LIC Dhan Vriddhi Scheme: எல்ஐசியின் சமீபத்திய சலுகையான எல்ஐசி தன் விருத்தி திட்டம், ஒரே பிரீமியம் பாலிசியை விரும்பும் முதலீட்டாளர்களுக்கு அதன் பல நன்மைகள் காரணமாக பெரும் பேசுபொருளாக மாறியுள்ளது.


COMMERCIAL BREAK
SCROLL TO CONTINUE READING

ஒரே கல்லுல இரண்டு மாங்கா...


இந்த திட்டம் 10 வருட பாலிசி காலத்துடன் வருகிறது. ஒரு க்ளோஸ்-எண்ட்ட் பிளான் வகையின் கீழ் வருகிறது. முதலீட்டாளர்கள் 10 முதல் 18 ஆண்டுகள் வரை இந்தத் திட்டத்தில் முதலீடு செய்வதற்கான நெகிழ்வுத்தன்மையையும் கொண்டுள்ளனர். இந்த கவர்ச்சிகரமான திட்டத்தைப் பெறுவதற்கு கடந்த ஜூன் 23 முதல் செப்டம்பர் 30 வரை விண்ணப்பிக்கலாம் என தெரிவிக்கப்பட்டுள்ளது. எனவே புத்திசாலித்தனமாக முதலீடு செய்ய ஆர்வமுள்ளவர்கள் விரைவாக செயல்படவும்.


எல்ஐசி தன் விருத்தி திட்டம் என்பது இணைக்கப்படாத, பங்குபெறாத தனிநபர் சேமிப்புத் திட்டமாகும். இது பாலிசி காலத்தின் போது சேமிப்பு மற்றும் பாதுகாப்பின் இரண்டையும் வழங்கும் வகையில் வடிவமைக்கப்பட்டுள்ளது.


மேலும் படிக்க | LIC ஜாக்பாட் திட்டம்: ஒருமுறை மட்டுமே டெபாசிட்.... வாழ்நாள் முழுவதும் ஓய்வூதியம்


ரூ. 1.5 லட்சம் வரை தள்ளுபடி


இந்தியாவின் அதிகாரப்பூர்வ லைஃப் இன்சூரன்ஸ் இணையதளத்தின்படி, இந்த பாலிசி ரூ.1000 காப்பீட்டுத் தொகைக்கு ரூ.75 வரை கூடுதல் உத்தரவாதத்தை வழங்குகிறது. கூடுதலாக, முதலீட்டாளர்கள் பிரிவு 80-Cஇன் கீழ் வரி விலக்குகளையும் பெற முடியும். இது இன்னும் இந்த திட்டத்தை கவர்ச்சிகரமானதாக மாற்றுகிறது. இந்த வரிச் சலுகையின் மூலம் தகுதியான பாலிசிதாரர்கள் ரூ.1.5 லட்சம் வரை தள்ளுபடியைப் பெறலாம்.


பாலிசிதாரரின் துரதிர்ஷ்டவசமான மரணம் ஏற்பட்டால், எல்ஐசி பயனாளிகளுக்கு இரண்டு ஆப்ஷன்களை வழங்குகிறது. முதல் ஆப்ஷன், பாலிசிதாரருக்கு 1.25 மடங்கு உறுதியளிக்கப்பட்ட தொகையை வழங்குகிறது, இரண்டாவது விருப்பம் 10 மடங்கு உறுதியளிக்கப்பட்ட தொகையை வழங்குகிறது.


கடன் வசதியும் உண்டு


எல்ஐசி தன் விருத்தி திட்டம் 90 நாட்கள் முதல் 8 வயது வரை அல்லது 32 முதல் 60 வயது வரையிலான தனிநபர்களுக்குக் கிடைக்கும். மேலும், முதலீட்டாளர்கள் பாலிசி வெளியிடப்பட்ட 3 மாதங்களுக்குப் பிறகு கடன் வசதியைப் பெறலாம்.


முதிர்வு அல்லது இறப்புக்குப் பிறகு, பாலிசிதாரர் பண வளர்ச்சித் திட்டத்தின் கீழ் ஐந்தாண்டுகளுக்கு மாதாந்திர, காலாண்டு, அரையாண்டு அல்லது வருடாந்திர இடைவெளிகளை வழங்கும் பாலிசி ஆப்ஷனை தேர்வு செய்யலாம். நீண்ட கால செல்வ வளர்ச்சியை விரும்புவோருக்கு, 10, 15 அல்லது 18 ஆண்டுகளுக்கு திட்டங்கள் உள்ளன.


தனித்துவ அம்சம்


இந்தத் திட்டத்தின் தனித்துவமான அம்சங்களில் ஒன்று அதன் சரண்டர் செய்யும் ஆப்ஷன்தான். இது பாலிசி காலத்தின் போது பாலிசிதாரரை எந்த நேரத்திலும் பாலிசியில் இருந்து வெளியேற அனுமதிக்கிறது. பாலிசி முதிர்ச்சியடைந்தவுடன், காப்பீடு செய்தவர் உத்தரவாதமான பலன்களுடன் ஒரு மொத்தத் தொகையைப் பெறுகிறார்.


எல்ஐசி தன் விருத்தி திட்டம் முதலீட்டாளர்கள் தங்கள் நிதி எதிர்காலத்தைப் பாதுகாப்பதற்கான ஒரு சிறந்த வாய்ப்பாகும், இது ஒரே பிரீமியம் பாலிசியுடன் சேமிப்பு மற்றும் பாதுகாப்பின் சரியான கலவையை வழங்குகிறது.


மேலும் படிக்க | LIC Saral: அசத்தலான பென்ஷன் திட்டம்... ஒருமுறை முதலீடு எக்கச்சக்க பலன்கள்!