கேரள அரசியலில் மதங்களுக்கு இடையிலான திருமணங்கள் புதிதல்ல என்பதை விளக்குகிறது இந்த பதிவு.


COMMERCIAL BREAK
SCROLL TO CONTINUE READING

சமீபத்தியது DYFI தேசியத் தலைவர் பி.ஏ. முகமது ரியாஸ் மற்றும் முதல்வர் பினராயி விஜயனின் மகள் வீணா ஆகியோரின் திருமணம் செய்துக்கொண்டனர். இவர்களின் திருமணம் மதங்களுக்கு இடையிலான அரசியல் திருமணத்திற்கு எடுத்துக்காட்டாய் தற்போது கேரளாவில் பேசப்பட்டு வருகிறது. ஆனால் இந்த ஜோடிக்கு முன்னதாக பல அரசியல் ஜோடிகள் வேறு மதத்தில் திருமணம் செய்து அரசியல் புரட்சியை ஏற்படுத்தியுள்ளனர் என தகவல்கள் தெரிவிக்கின்றன.


இந்த திருமணங்களில் அவற்றில் பெரும்பாலானவை இடது அரசியல்வாதிகள் மத்தியில் நடந்தவை என்பது குறிப்பிடத்தக்கது. 


கேரள யானை மரணம் ஒரு விபத்தாக இருக்கலாம்: சுற்றுச்சூழல் அமைச்சகம்...


பெரும்பாலான சந்தர்ப்பங்களில், அவர்களின் அரசியல் செயல்பாட்டின் மாணவர் பருவத்தில் காதல் மலர்ந்தது பிற்காலத்தில் திருமணத்தில் முடிந்துள்ளது. எனினும் பின்னர் பெண்கள் படிப்படியாக அரசியலில் இருந்து விலகியதாகவே வரலாறு கூறுகிறது.


கே ஆர் ​​கவுரி அம்மா-டி வி தாமஸ் மாநிலத்தில் மிகவும் பிரபலமான மதங்களுக்கு இடையிலான அரசியல் ஜோடி. சிபிஐயின் தலைவரான கவுரி அம்மா 1957-ல் மற்றொரு கட்சி தலைவரான டி வி தாமஸை மணந்தார், அவர்கள் இப்போது வரை மாநிலத்தில் இருந்த ஒற்றை மந்திரி ஜோடி. 1967 அரசாங்கத்தில் இருந்த இரு அமைச்சர்களும், கவுரி அம்மாவுக்கு சனாட்டில் உத்தியோகபூர்வ இல்லமும், ரோஸ் ஹவுஸில் தாமஸுக்கும் ஒதுக்கப்பட்டன, இது ஒரே முற்றத்தில் சுவரால் பிரிக்கப்பட்டிருந்தது.


“நாங்கள் இரு வீடுகளுக்கும் இடையிலான சுவரை உண்மையில் அழித்துவிட்டு ஒருவருக்கொருவர் வீட்டை அடைய ஒரு கதவைக் கட்டினோம். ஆனால் CPI அந்த கதவை மூடியது, இது எனக்கு மிகப்பெரிய அதிர்ச்சியாக வந்தது. அந்த கதவு எங்களை பிரித்தது. எனக்கு மாரடைப்பு ஏற்பட்டது, ஒரு மாதம் மருத்துவமனையில் இருந்தேன்,” கன கவுரி அம்மா தனது சுயசரிதையில் அவர்கள் பிரிந்ததை நினைவுபடுத்தினார். 1964-ல் கம்யூனிஸ்ட் கட்சி பிரிந்தபோது, கவுரி அம்மா CPM உடன் சென்றார், தாமஸ் CPI-ல் நின்றார். 


இதேப்போன்று காங்கிரஸ் தலைவர்கள் வயலார் ரவி மற்றும் மெர்சி ரவி ஆகியோரின் திருமணமும் கொண்டாடப்பட்டது. 1960 களில் எர்ணாகுளம் மகாராஜா கல்லூரியில் அவர்களின் காதல் மலர்ந்தது. எசாவா சமூகத்தைச் சேர்ந்த ரவி இளம் KSU தலைவர், வசதியான மரபுவழி கிறிஸ்தவ குடும்பத்தைச் சேர்ந்த மரியா பிரான்சிஸ் கட்டிகாரனை போராட்டங்களுக்கு பின்னர் மணந்தார்.


தலித் சிந்தனையாளர் சன்னி எம் கபிகாட் கூறுகையில், அரசியலின் சலுகை பெற்ற வட்டங்களில் அல்லது செல்வந்தர்களிடையே நடக்கும் இத்தகைய மதங்களுக்கு இடையிலான திருமணங்களை சமூக சீர்திருத்தத்தின் எடுத்துக்காட்டுகளாக எடுத்துக் கொள்ள முடியாது. "வெவ்வேறு மதங்களைச் சேர்ந்த இரண்டு இடது தலைவர்கள் தங்கள் திருமணத்திற்கு நீண்ட காலத்திற்கு முன்பே மதத்தை கைவிட்டிருக்க வேண்டும். எனவே, மக்கள் அதை ஒரு சீர்திருத்த கண்ணோட்டத்தில் பார்க்கவில்லை,” என்று அவர் கூறுகிறார். 


கொரோனாவை விரட்டும் ‘கொரோனா தேவி’ கோவில்; கேரளாவில் உதயமானது!..


இத்தகைய மதங்களுக்கு இடையிலான திருமணங்கள் அரிதானவை அல்ல என்று சமூக பார்வையாளர் எம்.என்.காரசேரி கூறுகின்றார்.


அரசியல் வரலாற்றில் குறிக்கப்பட்டுள்ள மதங்களுக்கு இடையிலான திருமணங்கள்.


  • கே ஆர் ​​கவுரி அம்மா (சிபிஎம்) & டிவி தாமஸ் (சிபிஐ)

  • வயலார் ரவி & மெர்சி ரவி (இருவரும் காங்கிரஸ்)

  • அன்னி ராஜா & டி ராஜா (இருவரும் சிபிஐ)

  • கீதா நசீர் & எம் நசீர் (இருவரும் சிபிஐ)

  • பி டி தாமஸ் எம்.எல்.ஏ (காங்கிரஸ்) & உமா

  • ஜேம்ஸ் மேத்யூ (சிபிஎம்), எம்.எல்.ஏ & என் சுகன்யா (AIDWA தேசியத் தலைவர்)

  • சி எஸ் சுஜாதா & ஜி பேபி (இருவரும் சிபிஎம்)

  • பினாய் விஸ்வம் (சிபிஐ), எம்.பி. & ஷீலா சி ஜார்ஜ் (AIYF முன்னாள் தலைவர்)

  • வி சசிகுமார் & கே பதருன்னிசா (இருவரும் சிபிஎம்)

  • எம் பி ராஜேஷ் (சிபிஎம்) & ஆர் நினிதா (முன்னாள் எஸ்எஃப்ஐ மத்திய செயலக உறுப்பினர்)

  • பி எ அஜீர் (சிஎம்பி) & சுதர்மா

  • கே கே ராகேஷ் (சிபிஎம்), எம்.பி. & பிரியா வர்கீஸ்

  • AA ரஹீம் (டி.ஒய்.எஃப்.ஐ மாநில செயலாளர்) & அம்ருதா (எஸ்.எஃப்.ஐ முன்னாள் மாநில குழு உறுப்பினர்)

  • வி பி சானு (எஸ்எஃப்ஐ தேசியத் தலைவர்) & காதா எம் தாஸ்