Diwali 2023: தீபாவளி கூட்ட நெரிசலை தடுக்க சிறப்பு ரயில்கள்! டிக்கெட் புக் செய்வது எப்படி?

Diwali Special Trains: தெற்கு ரயில்வேயுடன், வடக்கு மற்றும் மேற்கு ரயில்வே உள்ளிட்ட பிற ரயில்வே மண்டலங்களும் தீபாவளியின் போது பயணிகளின் வருகையை சமாளிக்க சிறப்பு ரயில்களை இயக்குகின்றன. இந்த ஆண்டு தீபாவளி பண்டிகையை முன்னிட்டு தெற்கு ரயில்வே 60க்கும் மேற்பட்ட சிறப்பு ரயில் சேவைகளை இயக்க உள்ளது. மாநிலத்தின் பல்வேறு பகுதிகளிலும், அருகிலுள்ள கேரளா மற்றும் கர்நாடகா மாநிலங்களிலும் உள்ள தங்கள் சொந்த இடங்களுக்குச் செல்ல எதிர்பார்க்கப்படும் பயணிகளின் நெரிசலைக் குறைக்க 12 பிரிவுகளாக சிறப்பு ரயில்கள் திட்டமிடப்பட்டுள்ளன.  தீபாவளியின் போது பயணிகளின் கூடுதல் நெரிசலைக் குறைக்க நாகர்கோவில் சந்திப்பு - மங்களூரு சந்திப்பு - தாம்பரம் ஆகிய பிரிவுகளில் மூன்று சுற்றுப் பயணங்களுக்கு சிறப்பு ரயில்களை தெற்கு ரயில்வே இயக்கும் என்று ரயில்வே செய்திக் குறிப்பில் தெரிவிக்கப்பட்டுள்ளது.  மேலும் தீபாவளியை முன்னிட்டு சென்னை எழும்பூர்-தூத்துக்குடி இடையே சிறப்பு ரயில்களை இயக்க தெற்கு ரயில்வே முடிவு செய்துள்ளது.

நாகர்கோவில் சந்திப்பு-மங்களூரு சந்திப்பு விழாக்கால சிறப்பு ரயில் எண் 06062 நாகர்கோவிலில் இருந்து சனிக்கிழமை (நவம்பர் 11, 18 மற்றும் 25) மதியம் 2.45 மணிக்குப் புறப்பட்டு மறுநாள் காலை 5.15 மணிக்கு மங்களூரு சந்திப்பை சென்றடையும்.

ரயில் எண் 06063 மங்களூரு சந்திப்பு-தாம்பரம் விழாக்கால சிறப்பு விரைவு ரயில் மங்களூருவில் இருந்து ஞாயிற்றுக்கிழமைகளில் (நவம்பர் 12, 19, மற்றும் 26) காலை 10 மணிக்குப் புறப்பட்டு மறுநாள் காலை 5.10 மணிக்கு தாம்பரம் சென்றடையும். தாம்பரம்-மங்களூரு சந்திப்பு-தாம்பரம் இடையே மூன்று சுற்றுப் பயணங்களுக்கு சிறப்புக் கட்டணத்தில் பண்டிகை சிறப்பு ரயில்களையும் ரயில்வே இயக்கும்.

ரயில் எண் 06064 தாம்பரம்-மங்களூரு ஜே.என். விழாக்கால சிறப்பு விரைவு ரயில் வெள்ளிக்கிழமைகளில் (நவம்பர் 10, 17, மற்றும் 24) தாம்பரத்தில் இருந்து மதியம் 1.30 மணிக்குப் புறப்பட்டு மறுநாள் காலை 6.20 மணிக்கு மங்களூருவை சென்றடையும்.

நாகர்கோவில் வழியாக மங்களூரு ஜே.என்.- தாம்பரம் விழாக்கால சிறப்பு ரயில், எண். 06065 மங்களூருவில் இருந்து சனிக்கிழமை (நவம்பர் 11, 18, 25) காலை 10 மணிக்குப் புறப்பட்டு மறுநாள் மதியம் 1.15 மணிக்கு தாம்பரம் சென்றடையும்.

எண் 06001 சென்னை எழும்பூர் - தூத்துக்குடி அதிவிரைவு விழாக்கால சிறப்பு ரயில் நவம்பர் 10 மற்றும் 12 ஆகிய தேதிகளில் (வெள்ளி மற்றும் ஞாயிறு) சென்னை எழும்பூரில் இருந்து இரவு 11.45 மணிக்குப் புறப்பட்டு மறுநாள் மதியம் 12.30 மணிக்கு தூத்துக்குடி சென்றடையும்.

எண் 06002 தூத்துக்குடி - சென்னை எழும்பூர் விழாக்கால சிறப்பு ரயில் தூத்துக்குடியில் இருந்து நவம்பர் 11 மற்றும் 13 (சனி & திங்கள்) மாலை 3.30 மணிக்குப் புறப்பட்டு மறுநாள் அதிகாலை 4.45 மணிக்கு சென்னை எழும்பூரை வந்தடையும்.  இந்த ரயில்களில் 1- ஏசி டூ டையர் கோச், 1- ஏசி 3 டையர் கோச், 1- ஏசி 3 அடுக்கு எகானமி கோச், 10-ஸ்லீப்பர் கிளாஸ் கோச்கள், 5- பொது இரண்டாம் வகுப்பு பெட்டிகள் மற்றும் 1 லக்கேஜ் கம் பிரேக் வேன் இருக்கும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!