அசானி புயல் முன்னெச்சரிக்கை ஆந்திராவில் தீவிரம்

இதனால், அந்திராவில் முன்னெச்சரிக்கை நடவடிக்கைகள் துரிதப்படுத்தப்பட்டுள்ளன. விசாகப்பட்டன விமான நிலையத்தில் விமான சேவைகள் முடக்கப்பட்டுள்ளது. துறைமுகப் பணிகளும் தற்காலிகமாக முடங்கியுள்ளது.

ஒடிசா மாநிலம் சர்தர்ப்பூரில் அசானி புயலால் பயங்கர கடல் சீற்றத்துடன் கனமழை பெய்து வருகிறது. இதில் மீனவ படகு ஒன்று சிக்கி கவிழ்ந்தது. அதிர்ஷ்டவசமாக மீனவர்கள் நீந்தி உயிர்பிழைத்தனர்.

தீவிர புயலாக ஆந்திராவை நெருங்கியுள்ள அசானி புயல், அடுத்த 24 மணி நேரத்தில் புயலாக வலுவிழக்கும் என சென்னை வானிலை ஆய்வு மையம் தெரிவித்துள்ளது. 

மேற்கு மத்திய மற்றும் வடமேற்கு வங்கக்கடலில் இன்று முதல் நாளை மறுநாள் வரை மீன் பிடிக்க செல்ல வேண்டாம் என இந்திய வானிலை ஆய்வு மையம் கேட்டுக் கொண்டுள்ளது. 

அசானி புயல் காரணமாக தமிழகத்திலும் பல்வேறு மாவட்டங்களில் பரவலாக மழை பெய்து வருகிறது.