, பாரத் மண்டபம் சர்வதேச கண்காட்சி மையத்தில் நடைபெற உள்ளது. இது G20 உச்சிமாநாட்டின் பதினெட்டாவது கூட்டமாகும். இந்தியா மற்றும் தெற்காசியாவில் நடைபெறும் முதல் ஜி20 மாநாடாகும். இந்தியப் பிரதமர் நரேந்திர மோடி தலைமையில் இந்த ஜி20  உச்சி மாநாடு நடைபெறவுள்ளது. ஜி 20 குழுவிற்கு தற்போது இந்தியா தலைமை வகிக்கிறது. இந்தியாவின் தலைமை பதவி 2022 ஆம் ஆண்டு டிசம்பர் 1 ஆம் தேதி தொடங்கியது. G20 என்பது 19 நாடுகள் மற்றும் ஐரோப்பா ஒன்றியத்தை உள்ளடக்கியது.


மேலும் படிக்க | G20 Summit: செப்டம்பர் 9 -10 ஆகிய தேதிகளில் நடைபெறும் நிகழ்ச்சிகள் விபரம்!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ