ஆகஸ்டில் அறிமுகமாகும் இரு சக்கர வாகனங்கள்! சூப்பர் பைக் முதல் டிவிஸ் ஜூபிடர் 110 வரை...

ஆகஸ்ட் மாதத்தில் நான்கு சக்கர வாகனப் பிரிவைத் தவிர, பல ஆட்டோ நிறுவனங்கள் இரு சக்கர வாகனப் பிரிவில் பல வாகனங்களை அறிமுகப்படுத்துகின்றன. ராயல் என்ஃபீல்டு முதல் டிவிஎஸ் வரை பல நிறுவனங்கள் ஆகஸ்டில் அறிமுகப்படுத்தும் இரு சக்கர வாகனங்கள் இவை...  

ராயல் என்ஃபீல்டு கிளாசிக் 350: ஆகஸ்ட் 12 ஆம் தேதி புதிய Clalis 350 ஐ ராயல் என்ஃபீல்டு அறிமுகப்படுத்தவுள்ளது. 5 வகைகளில் த்யாரிக்கப்பட்டுள்ள இந்த பைக்குளில் பைக்குகளின் வண்ணங்களிலும் சில மாறுதல்கள் இருக்கும் என தெரியவந்துள்ளது. ஆகஸ்ட் 12 ஆம் தேதி, நிறுவனம் பைக்கின் முழு வடிவமைப்பை வெளியிடும்.

ராயல் என்ஃபீல்டு ஹிமாலயன் 650 : ராயல் என்ஃபீல்டு ஹிமாலயன் 650 பல்வேறு வகையிலான சோதனைகளையும் வெற்றிகரமாக முடித்துள்ளது.  கடந்த ஆண்டு அறிமுகமான ஹிமாலயன் 450 மற்றும் 450 சிசி பைக்கின் சில அம்சங்கள் ஹிமாலயன் 650 இல் இருக்கும்...

ராயல் என்ஃபீல்டு 650 ட்வின்: இந்த பைக்கின் பெயரை சில மாதங்களுக்கு முன் பதிவு செய்த ராயல் என்ஃபீல்டு இந்த மாதம் அறிமுகப்படுத்தப்படலாம். இருப்பினும், இந்த பைக் குறித்த பல தகவல்கள் வெளியாகவில்லை

பிஎஸ்ஏ கோல்ட் ஸ்டார் : கிளாசிக் லெஜெண்ட்ஸின் பிஎஸ்ஏ கோல்ட் ஸ்டார் பைக், இந்தியாவில் மீண்டும் வருகிறது. 650 சிசி பிரிவில் வரவிருக்கும் இந்த பைக் ராயல் என்ஃபீல்டின் 650 சிசி பைக்குடன் நேரடியாக போட்டியிடும்.  5 டிரான்ஸ்மிஷன் கியர்பாக்ள்கள் கொண்ட இந்த பைக் ஆகஸ்ட் 15ஆம் தேதி அறிமுகம் செய்யப்படவுள்ளது.

டிவிஎஸ் ஜூபிடர் 110: டிவிஎஸ் நிறுவனம் இரு சக்கர வாகனப் பிரிவில் புதிய ஸ்கூட்டரை கொண்டு வருகிறது. இந்த ஸ்கூட்டர் ஆகஸ்ட் இறுதியில் விற்பனைக்கு கிடைக்கும். இந்தியாவில் விற்கப்படும்  இந்த ஸ்கூட்டரை சில மாறுதல்களுடன் டிவிஎஸ் அறிமுகப்படுத்துகிறது

பொறுப்புத் துறப்பு: இணையத்தில் உள்ள தகவல்களின் அடிப்படையில் எழுதப்பட்ட இந்தக் கட்டுரையில் உள்ள தகவலின் உண்மைத்தன்மைக்கு ஜீ நியூஸ் பொறுப்பேற்காது