காலையில் ‘இந்த’ விஷயங்களை 5 நிமிடம் செய்தால்..தொட்டதெல்லாம் வெற்றிதான்!

காலையில் எழுந்தவுடன் முதல் வேலையாக தண்ணீர் அருந்துங்கள். இது, உங்களின் மெட்டபாலிசத்தை அதிகரிப்பதோடு, செரிமானத்தையும் மேம்படுத்தும். 

எழுந்த பின், உங்கள் கை-கால்களை நீட்டி-மடக்கி பயிற்சி செய்ய வேண்டும். உடலையும் வளைத்து இப்படி வேலை கொடுப்பதால், நீங்கள் உடலளவில் அந்த நாளை மகிழ்ச்சியுடன் எதிர்கொள்ள தயாராகலாம். 

உங்கள் மனதையும் உடலையும் ரிலாக்ஸ் செய்ய, கவனத்துடன் மூச்சுப்பயிற்சி மேற்கொள்ள வேண்டும். நாசியால் மெதுவாக மூச்சை இழுத்து, வாயால் வெளியேற்ற வேண்டும். இதனால், உங்களுக்கு எந்த விஷயத்தை பார்த்தாலும் அதில் தெளிவு கிடைக்கும். 

உங்கள் நாள் எப்படி செல்ல வேண்டும் என நினைக்கிறீர்களோ, அதனை அப்படியே மனதுக்குள் காட்சிப்படுத்தி பாருங்கள். இது, உங்களுக்கு நிகழ் காலத்தில் வரும் பிரச்சனைகளை எதிர்கொள்ள தைரியம் கொடுக்கும்.

உங்களுடன் நீங்களே பேசிக்கொள்ள ஒரு முக்கியமான பழக்கமாக இருப்பது, எழுதுவது. தினந்தோறும் உங்கள் நாளை தொடங்கும் முன்பு பாசிடிவான விஷயங்களை எழுதுங்கள். அல்லது உங்கள் காதுகளில் கேட்கும் படி நீங்களே சொல்லுங்கள். 

5 நிமிடங்களில், உங்கள் நாள் எப்படி செல்ல வேண்டும் என்பதையும் நீங்கள் திட்டமிடலாம். இந்த நாளில் உங்களின் முக்கியமான வேலை என்ன, செய்து முடிக்க வேண்டியவை என்ன என்பதை To-Do List-ஆக போட்டு அதன்படி நடக்கலாம். இதை தினமும் செய்தால், உங்களின் ஒவ்வொரு நாளும் முக்கியமானதாக மாறும். 

உங்கள் நாளை, சுற்றி இருக்கும் அனைத்திற்கும் நன்றி கூறுவதுடன் தொடங்குங்கள். அது எவ்வளவு சிறிய விஷயமாக அல்லது பெரியதாக இருந்தாலும் பரவாயில்லை. அனைத்திற்கும் நீங்கள் நன்றியுள்ளவராக இருக்க வேண்டும்.