தன்னம்பிக்கையை வெளிப்படுத்தும் உங்களின் உடல்மொழிகள்

கண் தொடர்பு - யாருடன் பேசும்போது அவர்களின் கண்களை பார்த்து பேசுங்கள். உங்களின் உறுதித் தன்மை கண்கள் காண்பித்துக் கொடுத்துவிடும். 

கண்கள் பிறருடனான தொடர்பில் சமநிலையை ஏற்படுத்தும். உண்மை தன்மை வெளிப்படுத்தும் முக்கிய அறிகுறி கண்.

நிமிர்ந்து நில்லுங்கள் -தோல்களை குறுக்காமலும், தலைமை மேலே நேராக உயர்த்தியும் இருங்கள். உங்கள் உடல்மொழியின் இந்த தோரணை உங்கள் மீது நன்மதிப்பை பெற்றுக் கொடுக்கும். ஆரோக்கியத்தை பறைசாற்றும் உடல்மொழியும் இதுதான். 

சரியான பதிலை கொடுக்கவும் -ஒருவர் பேசும்போது, ம்ம்... ஆஆ என சொல்லாமல் வார்த்தை மூலம் பதில் சொல்லுங்கள். மெதுவாக நிதானமாக பேசுங்கள். எதிரில் இருப்பவர் எந்த தொனியில் பேசினாலும் நீங்கள் நிறுத்தி பொறுமையாக பேசுங்கள். சொல்வதை தெளிவாக சொல்லுங்கள். 

உணர்ச்சிகளை காட்ட வேண்டாம் - முகம் உங்கள் ஆழ் மனதின் உணர்ச்சிகளை காட்டிவிடும். அதனால் யாருடன் பேசும்போது பிற விஷயங்களை பற்றி நினைக்காமல் சரியான முகபாவனையுடன் எதிரில் இருப்பவருடன் பேசுங்கள். 

நீங்கள் என்ன நினைக்கிறீர்கள் என்பதை உங்கள் முகம் காட்டிக் கொடுக்கவே கூடாது. அதாவது, உணர்ச்சிகள் முகத்தில் தெரியாத வண்ணம் இருக்க பழக்கப்படுத்திக் கொள்ளுங்கள்.