என் பிறந்தநாளை கொண்டாட வேண்டாம் -ரஜினிகாந்த் வேண்டுகோள்

தமிழக முன்னாள் முதல்- அமைச்சர் ஜெயலலிதா உடல்நலக்குறைவால் கடந்த 5-ம் தேதி காலமானார். அதேபோல 7-ம் தேதி மூத்த பத்திரிகையாளர் சோ ராமசாமி அவர்கள் அதிகாலை சென்னையில் காலமானார். இருவருக்குமே அரசியல் கட்சி தலைவர்கள், முக்கிய பிரமுகர்கள், பொதுமக்கள் அஞ்சலி செலுத்தினர்.

இந்நிலையில் வருகிற 12 ந்தேதி  நடிகர் ரஜினிகாந்தின் பிறந்த நாள் வருகிறது. தலைவரின் பிறந்தநாளை முன்னிட்டு ரசிகர்கள் போஸ்டர்கள், பேனர்கள் வைப்பார்கள். மேலும் அன்னதானம், ரத்ததானம் என நல்ல காரியங்களாக செய்வார்கள்.

இந்நிலையில் ரஜினிகாந்த் தரப்பில் ஒரு வேண்டுகோள் அறிக்கை விடுக்கப்பட்டுள்ளது. அந்த அறிக்கையில் கூறப்பட்டுள்ளதாவது:-  டிசம்பர் 12-ம் தேதி எனது பிறந்த நாளை ரசிகர்கள் கொண்டாட வேண்டாம். பேனர்கள், போஸ்டர்கள் வைப்பதை தவிர்க்க வேண்டும் என்று ரசிகர்களுக்கு வேண்டுகோள் விடுத்து உள்ளார்.