புதுச்சேரி முதல்வரை சந்தித்த விஜய் சேதுபதி!

Puducherry புதுச்சேரி முதல்வர் ரங்கசாமி அவர்களை, அவரது இல்லத்தில் திரைப்பட நடிகர் விஜய் சேதுபதி (Vijay Sethupathi) மரியாதை நிமித்தமாக சந்தித்தார்.

தமிழ் சினிமா மட்டுமின்றி மற்ற மாநில திரைபடங்களிலும் பிசியாக நடித்துக் கொண்டிருப்பவர் நடிகர் விஜய்சேதுபதி.  தற்போது இருபதிற்கும் மேற்பட்ட படங்களில் நடித்துக்கொண்டிருக்கிறார்.  விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா என மூன்று பேரும் இணைந்து காத்துவாக்குல ரெண்டு காதல் என்ற படத்தில் நடித்து வருகின்றனர். அனிருத் இப்படத்திற்கு இசையமைக்கிறார். கடந்த கொரோனா ஊரடங்கில் ஆரம்பிக்கப்பட்ட இத்திரைப்படத்தின்  படப்பிடிப்பு சென்னையில் நடத்தப்பட்டது.

இத்திரைப்படத்தில் இருந்து ஏற்கனவே முதல் பாடல் வெளியாகி ரசிகர்களிடையே நல்ல வரவேற்பை பெற்றுள்ளது.  தற்போது காத்துவாக்குல ரெண்டு காதல் படத்தின் 80 சதவீத படப்பிடிப்புகள் முடிவடைந்த நிலையில், கடைசி கட்ட படப்பிடிப்பு தற்போது புதுச்சேரியில் நடந்து வருகிறது.  இந்நிலையில் புதுச்சேரியில் உள்ள விஜய் சேதுபதி மரியாதை நிமித்தமாக புதுச்சேரி முதல்வர் ரங்கசாமியை மரியாதை நிமித்தமாக அவரது இல்லத்தில் சந்தித்து பேசினார்.

விஜய் சேதுபதி தொகுத்து வழங்க சமீபத்தில் ஒரு தனியார் தொலைக்காட்சியில் சமையல் நிகழ்ச்சி வெளியானது.  நேற்று விஜய் சேதுபதி நடிப்பில் உருவான துக்ளக் தர்பார் படத்தின் பாடல்கள் வெளியாகி நல்ல வரவேற்பை பெற்றது. இத்திரைப்படம் விரைவில் ஓடிடி இல் வெளியாகும் என்று எதிர்பார்க்கப்படுகிறது.  மேலும் விஜய் சேதுபதி நடிப்பில் உருவாகி வெளியீட்டிற்கு தயாராக இருக்கும் மாமனிதன், கடைசி விவசாயி போன்ற படங்களும் நேரடியாக ஓடிடியில் வெளியாகும் என்று தகவல் கிடைத்துள்ளன.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.

Android Link: https://bit.ly/3hDyh4G

Apple Link: https://apple.co/3loQYe