நாக சைதன்யாவுடன் மீண்டும் இணையும் சமந்தா?

திரைத்துறையில் நட்சத்திர தம்பதிகளாக இருந்த நாக சைதன்யாவும், சமந்தாவும் திருமண பந்தத்தில் இருந்து விலகுவதாக கடந்த ஆண்டு அறிவித்தனர். அவர்களின் அறிவிப்பு திரைத்துறையில் அதிர்ச்சியை ஏற்படுத்திய நிலையில், இருவரும் தங்களின் படங்களில் கவனம் செலுத்தி வருகின்றனர்.

தமிழில் ‘காத்து வாக்குல ரெண்டு காதல்’ என்ற படத்தில் விஜய் சேதுபதி, நயன்தாராவுடன் சேர்ந்து நடித்திருக்கும் சமந்தா மற்ற மொழி படங்களிலும் பிஸியாக நடித்து வருகிறார். இந்நிலையில், திடீரென நாகசைதன்யாவுடன் இருக்கும் புகைப்படத்தை நடிகை சமந்தா ஏப்ரல் 5 ஆம் தேதி தன்னுடைய இன்ஸ்டாகிராம் பக்கத்தில் பகிர்ந்துள்ளார். அவர்கள் இருவரும் ஷிவா நிர்வாணாவின் மஜிலி திரைப்படத்தில் ஜோடியாக நடித்தனர்.

காதல் கதையம்சத்தைக் கொண்ட இந்த திரைப்படம் இவர்களின் நடிப்பில் பிளாக்பஸ்டர் ஹிட்டானது. இப்படம் வெளியாகி கடந்த ஏப்ரல் 5 ஆம் தேதியுடன் மூன்று ஆண்டுகளை நிறைவு செய்கிறது. இதனையொட்டி நாகசைதன்யாவுடன் இருக்கும் புகைப்படத்தை சமந்தா பகிர்ந்துள்ளார். இதனால், சைதன்யாவுடன் இருந்த மனக்கசப்பு முடிவுக்கு வந்துவிட்டதாக தெரிகிறது. 

சமந்தாவும், நாக சைதன்யாவும் 2010-ல் இயக்குனர் கௌதம் மேனனின் ’ஏ மாயா செசாவே’ படப்பிடிப்பில் ஒருவரையொருவர் சந்தித்தனர். பின்னர் காதலிக்க தொடங்கிய அவர்கள், 2017 ஆம் ஆண்டு கோவாவில் பிரம்மாண்டமாக திருமணம் செய்து கொண்டனர். 5 ஆம் ஆண்டு திருமண நாள் நெருங்கிய நிலையில், அதாவது கடந்த ஆண்டு அக்டோபர் 2 ஆம் தேதி இருவரும் பிரிவதாக ஒன்றாக அறிவித்தனர். தற்போது பரஸ்பர சம்மதத்துடன் விவாகரத்துகோரி இருவரும் தாக்கல் செய்த மனுக்கள் மீதான சட்டநடைமுறைகள் நடைபெற்று வருகின்றன. 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR