அயோத்தி வழக்கின் தீர்ப்பை எதிர்த்து சீராய்வு மனு தாக்கல் செய்யும் திட்டமில்லை என சன்னி வக்பு வாரியம் சார்பாக அப்துல் ரஜாக் தெரிவித்துள்ளார்!!


COMMERCIAL BREAK
SCROLL TO CONTINUE READING

டெல்லி: அயோத்தி வழக்கில் ஒரு பெரிய வளர்ச்சியில், ராம் ஜனம்பூமி-பாப்ரி மஸ்ஜித் நில தகராறு வழக்கில் உச்சநீதிமன்ற தீர்ப்புக்கு எதிராக மறுஆய்வு மனு தாக்கல் செய்யும் திட்டம் இல்லை என்று சன்னி வக்ஃப் வாரியம் செவ்வாய்க்கிழமை (நவம்பர் 26) முடிவு செய்தது.


அயோத்தியில் சர்ச்சைக்குரிய இடம் யாருக்கு சொந்தம் வழக்கில், உச்சநீதிமன்றம், கடந்த 8 ஆம் தேதி தீர்ப்பு வழங்கியது. அப்போதைய தலைமை நீதிபதி, ரஞ்சன் கோகாய் தலைமையிலான 5 நீதிபதிகள் அமர்வு வழங்கிய ஒருமித்த தீர்ப்பின்படி, சர்ச்சைக்குரிய இடம் இந்து தரப்புக்கு சொந்தமானது என அறிவிக்கப்பட்டது.


அதேநேரம், முஸ்லீம்களுக்காக 5 ஏக்கர் நிலத்தை அரசு வழங்க உத்தரவிட்டது உச்சநீதிமன்றம். இந்த வழக்கில், முஸ்லீம்கள் தரப்பாக வாதிட்டது, உத்தர பிரதேச மாநில சன்னி வக்ஃப் வாரியம். இந்த தீர்ப்பு தொடர்பாக சன்னி வக்ஃப் வாரிய உறுப்பினர்களிடையே மாறுபட்ட கருத்துக்கள் நிலவின. சீராய்வு மனு தாக்கல் செய்யலாம் என்றும், வேண்டாம் என்றும் சன்னி வக்ஃப் வாரியத்தில் இருவேறு கருத்துக்கள் இருந்தன. இதுகுறித்து, முடிவு செய்ய, லக்னோவில் இன்று, சன்னி வக்ஃப் வாரிய உறுப்பினர்கள் கூட்டம் நடைபெற்றது.


இதையடுத்து, ஊடகங்களுடன் பேசிய சுன்னி வக்ஃப் வாரிய உறுப்பினர் அப்துல் ரசாக் கான் கூறுகையில்; முஸ்லீம் அமைப்பின் ஏழு உறுப்பினர்களில் 6 பேர் எஸ்சி தீர்ப்பை சவால் செய்ய வேண்டாம் என்று முடிவு செய்துள்ளனர். "எங்கள் கூட்டத்தில் பெரும்பான்மையான முடிவு என்னவென்றால், அயோத்தி வழக்கில் மறுஆய்வு மனு தாக்கல் செய்யக்கூடாது" என்று கான் கூறினார்.


எனவே, சீராய்வு மனு தாக்கல் செய்ய நாங்கள் விரும்பவில்லை" என்று தெரிவித்தார். அயோத்தி நகருக்குள்ளாக, சன்னி வக்ஃப் வாரியத்திற்கு 5 ஏக்கர் நிலம் வழங்க வேண்டும், அதை முஸ்லீம் தரப்பே தேர்ந்தெடுக்கும் உரிமை உள்ளது என்று, சுப்ரீம் கோர்ட் கூறியிருந்தது. இதுபற்றியும், இன்றைய கூட்டத்தில் ஆலோசிக்கப்பட்டது. இதுபற்றி அப்துல் ரசாக் கான் கூறுகையில், மசூதி கட்டுவதற்கு, அரசு நிலம் ஒதுக்கீடு செய்த பிறகு, அதை ஏற்பதா இல்லையா என்பது குறித்து முடிவெடுக்கலாம் என்று, இன்றைய கூட்டத்தில் முடிவெடுத்துள்ளோம் என்று அவர் தெரிவித்தார்.