மகளிர் தினத்தை பெண் பத்திரிக்கையாளர்களுடன் கொண்டாடிய சாக்ஷி அகர்வால்!
தமிழ் திரையுலகில் வளர்ந்து வரும் நடிகையாக இருப்பவர் சாக்ஷி அகர்வால். தமிழ், மலையாளம் மற்றும் கன்னட மொழி படங்களில் நடித்து பிரபலமானவர் இவர்.
இவரை பெரிய அளவில் பிரபலப்படுத்தியது, பிக்பாஸ் நிகழ்ச்சிதான். 2019ஆம் ஆண்டு நடைப்பெற்ற பிக்பாஸ் சீசன் 3 நிகழ்ச்சியில் இவர் முக்கிய போட்டியாளராக இருந்தார்.
49 நாட்கள் பிக்பாஸ் நிகழ்ச்சியில் இருந்த இவர், அதன் பிறகு போட்டியில் இருந்து வெளியேற்றப்பட்டார். அதன் பிறகு இவருக்கு தொடர்ந்து பட வாய்ப்புகள் வந்த வண்ணம் இருந்தன.
2018ஆம் ஆண்டு வெளியான ‘காலா’ படத்தில் சாக்ஷி, ரஜினிகாந்திற்கு மருமகளாக நடித்திருப்பார்.
மார்ச் 8ஆம் தேதியான நாளை, உலக மகளிர் தினம் கொண்டாடப்படுகிறது. இந்த தினத்தை கொண்டாடும் வகையில், சாக்ஷி ஸ்பெஷலாக ஒரு காரியத்தை செய்துள்ளார்.
சாக்ஷி அகர்வால், சினிமா பெண் பத்திரிக்கையாளர்களுடன் நேரம் செலவிட்டு அவர்களுக்கு பிடித்த நடவடிக்கைகளில் அவர்களை ஈடுபட வைத்திருக்கிறார்.
இது குறித்த வீடியோ சமூக வலைதளங்களில் தற்போது வைரலாகி வருகிறது.