ஆஹா! இதெல்லவா கம்பேனி - 9 நாள்கள் லீவு... அதுவும் சம்பளத்துடன்!

9 Days Paid Leave: அமெரிக்காவை தளமாகக் கொண்ட மென்பொருள் மேம்பாட்டு நிறுவனம் தனது ஊழியர்களுக்கு "ஓய்வு மற்றும் புத்துணர்வு" மேற்கொள்ள 9 நாட்கள் ஊதியத்துடன் கூடிய விடுப்பை வழங்குகிறது, இது நெட்டிசன்களால் பெரிதும் பாராட்டப்பட்டு வருகிறது.

சமூக வலைதள பயனர் ஷைலேந்திர பாண்டே அந்நிறுவனம் அனுப்பிய உள் மின்னஞ்சலின் ஸ்கிரீன்ஷாட் தனது LinkedIn இடுகையில் பகிர்ந்துள்ளார். ஜூலை முதல் வாரத்தில், அதாவது ஜூலை 1 முதல் ஜூலை 9 வரை, கலிஃபோர்னிய நிறுவனமான HackerRank தனது ஊழியர்களுக்கு ஊதியத்துடன் கூடிய விடுமுறையை வழங்குவதற்கான தனது நிறுவனத்தின் முடிவை அறிவிப்பதை ஸ்கிரீன்ஷாட் காட்டுகிறது.

"சமீப காலங்களின் பரபரப்பான சூழலில், வேலை வாழ்க்கை சமநிலை, பணியாளர் விடுப்பு அல்லது விடுமுறைக்கு செல்வதற்கான காரணங்களை உருவாக்குவது பற்றி நாம் அனைவரும் அதிகம் பார்த்து வருகிறோம். HackerRank நிறுவனத்தின் இந்த விஷயம் மிகவும் சிறந்தது மற்றும் அனைத்து ஊழியர்களின் நலனை கருத்தில் கொண்டு இந்த முன்னெடுப்பு பாராட்டப்பட வேண்டும். இது போன்ற தைரியமான முடிவை எடுத்த நிர்வாகத்திற்கு பாராட்டுக்கள்" என்று பாண்டே தனது LinkedIn பதிவில் எழுதினார். ஊழியர்கள் ஓய்வெடுத்து, அடுத்த வேலையை தொடங்குவதற்கு புத்துணர்ச்சி அளிக்கும் வகையில் இந்த விடுமுறை அமையும் என நிறுவனம் கருதுகிறது.