`இளமை இதோ இதோ’ : ஸ்டைலாக புத்தாண்டு வாழ்த்துக்களை தெரிவித்தார் இசைஞானி இளையராஜா
சமீப காலமாக தனது ட்விட்டர் பக்கத்தில் ஆக்டிவாக இருப்பதோடு தனது வழக்கமான அப்டேட்களை பதிவு செய்து ரசிகர்களை உற்சாகப்படுத்தி வருகிறார் இளையராஜா.
இசையின் மாஸ்ட்ரோ இளையராஜா தான் இசை அமைத்த பாடலின் வரிகளை பாடி தனது ரசிகர்களுக்கு "ஆங்கில புத்தாண்டு" வாழ்த்தை தெரிவித்துள்ளார். அவர் பாடிய அந்த பாடல் சகலகலா வல்லவன் படத்தில் இடம் பெற்றுள்ளது. அந்தப்படத்தில் இடம்பெற்றுள்ள "நியூ இயர்" பாடல் தான் அது.
சமீப காலமாக தனது ட்விட்டர் பக்கத்தில் ஆக்டிவாக இருப்பதோடு தனது வழக்கமான அப்டேட்களை பதிவு செய்து ரசிகர்களை உற்சாகப்படுத்தி வருகிறார் இளையராஜா (Ilayaraja). இன்று தனது சமூக வலைத்தளத்தில், கமல்ஹாசனின் "சகலகலா வல்லவன்" படத்தில் இடம் பெற்ற, பெரும் வரவேற்பை பெற்ற பாடலான "இளமை இதோ இதோ" பாடலைப் பாடியுள்ளார். பாடல் பாடத் தொடங்குவதற்கு முன்பே தனது இளையராஜா ரசிகர்களுக்கு "புத்தாண்டு வாழ்த்துக்களை" தெரிவித்துள்ளார்.
பல தசாப்தங்களாக தனது இசையால் அனைவரையும் கட்டிப்போட்டு இருக்கும் இசையின் மாஸ்ட்ரோவான இசையமைப்பாளர் இளையராஜா, உடல்நலக்குறைவு காரணமாக சென்னையில் உள்ள ஒரு தனியார் மருத்துவமனையில் அனுமதிக்கப்பட்டுள்ளதாகக் கூறப்பட்ட நிலையில், இந்த ட்வீட் மூலம், அவரது உடல்நிலை குறித்த வதந்திகளுக்கும் முற்றுப்புள்ளி வைத்துள்ளார்.
ஒவ்வொரு வருடமும் பக்திபூர்வமாக புத்தாண்டைக் கொண்டாடுவதற்கு கோவிலுக்கு செல்லும் இசைஞானி இளையராஜா, இன்று திருவண்ணாமலை அருணாசலேஸ்வரர் கோவிலுக்கு செல்கிறார். நாளை (ஜனவரி 1) காலை மதுரை மீனாட்சி அம்மனை தரிசித்துவிட்டு, மீண்டும் சென்னை திரும்புகிறார்.
தற்போது இளையராஜா விஜய் சேதுபதியின் (Vijay Sethupathi) "மா மனிதன்" படத்திற்கு இசையமைத்து வருகிறார். மேலும் அவர் தனது மகனும் இசையமைப்பாளருமான யுவன் ஷங்கர் ராஜாவுடன் இணைந்து ஒரு படத்திற்கு இசையமைக்கவுள்ளார். இது தவிர "விடுதலை”, "துப்பறிவாளன் 2" உட்பட சில படங்களையும் தன்வசம் வைத்துள்ளார்.
இளைஞர்களுக்கான துடிப்புடன் இளையராஜா புத்தாண்டு வாழ்த்துக்களை பகிர்ந்துள்ள வீடியோவால் அவரது ரசிகர்கள் மிகுந்த மகிழ்ச்சியில் உள்ளன.
இளையராஜாவின் வாழ்த்துக்களால் பலர் நெகுழ்ச்சியடைந்துள்ள நிலையில், நடிகர் கமல்ஹாசனும் (Kamal Haasan) இது குறித்து தனது கருத்தை தெரிவித்துள்ளார்.
ALSO READ | Vijay Sethupathi: பல அவதாரங்களில் புத்தாண்டுக்கு வாழ்த்து கூறும் விஜய் சேதுபதி
ALSO READ | RRR Movie: ’விஜய் எனக்கு வழிகாட்டி’ நெகிழும் ஜூனியர் என்.டி.ஆர்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR