Samantha : அடையாளமே தெரியாமல் மாறிப்போன சமந்தா! வைரல் புகைப்படம்..

தென்னிந்திய திரையுலகில், திறமை மிகு நடிகையாகவும் பணக்கார நடிகையாகவும் வலம் வருபவர், சமந்தா.

இவரது தாய்மொழி, வேறாக இருந்தாலும் இவர் பிறந்து வளர்ந்தது அனைத்தும் பல்லாவரம்தான். சென்னையில் உள்ள ஒரு பிரபல தனியார் கல்லூரியில்தான் பட்டப்படிப்பு பயின்றார். 

சமந்தாவிற்கு 2010 ஆம் ஆண்டு சினிமா கதவுகள் திறந்தன. 23 வயது இளம் பெண்ணாக இருந்த சமந்தா, விண்ணத்தாண்டி வருவாயா படத்தில் துணை நடிகையாக நடித்தார். 

அப்படம் தமிழில் ஹிட் அடிக்க, அதன் தெலுங்கு ரீ-மேக்கில் ஹீரோயின் ஆனார். இதில் அவருக்கு ஜோடியாக நாக சைதன்யா நடித்திருந்தார். 

காதலில் விழுந்து, எழுந்து, மீண்டும் காதலில் விழுந்த சமந்தா, நாக சைதன்யாவை 2017ஆம் ஆண்டு திருமணம் செய்து கொண்டார். இவர்களின் திருமணம் 3 ஆண்டுகளிலேயே முடிவுக்கு வந்து விட்டது. 

மயோசிடிஸ் (Auto Immune Condition) நோய் பாதிப்பு, தொடர் தோல்வி படங்கள் என, கடந்த சில ஆண்டுகளாக சமந்தாவின் வாழ்வு கொஞ்சம் போராட்டம் நிறைந்ததாக இருந்தது. 

அனைத்தில் இருந்து பிரேக் எடுக்க நினைத்த சமந்தா, 6 மாதங்களுக்கு எந்த படங்களிலும் நடிக்க போவதில்லை என்று கூறிவிட்டு, வெகேஷன் சென்றார். தற்போது தனக்கு பிடித்தவர்களுடன் நேரம் செலவிட்டு, அவ்வப்போது பதிவுகளை வெளியிட்டு வருகிறார். 

சமந்தா, இன்று செம ஸ்டைலாக உடை அணிந்த ஒரு புகைப்படத்தை தனது இணையதள பக்கத்தில் வெளியிட்டிருக்கிறார். இதில், அவர் ஆள் அடையாளமே தெரியாமல் மாறி விட்டதாக ரசிகர்கள் கமெண்ட் செய்து வருகின்றனர். ஒரு சிலர், ஏற்கனவே வெளியில் ‘ஹாட்’ஆக இருப்பதாக கூறியிருக்கின்றனர்.