SBI வழங்கும் அசத்தலான ஹெல்த் எட்ஜ் சுகாதார காப்பீடு; வாய்ப்பை தவற விடாதீர்கள்!

இந்தியாவின் முன்னணி பொதுக் காப்பீட்டு நிறுவனங்களில் ஒன்றான SBI ஜெனரல் இன்சூரன்ஸ், முழுவதுமாக தனிப்பயனாக்கக்கூடிய டிஜிட்டல்-ஒன்லி  என்னும் முழுமையாக டிஜிட்டல் சேவை பெறும் வகையில் 'Health Edge Insurance' திட்டத்தை அறிமுகப்படுத்தியுள்ளது. இந்தக் திட்டத்தில் ஒரு விரிவான காப்பீட்டு திட்டம் அறிமுகப்படுத்தப்பட்டுள்ளது. இதன் மிக முக்கிய அம்சம் என்னெவென்றால், வாடிக்கையாளர் தங்கள் தேவைகளுக்கு ஏற்ப சுகாதார காப்பீட்டுக் கொள்கையை வடிவமைக்க அனுமதிக்கிறது. மேலும் காப்பீட்டு தொகையை பெறுவதில் எந்த சிக்கல்களும் இல்லாமல், உங்களுக்கு சிறந்த அனுபவத்தை கொடுக்கும்.

ஸ்டேட் பேங்க் ஆஃப் இந்தியாவின் (State Bank of India)  இந்த பாலிசியில் ரூ.3 லட்சம் முதல் ரூ.25 லட்சம் வரையிலான வெவ்வேறு தொகை காப்பீட்டு விருப்பங்கள் உள்ளன. நீண்ட கால பாலிசி விருப்பங்கள் 3 ஆண்டுகள் வரை கிடைக்கும். சுகாதார வயதுத் திட்டத்தை வாங்குவதற்கான நுழைவு வயது பெரியவர்களுக்கு 18 நாட்கள் முதல் 65 வயது வரை மற்றும் குழந்தைகளுக்கு 91 நாட்கள் முதல் 30 வயது வரை. ஹெல்த் ஏஜ் இன்சூரன்ஸ் என்பது எஸ்பிஐ ஜெனரலின் டிஜிட்டல்-ஒன்லி  திட்டம் ஆகும், இது ஹெல்த் இன்ஷூரன்ஸ் பாலிசியை வாங்குவதை பயனர்களுக்கு தடையற்ற மற்றும் அதிவேக அனுபவமாக மாற்றுகிறது.

ஹெல்த் எட்ஜ் பாலிசியை வாங்குவது முதல் இழப்பீடு கோருவது வரை முழு செயல்முறையும் டிஜிட்டல் மயமானது. இதற்கு குறைந்தபட்ச ஆவணங்கள் மட்டுமே தேவை. வாடிக்கையாளர்கள் தங்கள் வீட்டில் அமர்ந்து பாலிசி ஆவணத்தை பதிவிறக்கம் செய்யலாம், பிரீமியம் செலுத்தலாம். பாலிசியைப் புதுப்பித்தல், க்ளைம் செய்தல் என பல்வேறு வகையான சேவைகளை  ஆன்லைனில் பெற்றுக் கொள்ளலாம். இதனுடன் மேலும் பல விஷயங்களைச் ஆன் லைன் மூலம் செய்யலாம்.

ஹெல்த் எட்ஜ் காப்பீட்டு திட்டத்தில், மருத்துவமனைக்குச் செல்லும் முன் மருத்துவச் செலவுகள், டேகேர், அவசர சாலை ஆம்புலன்ஸ் பாதுகாப்பு, எடை குறைப்பு அறுவை சிகிச்சை, நவீன சிகிச்சை மற்றும் நடைமுறைகள், ஆயுஷ் சிகிச்சை மற்றும் ஃபிட்னெஸ் தொடர்பான சுகாதாரப் பரிசோதனை ஆகியவை அடங்கும். ஸ்டே ஃபிட் ஹெல்த் செக்கப்பின் கீழ் காப்பீடு பெறும் நபர்கள் பல்வேறு வகையான தோய் தடுப்பு சோதனையின் பலனைப் பெறலாம்.

கூடுதலாக, வாடிக்கையாளர்கள் 18 ஆப்ஷன்களில் இருந்து தேர்வு செய்யலாம். இதில் வீட்டு உதவி/ஊழியர் இழப்பீடு, மருத்துவமனை தினசரி கட்டணம், விபத்து மரண பாதுகாப்பு, அன்லிமிடெட் ரீஃபில்ஸ், கிரிட்டிகல் இல்னஸ் கவர் போன்றவை அடங்கும். புதிய காப்பீட்டின் அறிமுகம் குறித்து எஸ்பிஐ ஜெனரல் இன்சூரன்ஸ் முழு நேர இயக்குநர் ஆனந்த் பெஜாவர் கூறுகையில், “எஸ்பிஐ ஜெனரல் இன்சூரென்ஸ், மாறி வரும்  தேவைகளுக்கு ஏற்ப, வாடிக்கையாளர்களுக்கு  திருப்தியை அதிகரிக்கும் எளிய மற்றும் புதுமையான இடர் தீர்வுகளை வழங்குவதில் நாங்கள் முன்னணியில் உள்ளோம். அனைவருக்கும் மலிவு விலையில் சுகாதார சேவையை வழங்கவும், நாட்டின் அனைத்து மக்களுக்கும் கிடைக்கச் செய்யவும் சுகாதார  காப்பீட்டு திட்டத்தை அறிமுகப்படுத்தியுள்ளோம். இதன் மூலம், மக்களுக்கு விரிவான மற்றும் நெகிழ்வான சுகாதாரக் காப்பீட்டை வழங்குவதன் மூலம், புதுமைப் பயணத்தில் நாங்கள் ஒரு படி முன்னேறி வருகிறோம். இது எங்கள் வாடிக்கையாளர்களுக்கு அவர்களின் தேவைகள் மற்றும் விருப்பங்களுக்கு ஏற்ப திட்டங்களை வடிவமைக்க உதவுகிறது.

ஹெல்த் எட்ஜ் காப்பீட்டு திட்டத்தில் குளோபல் ட்ரீட்மென்ட் கவர் போன்ற பல முக்கியமான காப்பீடுகளும் அடங்கும், இது இந்தியாவிற்கு வெளியே உள்ள நோயாளிகளுக்கு சிகிச்சையளிப்பதற்காக ஏற்படும் மருத்துவச் செலவுகளுக்குச் இழப்பீடு வழங்குகிறது. அலோபதி OPD க்கு செலவழித்த தொகைக்கு உத்தரவாதம் அளிக்கும் OPD கவரும் இதில் அடங்கும். பரிசோதனை மற்றும் மருந்தகம் தொடர்பான செலவுகள் இதில் அடங்கும். இது எங்கள் வாடிக்கையாளர்களுக்கு அவர்களின் தேவைகள் மற்றும் விருப்பங்களுக்கு ஏற்ப அவர்களின் திட்டங்களை தீர்மானிக்கும் சக்தியை வழங்குகிறது. இது ஃப்ளோட்டர் மற்றும் தனிநபர் பாலிசிகள் இரண்டிற்கும் பொருந்தும்.