தளபதி 68 படத்தின் இயக்குனர் இவரா? மாஸ் அப்டேட்டால் குஷியில் ரசிகர்கள்!

ராஜா ராணி படத்தின் மூலம் ரசிகர்களின் கவனத்தை ஈர்த்த இயக்குனர் அட்லீ, நடிகர் விஜய்யை வைத்து அடுத்தடுத்து தெறி, மெர்சல் மற்றும் பிகில் போன்ற படங்களை இயக்கினார்.  அட்லீ-விஜய் கூட்டணியில் தமிழில் வெளியான படங்களுக்கு ரசிகர்களுக்கு நல்ல வரவேற்பு கிடைத்துள்ளது.  தற்போது இயக்குனர் அட்லீ பாலிவுட்டில் ஷாருக்கானை வைத்து 'ஜவான்' படத்தை இயக்கி வருகிறார், இப்படத்தில் ஷாருக்கானுக்கு ஜோடியாக நயன்தாரா நடிக்க, விஜய் சேதுபதி, ப்ரியாமணி மற்றும் யோகி பாபு போன்ற பல நட்சத்திரங்கள் முக்கியமான கதாபாத்திரத்தில் நடிக்கின்றனர்.  இந்நிலையில் 'ஜவான்' படத்தை முடித்த கையோடு இயக்குனர் அட்லீ, நடிகர் விஜய்யை வைத்து ஒரு புதிய படத்தை எடுக்கப்போவதாக செய்திகள் வெளியாகியுள்ளது.

அட்லீ - விஜய் கூட்டணியில் மீண்டும் உருவாகவுள்ள படத்திற்கு தற்காலிகமாக 'தளபதி 68' என்று பெயர் வைக்கப்பட்டுள்ளது.  இந்த படம் இரண்டு மொழிகளில் உருவாகவுள்ளதாக செய்திகள் வெளியாகியுள்ளது, இதற்கு முன்னர் இந்த ஆண்டு விஜய் நடிப்பில் வெளியான 'வாரிசு' படமும் இருமொழி படமாக வெளிவந்தது.  அட்லீ-விஜய் கூட்டணியில் உருவாகும் படத்தை தெலுங்கு திரையுலகின் புகழ்பெற்ற தயாரிப்பு நிறுவனமான மைத்ரி மூவி மேக்கர்ஸ் தயாரிப்பதாக தகவல்கள் வெளியாகியுள்ளது.  அல்லு அர்ஜுன் நடிப்பில் வெளியான 'புஷ்பா' படத்தை தயாரித்திருந்த இந்த தயாரிப்பு நிறுவனம் விஜய் படத்தின் மூலம் தமிழ் திரையுலகில் என்ட்ரியாக இருக்கிறது.  தற்போது வெளியாகியுள்ள தகவலின்படி, தயாரிப்பு நிறுவனம் இயக்குனர் அட்லீ மற்றும் நடிகர் விஜய்யிடம் பேச்சுவார்த்தை நடத்தியிருப்பதாகவும், விரைவில் படத்திற்கான அதிகாரபூர்வ அறிவிப்பு வெளியாகும் என்றும் கூறப்படுகிறது.

தற்போது நடிகர் விஜய், லோகேஷ் கனகராஜ் இயக்கத்தில் 'லியோ' படத்தில் நடித்து வருகிறார்.  செவன் ஸ்க்ரீன் ஸ்டுடியோஸ் நிறுவனம் தயாரிக்கும் இந்த படத்தில் திரிஷா, அர்ஜுன், கெளதம் வாசுதேவ் மேனன், மிஷ்கின், மேத்யூ தாமஸ், ப்ரியா ஆனந்த், சாண்டி, பிக்பாஸ் ஜனனி போன்ற பல நட்சத்திரங்கள் நடித்துள்ளனர்.  இப்படத்திற்கு அனிருத் இசையமைக்கிறார்.  அட்லீ தெலுங்கில் ஜுனியர் என்டிஆர்-ஐ வைத்து இயக்க இருப்பதாக தகவல்கள் வெளியானது.  அது குறித்தும் விரைவில் அப்டேட் வெளியாக உள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ