Weight Loss Tips: உடல் எடையை குறைக்கும் போது இந்த 3 தவறுகளை செய்ய வேண்டாம்!

Weight Loss Tips: தற்போது மாறிவரும் வாழ்க்கை முறை மற்றும் உணவு முறை அதிக உடல் பருமனுக்கு காரணமாகிவிட்டது. பலரும் கூடுதல் எடையை குறைக்க கடுமையான முயற்சிகளை மேற்கொண்டு வருகின்றனர்.  உடல் எடையை குறைக்க பலரும் பல விதங்களில் முயற்சி செய்து வருகின்றனர்.  ஆனால், சில முயற்சிகள் நமக்கே ஆபத்தாக முடியலாம்.  எனவே அதிகரித்து வரும் உடல் எடையைக் குறைக்க நினைத்து, அதற்காகப் பல முயற்சிகளில் இறங்கி உள்ளீர்கள் என்றால், முதலில் சில விஷயங்களை பற்றி தெரிந்து கொள்ளுங்கள். நாம் தெரியாமல் செய்யும் சில தவறுகள் பெரும் ஆபத்தில் கொண்டு போய் சேர்க்கலாம், நீங்கள் தவிர்க்க வேண்டிய சில உடல் எடை இழப்பு தவறுகளை பற்றி தெரிந்து கொள்ளுங்கள்.

உடற்பயிற்சிகள் செய்யும் போது கவனம்

அதிகரித்து வரும் உடல் எடையை குறைக்க பலர் உடற்பயிற்சி செய்கிறார்கள். இருப்பினும், இதற்கான சரியான உடற்பயிற்சிகளை செய்யாமல், பலரும் தவறான முயற்சிகளை கையாள்கின்றனர்.  சரியான உடற்பயிற்சியுடன், சரியான உணவு எடுத்து கொள்ள வேண்டும் மற்றும் குறைந்தது 8 மணிநேரம் நன்கு தூங்க வேண்டும். இல்லையெனில் உங்கள் உடல் உள்ளிருந்து பலவீனமாக மாறும்.  மேலும், உடல் எடையை குறைக்க முயற்சிக்கும்போது பலர் சாப்பிடாமல் பசியுடன் இருக்கிறார்கள், அத்தகைய தவறு பின்னர் விலை உயர்ந்ததாக இருக்கும். சில சமயங்களில் நீண்ட நேரம் சாப்பிடாமல் இருப்பதும், பசி அதிகமாக இருக்கும்போது சாப்பிடுவதும் பிரச்சனைகளை உண்டாக்கும். அத்தகைய சூழ்நிலையில், நீங்கள் அதிகமாக சாப்பிடலாம், இது எடையைக் குறைப்பதற்குப் பதிலாக உங்கள் செரிமான அமைப்பைக் கெடுத்து எடையை அதிகரிக்க செய்யும்.  

உடல் எடை இழப்பு பயணத்தின் போது கார்போஹைட்ரேட் உணவுகளை உட்கொள்வதற்கு பலர் பயப்படுகிறார்கள். இருப்பினும், வீட்டில் சமைத்த சாதம், உப்மா, இட்லி போன்ற கார்போஹைட்ரேட் உணவுகளை உட்கொள்வது உங்கள் உடலுக்கு தீங்கு விளைவிக்காது.  இத்தகைய உணவுகளை சாப்பிடாமல் இருப்பது, உங்கள் ஆற்றல் அளவைக் குறைக்கும் மற்றும் உங்களை சோர்வாக உணர வைக்கும். எடையைக் குறைக்க கலோரிகளை இழப்பது அவசியம். நீங்கள் கலோரிகளை எடுத்துக் கொள்வதை விட அதிக கலோரிகளை இழந்தால் மட்டுமே உடல் எடை குறையும். எனவே, உங்கள் தினசரி ஊட்டச்சத்து உணவுகளை சரியான முறையில் சாப்பிடுவது கைகொடுக்கும்.  

எடை அதிகரிப்பதில் மிகவும் குறைவாக மதிப்பிடப்பட்ட காரணிகளில் ஒன்று மன அழுத்தம். மோசமான உணர்ச்சிகள் உங்கள் வளர்சிதை மாற்றத்தை மெதுவாக்கி உங்களை அதிகமாக சாப்பிட தூண்டலாம். வழக்கமான மன அழுத்தத்துடன், எடையை குறைக்க முயற்சிப்பதும் அதிக மன அழுத்தத்தை ஏற்படுத்தும்.  மேலும், நமது உணவு அல்லது உடற்பயிற்சி திட்டத்தில் சீராக இல்லாதது உடனடியாக நமது எடையை பாதிக்கிறது. சரியான உணவு விதிமுறை இல்லாவிட்டால் உடல் குழப்பமடையலாம். எனவே சாப்பிடுவதற்கு சரியான நேரத்தை திட்டமிடுங்கள்.  அதிகப்படியான உடல் உழைப்பு இருந்தால் உடல் எடையை குறைக்க போதுமானது என்று நீங்கள் நினைக்கலாம். ஆனால் அது உண்மை இல்லை. உங்கள் வாழ்க்கை முறை, நீங்கள் என்ன சாப்பிடுகிறீர்கள், உடல் எடையை குறைக்க எவ்வளவு நடவடிக்கை எடுக்கிறீர்கள் என்பதில் கவனம் செலுத்த வேண்டும். கொழுப்பை எரிக்கவும், செயல்பாட்டிற்கான ஆற்றலை உருவாக்கவும் உங்கள் உடலுக்கு ஆரோக்கியமான உணவு தேவைப்படுகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEata2J