புத்தாண்டு ராசிபலன்: 2025-இல் இந்த ராசிகளுக்கு ராஜயோகம்.... சனி, குருவின் அருள் மழையால் பொற்காலம்

மார்ச் மாதம் நடக்கவுள்ள சனி பெயர்ச்சி 2025 ஆம் ஆண்டின் மிக முக்கியமான பெயர்ச்சியாக பார்க்கப்படுகின்றது. தற்போது கும்ப ராசியில் இருக்கும் சனி பகவான் 2025 மார்ச் மாதம் மீன ராசியில் பெயர்ச்சி ஆவார். இது இந்த ஆண்டின் மிகப்பெரிய ஜோதிட நிகழ்வாக பார்க்கப்படுகின்றது.

சுப கிரகமான குரு பகவான் தற்போது ரிஷப ராசியில் வக்ர நிலையில் உள்ளார். அவர் 2025 பிப்ரவரி மாதம் வக்ர நிவர்த்தி அடைவார். அதன் பிறகு மே மாதம் அவர் மிதுன ராசியில் பெயர்ச்சி ஆகவுள்ளார். மே மாத குரு பெயர்ச்சியும் 2025 ஆம் ஆண்டின் முக்கிய ஜோதிட நிகழ்வாக பார்க்கப்படுகின்றது.

2025 ஆம் ஆண்டின் சனி பெயர்ச்சி, குரு பெயர்ச்சி மற்றும் பிற கிரக நிலைகளின் மாற்றங்கள் ஆகியவற்றின் தாக்கம் அனைத்து ராசிக்காரர்களின் வாழ்விலும் இருக்கும். எனினும், சில ராசிகளுக்கு இது அதிகபடியான நன்மைகளை அளிக்கும். இவர்களுக்கு வாழ்வின் அனைத்து அம்சங்களிலும் முன்னேற்றம் இருக்கும். அந்த அதிர்ஷ்ட ராசிகளை பற்றி இந்த பதிவில் காணலாம்.

மேஷம்:  சனி பெயர்ச்சி, குரு பெயர்ச்சி மற்றும் குரு வக்ர நிவர்த்தியின் தாக்கத்தால் மேஷ ராசிக்காரர்களின் நிதி நிலை முன்னேறும். மேஷ ராசிக்காரர்களுக்கு 2025 புத்தாண்டு மிகவும் மங்களகரமானதாக இருக்கும். நல்ல லாபம் கிடைக்கலாம். வேலை தேடி அலைந்து கொண்டிருப்பவர்களுக்கு நல்ல வேலை கிடைக்கும். அதிர்ஷ்டம் உங்கள் பக்கம் இருக்கும். அனைத்து பணிகளிலும் குடும்ப உறுப்பினர்களின் ஆதரவு இருக்கும். திருமணம் ஆனவர்களின் திருமண வாழ்வில் இனிமை இருக்கும். சமூகத்தில் மரியாதை கூடும்.

ரிஷபம்: ரிஷப ராசிக்காரர்களுக்கு 2025 புத்தாண்டு ஆக்கப்பூர்வமாக இருக்கும். ஆண்டின் தொடக்கத்தில் மிக நல்ல பலன்கள் கிடைக்கும். நிதி நிலைமை நன்றாக இருக்கும். தொழிலில் முன்னேற்றம் ஏற்படும். குழந்தைகள் மூலம் நல்ல செய்திகள் கிடைக்கும். குடும்பத்தில் அமைதியும், மகிழ்ச்சியும் நிலவும். உடல் ஆரோக்கியம் நன்றாக இருக்கும்.

மிதுனம்: குரு பெயர்ச்சி மற்றும் சனிப் பெயர்ச்சி காரணமாக உங்கள் வாழ்க்கையில் அனுகூலமான மாற்றங்கள் ஏற்படும். உங்கள் தன்னம்பிக்கை அதிகரிக்கும். நீண்ட நாட்களாக நிலுவையில் இருந்த பணிகள் வெற்றிகரமாக நடந்து முடியும். திருமணமாகாதவர்களுக்கு திருமணம் நடக்கும். குடும்ப உறவுகளுக்கு இடையே புரிதல் அதிகரிக்கும். வாழ்க்கை துணையுடனான அன்பும் புரிதலும் அதிகமாகும். மாணவர்கள் போட்டி தேர்வுகளில் வெற்றி பெறுவார்கள்.

சிம்மம்: புத்தாண்டில் சிம்ம ராசிக்காரர்களுக்கு பொருள் வசதிகள் விரிவடையும். நிதி நெருக்கடியில் இருந்து விடுபடலாம். வியாபாரம் செய்பவர்கள் அதிக லாபம் பெறலாம். குடும்பத்தில் சுப நிகழ்ச்சிகள் நடக்கும். புதிய தொழில் தொடங்க வாய்ப்பு கிடைக்கும். வருமானம் அதிகரிப்பதால் மனம் மகிழ்ச்சியாக இருக்கும். 

துலாம்: சனிப்பெயர்ச்சி மற்றும் குரு பெயர்ச்சி காரணமாக துலாம் ராசிக்காரர்களுக்கு நற்பலன்கள் கிடைக்கும். வாழ்வில் முன்னேற்றம் ஏற்படும். வேலை தேடிக் கொண்டிருக்கும் துலாம் ராசிக்காரர்களுக்கு நல்ல வேலை கிடைக்கும். வணிகத்தில் ஈடுபட்டு உள்ளவர்களுக்கு லாபம் அதிகரிக்கும். மாத வருமானம் கூடும். குழந்தைகளால் நன்மை உண்டாகும்.

மகரம்: சனி மற்றும் குரு பெயர்ச்சியால் ஏற்படும் மாற்றம் மகர ராசிக்காரர்களுக்கு லாபகரமானதாக இருக்கும். துணிச்சலும் உறுதியும் அதிகரிக்கும். உடன் பிறந்தவர்களின் அன்பும் ஆதரவும் கிடைக்கும். நீதிமன்ற வழக்குகளில் உங்களுக்கு சார்பாக தீர்ப்புகள் வரும். பணியிடத்தில் உங்கள் மதிப்பு மரியாதையும் அதிகரிக்கும்.

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.