2024 ஆம் ஆண்டில் நிறைய படங்கள் வெளியாகி அதிக வசூலையும், பெரிய நஷ்டத்தையும் சந்தித்துள்ளது. அதிகம் எதிர்பார்க்கப்பட்ட பெரிய படங்கள் தோல்வியை சந்தித்த நிலையில், எந்தவித எதிர்பார்ப்பும் இல்லாமல் வெளியான சில சிறிய படங்கள் அதிக வசூலை பெற்றது. அந்த வகையில் 2024 ஆம் ஆண்டு அதிக வசூல் செய்த டாப் 10 திரைப்படங்களைப் பற்றி பார்ப்போம்.


COMMERCIAL BREAK
SCROLL TO CONTINUE READING

மேலும் படிக்க | 2024-ல் பெரிதும் ஏமாற்றமளித்த 2 தமிழ் படங்கள்! ஒன்னு கங்குவா..இன்னொன்னு எது?


The GOAT


வெங்கட் பிரபு இயக்கத்தில் ஏஜிஎஸ் நிறுவனம் தயாரிப்பில் வெளியான விஜய்யின் கோட் படம் அதிக வசூல் செய்து இந்த பட்டியலில் முதலிடத்தில் உள்ளது. செப்டம்பர் மாதம் வெளியான இப்படம் பல திரையரங்குகளிலும் நம்பர் ஒன் இடத்தை பிடித்துள்ளது.


அமரன்


சிவகார்த்திகேயன் ராஜ்குமார் பெரியசாமி கூட்டணியில் வெளியான அமரன் படம் மிகப்பெரிய எதிர்பார்ப்புகளுக்கு மத்தியில் வெற்றி அடைந்தது. தீபாவளி பண்டிகையை முன்னிட்டு வெளியான அமரன் படம் பல ரசிகர்களை கவர்ந்தது. கமல் தயாரிப்பில் உருவான இந்த திரைப்படம் அதிக வசூல் செய்த படங்களில் இரண்டாவது இடத்தை பிடித்துள்ளது.


வேட்டையன்


ரஜினிகாந்த் டிஜே ஞானவேல் கூட்டணியில் உருவான வேட்டையன் படம் இரண்டு வகையான விமர்சனங்களை பெற்றது. ஜெய் பீம் என்ற மிகப்பெரிய வெற்றி படத்திற்கு பிறகு ஞானவேல் இயக்கிய வேட்டையன் படம் அனைத்து ரசிகர்களையும் கவர தவறியது. இதனால் சில எதிர்மறை விமர்சனங்களும் வேட்டையின் படத்திற்கு கிடைத்தது. இதனால் இந்த பட்டியலில் மூன்றாவது இடத்தில் உள்ளது ரஜினியின் வேட்டையன் படம்.


மகாராஜா


மகாராஜா படம் விஜய் சேதுபதிக்கு ஒரு கம்பேக் படமாக அமைந்தது. நித்திலன் சுவாமிநாதன் இயக்கத்தில் உருவான மகாராஜா விஜய் சேதுபதிக்கு 50 ஆவது படமாக அமைந்தது. யாரும் எதிர்பார்க்காத விதமாக அதிக வசூல் செய்து சாதனை படைத்தது. தமிழகம் தாண்டி சீனாவிலும் மகாராஜா படம் வசூலை பெற்று வருகிறது. இந்த பட்டியலில் நான்காவது இடத்தை பிடித்துள்ளது.


இந்தியன் 2


கமல்ஹாசன் சங்கர் கூட்டணியில் உருவான இந்தியன் 2 படம் நீண்ட நாட்கள் படப்பிடிப்பில் இருந்து இந்த ஆண்டு வெளியானது. மிகப்பெரிய எதிர்பார்ப்புகளுக்கு மத்தியில் வெளியான இந்தியன் 2 அதிகமான எதிர்மறை விமர்சனங்களை பெற்றது. பலரும் இந்த படத்தை கேலி கிண்டல் செய்தனர். இருப்பினும் 2024 ஆம் ஆண்டு அதிக வசூல் செய்த படங்களில் ஐந்தாவது இடத்தை பிடித்துள்ளது.


ராயன்


தனுஷ் எழுதி இயக்கியிருந்த ராயன் படம் அவரது ஐம்பதாவது படமாக இந்த ஆண்டு வெளியானது. அண்ணன், தம்பி, தங்கை என ஒரு குடும்ப பின்னணியில் உருவான இப்படம் தனுஷ் ரசிகர்களுக்கு ஒரு கொண்டாட்டமாக அமைந்தது. இருப்பினும் அனைத்து ரசிகர்களையும் இப்படம் சென்றடையவில்லை. இதனால் ராயன் ஆறாவது இடம் பிடித்துள்ளது.


அரண்மனை 4


சுந்தர் சி இயக்கத்தில் வெளியான அரண்மனை 4 படம் ஒரு வெற்றி படமாக அமைந்துள்ளது. இதற்கு முன்பு வெளியான அரண்மனை 1 2 3 போன்ற படங்களுக்கு கிடைத்த அதே வரவேற்பு இந்த படத்திற்கும் கிடைத்தது. குறைந்த பட்ஜெட்டில் எடுக்கப்பட்டு, நல்ல வசூலை பெற்று இந்த பட்டியலில் ஏழாவது இடத்தை பிடித்துள்ளது அரண்மனை 4.


கங்குவா


சூர்யா - சிறுத்தை சிவா கூட்டணியில் உருவான கங்குவா படம் மிகப்பெரிய எதிர்பார்ப்புகளுக்கு மத்தியில் வெளியானது. இருப்பினும் படம் வெளியாகி அதிகப்படியான எதிர்மறை விமர்சனங்களை பெற்றது. இது இப்படத்தின் வசூலில் பெரிய அளவில் பாதிப்பை ஏற்படுத்தியது. இருப்பினும் இந்த பட்டியலில் எட்டாவது இடத்தை பிடித்துள்ளது கங்குவா.


அயலான்


சிவகார்த்திகேயன் ரவிக்குமார் கூட்டணியில் உருவான அயலான் படம் நீண்ட நாட்களுக்கு முன்பே வெளியாக இருந்தது. ஆனால் சில பிரச்சனைகள் காரணமாக இந்த ஆண்டு வெளியானது.  படத்தின் மீது பல விமர்சனங்கள் இருந்தாலும் குழந்தைகளை அயலான் படம் வெகுவாக கவர்ந்தது. இதனால் படத்திற்கு நல்ல வசூல் கிடைத்து, இந்த பட்டியலில் ஒன்பதாவது இடத்தை பிடித்துள்ளது.


தங்கலான்


விக்ரம் ரஞ்சித் கூட்டணியில் உருவாகியிருந்த தங்கலான் படம் அதிக எதிர்பார்ப்புகளுக்கு மத்தியில் இந்த ஆண்டு வெளியானது. தேசிய விருது கிடைக்கும் என்று எதிர்பார்க்கப்பட்ட இப்படம் ரசிகர்களை பெரிதாக கவரவில்லை. அதிகமானோருக்கு படம் புரியவில்லை என்று குற்றம் சாட்டி இருந்தனர். இருப்பினும் அதிக வசூல் செய்த படங்களில் பத்தாவது இடத்தை பிடித்துள்ளது தங்கலான்.


மேலும் படிக்க | 2024-ல் பெரிய ஹிட் அடித்த 5 சிறிய பட்ஜெட் தமிழ் படங்கள்! லிஸ்ட் இதோ..


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ