தேசிய விருது பெற்ற ‘பாரம்’ படத்தின் டீஸர் வெளியானது!!

இயக்குனர் வெற்றிமாறன் வழங்கும் 'பாரம்' திரைப்படத்தின் டீஸர் வெளியாகியுள்ளது.

பிரியா கிருஷ்ணசாமி இயக்கத்தில் உருவாகியுள்ள திரைப்படம் ‘பாரம்'. இந்த திரைப்படத்தை நடிகை அர்த்ரா ஸ்வரூபுடன் இணைந்து பிரியா கிருஷ்ணசாமி Reckless Roses எனும் பேனரில் தயாரித்துள்ளார். கலாச்சாரத்தை மையமாக வைத்து இந்த படம் எடுக்கப்பட்டுள்ளது. இப்படத்தில் முக்கிய கதாப்பாத்திரங்களில் ஆர்.ராஜு மற்றும் சுகுமார் நடித்துள்ளனர்.

2018-ஆம் ஆண்டு நிறைவு பெற்ற இப்படம் கோவாவில் நடைபெற்ற 49-வது சர்வதேச திரைப்பட விழாவில் முதலில் திரையிடப்பட்டது. அப்போது அதில்,சிறந்த திரைப்படத்திற்கான தேசிய விருதை ‘பாரம்' திரைப்படம் பெற்றது. அதன் மூலம் 66-வது தேசிய திரைப்பட விருதுகளில் வென்ற ஒரே தமிழ் படம் என்ற பெருமையையும் இந்த படம் பெற்றது.

இந்நிலையில், இப்படத்தின் டீஸர் தற்போது வெளியாகியுள்ளது. இப்படத்தை வெற்றிமாறனின் கிராஸ் ரூட் ஃபில்ம் கம்பெனி வழங்குகிறது. இப்படம் விரைவில் வெள்ளித்திரையில் வெளியாகவுள்ளது குறிப்பிடத்தக்கது. \

உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.