அண்ணாத்த திரைப்படத்திற்கு பிறகு கொஞ்சம் இடைவெளி விட்ட சூப்பர் ஸ்டார் ரஜினிகாந்த், அடுத்ததாக நெல்சன் திலீப்குமார் இயக்கத்தில் நடிக்க இருக்கிறார். ஜெய்லர் என டைட்டில் வைக்கப்பட்ட இப்படத்தை சன்பிக்சர்ஸ் நிறுவனம் தயாரிக்கிறது. பிரம்மாண்டமாக உருவாக இருக்கும் ஜெய்லர் படத்தின், திரைக்கதையை மிக மிக சுவாரஸ்யமாக இருக்கும் வகையில் வடிவமைத்திருக்கிறார் இயக்குநர் நெல்சன். கோலமாவு கோகிலா மற்றும் டாக்டர் திரைப்படங்கள் அடுத்தடுத்து வெற்றி பெற்றதால், பீஸ்ட் திரைப்படத்தை இயக்கும் வாய்ப்பை பெற்றார். சன்பிக்சர்ஸ் தயாரிப்பில் விஜய் நடித்த அந்தப் படம் வசூல் ரீதியாக லாபமாக இருந்தாலும், பெரும் விமர்சனங்களை சந்தித்தது.


COMMERCIAL BREAK
SCROLL TO CONTINUE READING

இந்தப் படத்தின் ரிலீஸூக்கு முன்பே நெல்சன் திலீப்குமாரை தேர்ந்தெடுத்துவிட்டார் ரஜினி. சன்பிக்சர்ஸ் நிறுவனமும் அதிகாரப்பூர்வமாக படத்தின் காம்போவை அறிவித்தது. ஆனால், பீஸ்ட் படம் எதிர்பார்த்த அளவுக்கான வரவேற்பை பெறாததால், ஜெய்லர் படம், அறிவிக்கப்பட்டபடி தொடங்கப்படுமா? என்ற கேள்வி எழுந்தது. விமர்சனங்களை பொருட்படுத்ததாத சன்பிக்சர்ஸ் மற்றும் ரஜினி ஆகியோர், ஜெயிலர் படத்தின் வேலைகளை கவனிக்குமாறு நெல்சனிடம் அறிவுறுத்தினர். நெல்சன் திலீப்குமாரும், படத்திற்கான வேலைகளை படுமும்முரமாக கவனித்து வந்தார். தற்போது ப்ரீ புரொடக்ஷன் பணிகள் நிறைவடைந்திருப்பதால், சூட்டிங் விரைவில் தொடங்க இருக்கிறது.  சென்னை மற்றும் ஹைதராபாத்தில் பிரம்மாண்ட செட்கள் அமைக்கப்பட்டிருக்கின்றன.


மேலும் படிக்க | கார்த்தியின் அடுத்த படத்தை இயக்கப்போவது இவரா?


ஓய்வு பெற்ற ஜெயிலர் கதாப்பாத்திரத்தில் ரஜினிகாந்த் நடிக்கிறார். பிரியங்கா அருள்மோகன் மற்றும் யோகிபாபு ஆகியோரும் முக்கிய கதாப்பாத்திரங்களில் நடிக்க இருக்கின்றனர். சர்பிரைஸாக நடிகை ரம்யா கிருஷ்ணன், ஜெயிலர் படத்தில் இணைந்துள்ளார். சூப்பர் ஸ்டார் ரஜினிகாந்துடன் படையப்பா படத்தில் நடித்திருந்தார். இந்தப் படம் மெஹா ஹிட் அடித்திருந்தது. அந்தப் படத்திற்குப் பிறகு இருவரும் இந்தப் படத்தில் இணைந்துள்ளதால் எதிர்பார்ப்பு ஏற்பட்டுள்ளது. 


மேலும் படிக்க | முதலில் தெருக்குரல் அறிவு இப்போ ராஜலட்சுமி: தமிழ் சினிமாவில் தலைதூக்கும் Nepotism?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ