ரிசர்வ் வங்கியின் முடிவால் வீடு, வாகனம், தொழில், தனிநபர் கடன்களுக்கான வட்டி குறைய வாய்ப்பு!!


COMMERCIAL BREAK
SCROLL TO CONTINUE READING

இந்தியப் பொருளாதாரத்தை 5 டிரில்லியன் டாலர் வரையில் உயர்த்த வேண்டும் என இலக்கு நிர்ணயம் செய்து அதன் வழியில் செல்ல திட்டமிட்டு இருப்பதாகப் பட்ஜெட் தாக்கலின் போது நிதியமைச்சர் நிர்மலா சீதாராமன் அவர்கள் தெரிவித்தார். இதை எப்படி அடையப்போகிறோம் என்பது ஒருபக்கம் இருக்க.


ரிசர்வ் வங்கியின் 3-வது இருமாத நாணய கொள்கை கூட்டம் ஆகஸ்ட் 5 ஆம் தேதி துவங்கியது. பட்ஜெட் தாக்கல் செய்யப்பட்டு நடக்கும் முதல் நாணய கொள்கை கூட்டம் என்பதால் பொருளாதார வல்லுனர்கள் மட்டும் அல்லாமல் சாமானிய மக்களும் ஆர்வத்துடன் உள்ளனர். மோசமான நிலையில் இருக்கும் பொருளாதாரத்தை உயர்த்த ஏற்கனவே 3 முறை வட்டி விகிதத்தைக் குறைந்த ரிசர்வ் வங்கி இந்த முறையும் அடிப்படை வட்டி விகிதத்தைக் குறைக்கும் என அதிகளவில் எதிர்பார்த்திருந்த நிலையில், ரிசர்வ் வங்கியின் ஆளுநர் சக்தி காந்த தாஸ் தலைமையிலான ஆறு உறுப்பினர்களைக் கொண்ட நாணயக் கொள்கைக் குழு (MPC) புதன்கிழமை ரெப்போ விகிதங்களை 35 அடிப்படை புள்ளிகள் குறைத்து 5.40 சதவீதமாக அறிவித்துள்ளது.


இந்த நடவடிக்கை வங்கிகளால் கடன் விகிதத்தைக் குறைக்க வழிவகுக்கும் என்று எதிர்பார்க்கப்படுகிறது, இது வீட்டுவசதி, கார் கடன் மற்றும் கார்ப்பரேட் கடன் வாங்குபவர்களுக்கு EMI வட்டிவிகிதத்தை குறைக்கும். கடந்த மே மாதம் மோடி 2.0 பொறுப்பேற்ற பிறகு இது ரிசர்வ் வங்கியின் இரண்டாவது நாணயக் கொள்கையாகும்.


பணப்புழக்க சரிசெய்தல் வசதியின் (LAF) கீழ் உள்ள ரெப்போ வீதம் 0.35 அடிப்படை புள்ளிகளால் 5.75 சதவீதத்திலிருந்து 5.40 சதவீதமாகக் குறைக்கப்பட்டுள்ளது. இதன் விளைவாக, LAF இன் கீழ் தலைகீழ் ரெப்போ விகிதம் 5.15 சதவிகிதம், விளிம்பு நிலை வசதி (MSF) வீதம் மற்றும் வங்கி விகிதம் 5.65 சதவிகிதம் மற்றும் CRR விகிதங்கள் 4 சதவிகிதம் என சரிசெய்யப்பட்டுள்ளது என்று ரிசர்வ் வங்கி தெரிவித்துள்ளது.


MPC அதன் மொத்த உள்நாட்டு உற்பத்தியின் வளர்ச்சி கணிப்பை நடப்பு நிதியாண்டில் முந்தைய 7 சதவீதத்திலிருந்து 6.9 சதவீதமாகக் குறைத்துள்ளது. ரிசர்வ் வங்கி MPC மூன்று நாள் கூட்டம் திங்கள்கிழமை தொடங்கியது. நாணயக் கொள்கையில் இடமளிக்கும் நிலைப்பாட்டைக் கடைப்பிடித்து, MPC-யின் 4 உறுப்பினர்கள் விகிதக் குறைப்புக்கு ஆதரவாக வாக்களித்தனர்.


ரிசர்வ் வங்கி தனது புதிய ஆளுநர் சக்திகாந்த தாஸின் பொறுப்பில் இருந்து அதன் முக்கிய விகிதங்களை 0.85 சதவிகிதம் குறைத்துள்ளது. மத்திய வங்கி தனது கடைசி மூன்று கொள்கை மதிப்பாய்வுகளில் குறுகிய கால கடன் விகிதத்தை (ரெப்போ வீதம்) 25 அடிப்படை புள்ளிகள் (0.25 சதவீதம் புள்ளிகள்) குறைத்துள்ளது.