குஜராத் 2-வது கட்ட தேர்தல்: பாஜக மூத்த தலைவர் எல்.கே அத்வானி வாக்களித்தார்

குஜராத் மாநிலத்தில் 2-வது கட்ட சட்டசபை தேர்தல் (93 தொகுதிகளுக்கு) இன்று நடைபெற்று வருகிறது. வாக்குப் பதிவு நடைபெற்று வருவதால் அங்கு பலத்த பாதுகாப்பு போடப்பட்டுள்ளது. 

குஜராத் சட்டசபைக்கான 182 தொகுதிகளில் 89 இடங்களில் கடந்த டிசம்பர் 9-ம் தேதி வாக்குப் பதிவு நடைபெற்றது. அந்த வகையில் இன்று 14 மாவட்டங்களில் உள்ள 93 தொகுதிகளில் வாக்குப் பதிவு நடைபெற்று வருகிறது. இன்று நடந்துக்கொண்டு இருக்கும் குஜராத் மாநில 2-வது கட்ட தேர்தலில் மொத்தம் 851 வேட்பாளர்கள் களத்தில் உள்ளனர். 

இந்நிலையில் பாஜ கட்சியின் மூத்த தலைவர் எல்.கே அத்வானி இன்று அகமதாபாத் மாவட்டத்தின் ஜமால்பூர் காதியா பகுதியில் தனது வாக்கை செலுத்தினார்.

பிரதமர் மோடி அகமதாபாத் சபர்மதி ரேனிப்பில் வாக்களித்தார்.