மலைவாழ் மக்களுக்கு ஆம்புலன்ஸ் வாங்கிக்கொடுத்த KPY பாலா!

கல்வராயன் மலைப்பகுதி மக்களின் நீண்ட நாள் கனவை புதிய ஆம்புலன்ஸ் வாங்கி கொடுத்து நிறைவேற்றிய KPY பாலாவுக்கு கண்ணீருடன் நன்றி கூறிய மலை கிராம மக்கள் நெகிழ்ச்சி அடைந்த பாலா. 

கள்ளக்குறிச்சி மாவட்டம் கல்வராயன் மலை பகுதியில் உள்ள மேல்பாசேரி ஊராட்சிக்குட்பட்ட கிடார் பட்டிவளவு மனப்பாச்சி துரங்கூர் ஆகிய பகுதியில் வாழும் மலை கிராம மக்களுக்கு திடீரென காய்ச்சல் பாம்பு தேள் போன்ற விஷப் பூச்சிகள்  கடித்தால் கள்ளக்குறிச்சி மற்றும் சங்கராபுரம் செல்ல வேண்டிய நிலை உள்ளது. இதையடுத்து, கடந்த சில வருடங்களாக ஆம்புலன்ஸ் வசதி இல்லாமல் இவர்கள் தவித்து வருவதாகவும் ஒரு சில நேரங்களில் கள்ளக்குறிச்சி மற்றும் சங்கராபுரம் பகுதிக்கு மருத்துவமனைக்கு அழைத்து செல்லும்போது ஆம்புலன்ஸ் வசதி இல்லாததால் பல உயிரிழப்புகள் ஏற்படுவதாகவும் மக்கள் புகார் தெரிவித்தனர். இந்த உயிரிழப்புகள் வாடிக்கையான ஒன்றாக மாறியதை தொடர்ந்து, இதனை அறிந்த சினிமா நடிகரும் சமூக சேவகரும் மற்றும் சினிமா நிகழ்ச்சி வர்ணனையாளருமான kpy பாலா அவர்களுக்கு உதவி செய்துளார். 

அவர், கல்வராயன் மலைக்கு நேரில் சென்று அப்பகுதி மக்களின் நீண்ட நாள் கோரிக்கையான புதிய ஆம்புலன்ஸ் ஒன்றை வாங்கி கொடுத்துள்ளார். இந்நிலையில் எங்களுடைய நீண்ட நாள் கனவினை நிறைவேற்றித் தந்த கே.பி.ஒய் பாலா அவர்களுக்கு கல்வராயன் மலைப்பகுதி வாழும் மலை கிராம மக்கள் மனம் உருகி கண்ணீருடன் நன்றி தெரிவித்துக் கொண்டனர். உதவி என்றவுடன் சென்னையில் இருந்து ஓடோடி வந்து கல்வராயன் மலைப்பகுதி மக்களுக்கு புதிய ஆம்புலன்ஸ் ஒன்றை வாங்கி கொடுத்த கே பி ஒய் பாலா அவர்களை அப்பகுதி மக்கள் மட்டுமல்லாமல் சமூக ஆர்வலர்கள் பல்வேறு தரப்பு மக்களும் பாராட்டிய வருகின்றனர்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!