உண்மையான காதல், நாம் எங்கும் பார்க்காத போது, எங்கும் தேடாத போதுதான் அமையும் என்று கூறுவார்கள். காதலை உங்கள் பக்கம் ஈர்ப்பதற்கு சில ட்ரிக்ஸ்கள் இருக்கிறது. அவை என்னென்ன தெரியுமா?


COMMERCIAL BREAK
SCROLL TO CONTINUE READING

1.நீங்கள் நீங்களாக இருக்க வேண்டும்? 


உண்மையான அன்பை ஈர்ப்பதற்காக நீங்கள் முதலில் உங்களுக்கு உண்மையானவராக இருப்பது முக்கியம். குறிப்பாக புதிய நபர்களைச் சந்திக்கும் போது நீீங்கள் அவரை ஈர்க்க வேண்டும் என்பதற்காக எதுவும் செய்ய வேண்டியதில்லை. நீங்கள், உங்களுக்கான சிறந்த துணையாக இருக்க நன்கு பழகிக்கொள்ளுங்கள். தன்னம்பிக்கையை வளர்த்துக்கொள்ளுங்கள். உங்களது வெட்கம், நீங்கள் உங்களிடம் சில பண்புகளை வளர்த்துக்கொள்ள ஆசைப்படுவது போன்றவற்றை உங்களுக்காக செய்து காெள்ளுங்கள். பிறருக்காக நீங்கள் உங்களை மாற்றிக்கொள்வதை விட, நீங்கள் நீங்களாகவே இருந்தால் பலருக்கு உங்களை பிடிக்கும். 


2.உங்களை நன்றாக பார்த்துக்கொள்ளுங்கள்..


உண்மையான அன்பை ஈர்ப்பதற்கு உடல் மற்றும் உணர்ச்சி சுய பாதுகாப்பு முக்கியமானது. உடற்பயிற்சி மற்றும் நல்ல ஊட்டச்சத்து மூலம் உங்கள் உடல் ஆரோக்கியத்தை கவனித்துக்கொள்வது முக்கியம். மேலும், சுய பிரதிபலிப்பு மற்றும் சுய முன்னேற்றம் மூலம் உங்கள் உணர்ச்சி நல்வாழ்வை நீங்கள் கவனித்துக் கொள்ள வேண்டும். உங்கள் சொந்த மற்றும் உணர்ச்சித் தேவைகளை நீங்கள் முதலில் பூர்த்தி செய்திருந்தால், சிறந்த நபர்களை உங்கள் பக்கம் ஈர்ப்பது மிகவும் எளிதானது. உங்களுக்கான தேவை என்னென்ன, உங்களிடம் உங்களுக்கு பிடித்த விஷயம் என்ன? போன்ற அனைத்து விஷயங்களையும் உங்களுக்குள் நீங்கள் ஆராய்ந்து கொள்ள வேண்டும். 


3.திறந்த மனதுடன் இருக்க வேண்டும்..


உண்மையான காதலை ஈர்ப்பதற்காக, உங்கள் வழியில் வரும் சாத்தியக்கூறுகள் மற்றும் வாய்ப்புகளுக்கு நீங்கள் திறந்த மனதுடன் வழிவிட வேண்டும்.  புதிய நபர்களைச் சந்திப்பதற்கும், புதிய விஷயங்களை முயற்சிப்பதற்கும், சில வாய்ப்புகளைப் பெறுவதற்கும் இது உதவி புரியும். இப்படி திறந்த மனதுடன் இருக்கும் போது, கண்டிப்பாக பல இன்னல்கள் நேரிடலாம், சிலரால் ஏமாற்றப்படலாம். ஆனால் இவற்றால் உங்கள் மனதை நீங்கள் மூடிவிடக்கூடாது. இப்படி உங்கள் மனதை நீங்கள் திறந்து வைத்திருந்தால்தான் உங்களுக்கான காதல் உங்களை நோக்கி தேடி,ஓடி வரும். 


மேலும் படிக்க | எடை குறைப்பு முதல் செரிமானம் வரை.. இந்த மேஜிக் மூலிகைகள் போதும்


4.நேர்மறை எண்ணங்களுடன், நம்பிக்கை உணர்வுடன் இருக்க வேண்டும்..!


வாழ்க்கையில் நேர்மறையான கண்ணோட்டம் உண்மையான அன்பை ஈர்க்கும். சவால்கள் மற்றும் பின்னடைவுகளை எதிர்கொண்டாலும், நம்பிக்கையுடனும் மிகவும் முக்கியம். வாழ்வில் கடினமான தருணங்களில் கண்டிப்பாக அப்படி இருப்பது சுலபமான காரியமாக இருக்காது. அப்படி இருக்கையில், என்ன உணர்வு உங்களுக்கு எழுகிறதோ அதை நன்றாக உணர வேண்டும். அந்த கடினமான தருணமும் சீக்கிரமே கடந்து போய் விடும் என நம்ப வேண்டும். அப்படி அந்த எண்ணங்களை வளர்த்துக்க்கொள்ள உங்களுக்குள் நீங்கள் நன்றாக பேச வேண்டும், கடினமான தருணங்களில் உங்களுக்கான சிறந்த நண்பராக நீங்கள் இருக்க வேண்டும். 


5.இரக்கமாகவும் கருணையுடனும் இருங்கள்..


மற்றவர்களிடம் கருணையுடனும் அன்புடனும் இருப்பது காதலை உங்கள் பக்கம் ஈர்க்கவல்லது.  இது உங்களைச் சுற்றியுள்ளவர்களை புரிந்து கொள்ளுதல், ஆதரவு தெரிவித்தல் போன்றவற்றில் இருந்து ஆரம்பிக்கும். நீங்கள் மற்றவர்களுக்கு அன்பைக் கொடுக்கும்போது, ​​நீங்கள் அதிக அன்பாக உணருவீர்கள், மேலும் அன்பையும் இரக்கத்தையும் ஈர்க்கத் தொடங்குவீர்கள். இப்படிதான் காதல் ஈர்ப்பு விதி செயல்படுகிறது, அன்பை தாராளமாக கொடுங்கள், நீங்கள் விரைவில் அன்பை ஈர்ப்பீர்கள்.


மேலும் படிக்க | காலை அல்லது மாலை? காபி குடிக்க சரியான சிறந்த நேரம் எது?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ