இந்த ஆண்டின் இறுதிக் கொண்டாட்டங்களை இனிமையாக்கும் வகையில், இந்தியாவின் முன்னணி ஸ்ட்ரீமிங் தளமான டிஸ்னி+ ஹாட்ஸ்டார், இயக்குநர் ராம்குமார் பாலகிருஷ்ணனின் அதிரடி டிராமா திரைப்படமான 'பார்க்கிங்' திரைப்படத்தை டிசம்பர் 30 முதல் ஸ்ட்ரீம் செய்யவுள்ளதாக அறிவித்துள்ளது. 


COMMERCIAL BREAK
SCROLL TO CONTINUE READING

நடிகர்கள் ஹரிஷ் கல்யாண், இந்துஜா மற்றும் எம்.எஸ்.பாஸ்கர் ஆகியோர் முன்னணி பாத்திரங்களில்  நடித்துள்ள இப்படம், தங்கள் வீட்டின் முன் வாகனம் நிறுத்தும் இடத்திற்காக சண்டையிட்டுக்கொள்ளும் இரண்டு  மனிதர்களைச் சுற்றி நிகழும், ஒரு இறுக்கமான, மிக யதார்த்தமான கதையைச் சொல்கிறது. ஒரு அழுத்தமான கதையை  பொழுதுபோக்கு வகையில் அழகாக சொல்லியுள்ள இந்தப் படம், பார்வையாளர்கள் தங்கள் வாழ்வில் நிச்சயம் சந்தித்திருக்கும் இதே போன்ற நிகழ்வுகளை நினைவுபடுத்தும் வகையில், மிக அற்புதமான படைப்பாக அமைந்துள்ளது.


மேலும் படிக்க | விஜயகாந்திற்கு அஞ்சலி செலுத்த வந்த விஜய்-செருப்பை தூக்கியடித்த மர்ம நபர்கள்!


பார்க்கிங் படத்திற்கு இசையமைப்பாளர் சாம் சி எஸ் இசையமைத்துள்ளார், ஜிஜு சன்னி ஒளிப்பதிவு செய்துள்ளார். படத்திற்கு எடிட்டிங் பிலோமின் ராஜ் செய்துள்ளார் மற்றும் கலை இயக்கத்தினை N K ராகுல் செய்துள்ளார். டிசம்பர் 30 முதல் டிஸ்னி+ ஹாட்ஸ்டார் தளத்தில் பார்க்கிங் படத்தை கண்டுகளியுங்கள்.


பார்க்கிங் படத்திற்கு கிடைத்த விமர்சனங்கள்..


தமிழ் சினிமாவில், இந்த 2023ஆம் ஆண்டில் பல நல்ல படங்கள் வெளியாகின. அதிலும் குறிப்பாக புதுமுக இயக்குநர்களின் படங்களுக்கு நல்ல வரவேற்பு கிடைத்தது. பார்க்கிங் படத்தையும் புதுமுக இயக்குநர் ராம்குமார் பாலகிருஷ்ணன் இயக்கியிருந்தார். குறைவான பட்ஜெட்டில் எடுக்கப்பட்டிருந்த இந்த படத்திற்கு ரசிகர்கள் நல்ல விமர்சனங்களை கொடுத்தனர். படம், நல்ல எமோஷனல் த்ரில்லராக இருப்பதாகவும் கண்டிப்பாக சாமானிய மனிதர்களுடன் இப்படம் கனெக்ட் ஆகும் என்றும் கூறப்பட்டது. சுய மரியாதைக்கும் ஈகோவிற்கும் இடையே இருக்கும் மெல்லிய கோட்டை தாண்டினால் என்னவாகும் என்பதற்கு சிறந்த எடுத்துக்காட்டாக இப்படம் இருந்தது. 


டிஸ்னி+ ஹாட்ஸ்டார் ஒரு முன்னணி ஸ்ட்ரீமிங் ஓடிடி தளமாகும். இது இந்தியாவில் பொழுதுபோக்கு, திரைப்படங்கள், தொலைக்காட்சி நிகழ்ச்சிகள், விளையாட்டு மற்றும் வெற்றிகரமாக ஸ்ட்ரீம் செய்யும் மற்ற அனைத்து நிகழ்ச்சிகளையும் வழங்கி, மக்கள் பார்க்கும் விதத்தில் ஒரு புதிய புரட்சியை ஏற்படுத்தியுள்ளது. டிஸ்னி+ ஹாட்ஸ்டார் தளமானது சுமார் 8 மொழிகளில் 1,00,000 தொலைக்காட்சி நிகழ்ச்சிகள், திரைப்படங்கள் மற்றும் விளையாட்டு தொடர்பான ஸ்லாட்டுகளை உலகம் முழுவதிலிருந்து வழங்கி வருகிறது.


ஹரிஷ் கல்யாணின் அடுத்த படம்..


நடிகர் ஹரிஷ் கல்யாண், சுமார் 13 ஆண்டுகளுக்கும் மேலாக திரையுலகில் உள்ளார். மெல்ல மெல்ல சினிமா படிகளை ஏறிய நடிகர்களுள் இவரும் ஒருவர். இவருக்கு, பிக்பாஸ் நிகழ்ச்சி நல்ல திருப்புமுனையாக இருந்தது. 


இவர் நடிப்பில் இதுவரை வெளியாகியுள்ள தாராள பிரபு, பியார் பிரேமா காதல், இஸ்பேட் ராஜாவும் இதயராணியும் உள்ளிட்ட படங்கள் ரசிகர்கள் மத்தியில் நல்ல வரவேற்பினை பெற்றன. தோனி தயாரிப்பில் வெளியான லெட்ஸ் கெட் மேரிட் படமும் இந்த ஆண்டு வெளியானது. பார்க்கிங் படமும் இவருக்கு நல்ல வரவேற்பினை பெற காரணமாக இருந்தது.  ஹரீஷ், அடுத்து நூறு கோடி வானவில், டீசல், ரப்பர் பந்து உள்ளிட்ட படங்களில் நடித்து வருகிறார். 


மேலும் படிக்க | விஜயகாந்த் கடைசியாக நடித்த படம்..பேசிய டைலாக்..வைரலாகும் வீடியோ!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ