நடிகர் விஜய் நடிப்பில் உருவாகியுள்ள மாஸ்டர் திரைப்படத்தின் வெளியீடு, முழு அடைப்பு காரணமாக ஒத்திவைக்கப்பட்டுள்ள நிலையில் தற்போது இந்த திரைப்படம் Amazon Prime-ல் வெளியிடப்படலாம் என கிசுகிசுக்கப்படுகிறது.


COMMERCIAL BREAK
SCROLL TO CONTINUE READING

சமீபத்திய வதந்தியின் படி, இத்திரைப்படத்தின் ஸ்ட்ரீமிங் உரிமைகளை Amazon Prime வீடியோ வாங்கியுள்ளது. சுவாரஸ்யமாக, தயாரிப்பாளர்களிடமிருந்தோ அல்லது தளத்தின் பக்கத்திலிருந்தோ இதுவரை எந்த உறுதிப்படுத்தலும் இல்லை. 


தளபதியின் நடிப்பில் இறுதியாக வெளியான பிகில் திரைப்படம், அமெரிக்க வீடியோ தளத்தால் கைப்பற்றப்பட்டது. அதேவேளையில் விஜய்யின் முந்தைய வெற்றி திரைப்படங்களான ஒன்ஸ் மோர், குஷி, சிவகாசி போன்றவற்றையும் OTT தளம் கைப்பற்றிய குறிப்பிடத்தக்கது. இந்நிலையில் தற்போது மாஸ்டர் திரைப்படமும் இந்த வரிசையில் இணையலாம் என எதிர்பார்க்கப்படுகிறது.


மிகவும் எதிர்பார்க்கப்படும் மாஸ்டர் விஜய்யின் வாழ்க்கையின் முதல் பன்மொழி திரைப்படமாகும். இந்த படம் தமிழ், தெலுங்கு, கன்னடம், மலையாளம், இந்தி என 5 வெவ்வேறு மொழிகளில் வெளியிடப்பட திட்டமிடப்பட்டுள்ளது.


முன்னதாக இத்திரைப்படம் 2020 ஏப்ரல் 9 அன்று வெளியிட திட்டமிடப்பட்டது. ஆனால், துரதிர்ஷ்டவசமான கொரோனா வைரஸ் தொற்றுநோய் காரணமாக காலவரையின்றி ஒத்திவைக்கப்பட்டது. எனினும், வெளியீட்டு ஒத்திவைப்பால் ஏமாற்றம் அடைந்த ரசிகர்களை மகிழ்விக்க படத்தின் ட்ரைலர் வெளியிடப்படும் என எதிர்பார்க்கப்பட்டது, ஆனால் படத்தின் இயக்குனர் தற்போது அமைதி காப்பதே சிறந்தது என ரசிகர்களை அமைதிப்படுத்தினார்.


சமீபத்திய வதந்தியின் படி, மாஸ்டர் விஜய்யின் பிறந்த நாளில் வெளியிடப்படலாம், அதாவது ஜூன் 22 அன்று, பூட்டுதல் முடிவடைந்து அரசாங்கம் அனுமதி வழங்கினால். முழு அடைப்பு நீக்கப்பட்டாலும் திரையரங்கம் உள்பட பொது இடங்களில் சமூக இடைவெளி கடைப்பிடிப்பது அவசியம் என WHO தெரிவித்துள்ள நிலையில் திரைப்படங்கள் வெளியாவதில் சிக்கல்கள் நீடிக்கும் என கோலிவுட் வட்டாரங்கள் கருதுகின்றன. இதன் காரணமாகவே திரைப்பட தயாரிப்பாளர்கள் தற்போது OTT பயன்பாடுகளின் பக்கம் திரும்பியுள்ளனர் எனவும் கிசுகிசுக்கப்படுகின்றன. முன்னதாக ஜோதிகா நடிப்பில் உருவாகி வெளியீட்டுக்கு காத்திருக்கும் பொன்மகள் வந்தாள் திரைப்படம் இதன் காரணமாகவே திரையரங்கத்திற்கு பதில் Amazon Prime-ல் வெளியிடப்படலாம் என செய்திகள் வெளியாகின. எனினும் இது தொடர்பான அதிகாரப்பூர்வ அறிவிப்பு இதுவரை வெளியாகவில்லை என்பது குறிப்பிடத்தக்கது.


படத்தில் விஜய்யின் கதாபாத்திரம் பற்றி பேசுகையில், நடிகர் ஒரு கல்லூரி பேராசிரியர் மற்றும் ஒரு போதைப்பொருள் பெட்லர் கதாபாத்திரத்தை ஏற்கிறார். லோகேஷ் கனகராஜ் இயக்கியுள்ள இப்படத்தில் மாலவிகா மோகனன் மற்றும் ஆண்ட்ரியா எரேமியா ஆகியோர் முக்கிய வேடங்களில் நடித்துள்ளனர். விஜய் சேதுபதி முக்கிய வில்லனாக களம்காணுகிறார். மாஸ்டரின் துணை நடிகர்களில் நாசர், சாந்தனு பாக்யராஜ், ஸ்ரீமான், மற்றும் அஷகம் பெருமாள் ஆகியோர் அடங்குவர்.