நடிகர் விஜய் இப்போது வம்சி பைடிபல்லியின் இயக்கத்தில் வாரிசு படத்தில் நடித்துக் கொண்டிருக்கிறார். சென்னை மற்றும் ஹைதராபாத் உள்ளிட்ட இடங்களில் படப்பிடிப்புகள்  நிறைவடைந்த நிலையில், அடுத்தக்கட்டப் படப்பிடிப்புகள் ஆந்திராவில் நடைபெற இருக்கிறது. இதற்காக சென்னை விமான நிலையம் வந்த விஜய், அங்கிருந்து விமானம் மூலம் விசாகப்பட்டினம் புறப்பட்டார். அவர் சென்னை விமான நிலையத்திற்கு வந்தபோது, விஜயை  அடையாளம் கண்டு கொண்ட ரசிகர்கள் புகைப்படம் மற்றும் வீடியோ எடுத்து டிவிட்டர் உள்ளிட்ட சமூகவலைதளங்களில் பகிர்ந்துள்ளனர்.



COMMERCIAL BREAK
SCROLL TO CONTINUE READING

மேலும் படிக்க | விஜய், அஜித் தவறவிட்ட வாய்ப்பு! பயன்படுத்தி கொண்ட சூர்யா!


அதில், கருப்பு நிறக் கண்ணாடியுடன் மாஸ்க் அணிந்திருக்கும் விஜய், டிக்கெட்டை எடுத்துக் கொண்டு டிக்கெட் பரிசோதிக்கும் பகுதிக்கு செல்கிறார். அங்கு கூட்டமாக இருந்ததால், அனைவருடனும் வரிசையில் காத்திருக்கிறார். இதனையும் அவரது ரசிகர்கள் புகைப்படமாக எடுத்து, இணையத்தில் பகிர்ந்து வருகின்றனர். தற்போது இந்த புகைப்படமும், வீடியோவும் இணையத்தில் வைரலாகி வருகிறது.  பீஸ்ட் படத்தை முடித்தவுடன் நடிகர் விஜய், இயக்குநர் வம்சி பைடிபல்லியுடன் கூட்டணி சேர்ந்தார். ஏற்கனவே தோழா மற்றும் பிருந்தாவன் உள்ளிட்ட வெற்றிப் படங்களை இயக்கிய அவரின் கதை பிடித்திருந்ததால், இதில் நடிக்க ஒப்புக் கொண்டார்.



அவரைத் தொடர்ந்து நாயகியாக ராஷ்மிகா மந்தனா படக்குழுவில் இணைந்தார். சரத்குமார், பிரகாஷ் ராஜ், ஷியாம் உள்ளிட்ட முக்கிய நட்சத்திரங்களும் வாரிசு படத்தில் நடிக்கின்றனர். ஆக்ஷன், காதல், சென்டிமென்ட் மற்றும் பைட் என எல்லாம் கலந்த கலவையாக வாரிசு படம் உருவாகிக் கொண்டிருக்கிறதாம். சரத்குமார் அண்மையில் அளித்த பேட்டில் ஒன்றில் இந்த தகவலை பகிர்ந்து கொண்டார். அடுத்த ஆண்டு பொங்கலுக்கு படத்தை வெளியிட படக்குழு முடிவு செய்துள்ளது. அதற்கேற்ப அனைத்து ஷெட்யூல் ஷூட்டிங் பணிகளும் திட்டமிடப்பட்டுள்ளது. வாரிசு படத்தின் போஸ்ட் புரொடக்ஷன் பணிகளும் தொடங்கிவிட்டதாம். 


மேலும் படிக்க | வாரிசு படத்தின் அப்டேட்டுகளை அள்ளி வீசிய சரத்குமார் 


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.


முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ