ஆரவ் திருமணத்தைப் பற்றி மனம்திறந்த ஓவியா...இப்படி சொல்லிட்டாங்களே!

கமல்ஹாசன் தொகுத்து வழங்கிய 'பிக் பாஸ்' சீசன் ஒன்றிலிருந்து  நடிகை ஓவியா ஒரு பெரிய நட்சத்திரமாக உருவாக்கினார். முக்கியமாக அவரது நேரடியான அணுகுமுறை காரணமாக. அதே நேரத்தில் அவரும் பிக் பாஸ் (Bigg Boss Tamil) வெற்றியாளருமான ஆரவ் சம்பந்தப்பட்ட ஒரு காதல் கோணமும் இருந்தது, இது ஓவியாவுக்கு மனச்சோர்வு ஏற்பட்டு நிகழ்ச்சியிலிருந்து பாதியிலிருந்து வெளியேறுவதற்கு ஒரு காரணமாக அமைந்தது.

ஒவியாவும் ஆரவும் அவ்வப்போது ஒன்றாக வாழ்வதாக வதந்திகள் பரவியது, அவர்கள் வெளிநாட்டில் விடுமுறைக்கு  சென்ற பல புகைப்படங்களை சமூக ஊடகங்களில் பகிர்ந்து கொண்டனர். இருப்பினும் இந்த இரண்டு பிரபலங்களும் தாங்கள் நல்ல நண்பர்கள் என்று தெரிவித்து வந்தனர். 

பிறந்தநாள் கொண்டாட்டங்கள், சுற்றுலா செல்வது என சுற்றித் திரிந்த ஆர்வ் - ஓவியா பற்றி காதல் வதந்திகளும் சுற்றின. ஆனால் இதற்கு முற்றுப்புள்ளி வைக்கும் விதமாக நடிகர் ஆரவ், ‘ஜோஷ்வா: இமைபோல் காக்க’ படத்தின் ஹீரோயின் ராஹேவை கடந்த செப்டம்பர் மாதத்தில் திருமணம் செய்து கொண்டார். இந்த திருமணத்தில் ஆர்வ் உடன் பிக்பாஸ் நிகழ்ச்சியில் கலந்து கொண்ட போட்டியாளர்கள் அனைவரும் கலந்து கொண்டனர். ஆனால் ஓவியா மட்டும் கலந்து கொள்ளவில்லை.

இந்நிலையில் இன்ஸ்டாகிராமில் லைவ் வந்த ஓவியாவிடம் ஆரவ்வின் திருமணத்தில் ஏன் கலந்து கொள்ளவில்லை என்று ரசிகர் ஒருவர் கேள்வி எழுப்பியுள்ளார். அதற்கு பதிலளித்த ஓவியா, ஆரவ்வின் திருமணத்தை நினைத்து மிகவும் மகிழ்ச்சியாக இருக்கிறது. அப்போது நான் கேரளாவில் இருந்ததால் தான், திருமணத்தில் கலந்து கொள்ள முடியவில்லை. எங்கள் இருவருக்குள் என்ன இருந்ததோ அது முடிந்துவிட்டது. இப்போது அவருக்கென ஒரு அழகான வாழ்க்கை அமைந்திருக்கிறது. இனி மீண்டும் அதைப்பற்றி கேட்காதீர்கள்” என்று கூறியுள்ளார்.

View this post on Instagram

A post shared by Oviya (@happyovi) on Nov 2, 2020 at 8:14am PST

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR